Strandapósturinn - 01.10.2007, Síða 153

að hún, þegar inn var komið og hún sá þessa munaðarvöru
hafi yfirbugast af freistingunni til að taka lítið eitt af henni til
að gleðja sig hugsandi í einfeldni sinni að það varla gæti varð-
að hegningu. Eg get því eigi séð annað en að það sé næsta
auðsætt að brot hinnar kærðu geti eigi fallið undir 231. gr.
hegningarlaganna heldur verði að heimfærast undir 230. gr.
sömu laga og refsingin fyrir brotið því færast niður að miklum
mun. Að svo rnæltu skal ég leyfi mér virðingarfyllst að gjöra þá
réttarkröfu. Að hin kærða verði dæmd í laganna vægustu
hegningu og málskostnaður - þar með talin hæfileg mál-
færslulaun til mín - verði greiddur af almannafé.
Legg ég svo málið í dóm með fyrirvara.
Reykjavík 25. apríl 1896
Virðingarfyllst
Gísli Isleifsson
Mánudaginn 8. júní 1896 var landsyfirdómurinn settur og hald-
inn af hinum reglulegu dómendum. Var tekið fyrir málið réttvís-
in gegn Ingveldi Sigurðardóttur.
I upphafi dómsins er saga málsins rakin og svo segir:
Þetta athæfi ákærðu sem komin er yfir lögaldur sakamanna og
ekki áður hefur sætt hegningu fyrir neitt afbrot á undir 230.
gr. almennra hegningarlaga og virðist hegning sú sem liún
samkvæmt nefndri lagagrein hefur til unnið hæfilega metin 5
daga fangelsi við vatn og brauð. Endurgjalds fyrir þýfið hefur
ekki verið krafist. Svo ber henni að greiða allan af málinu lög-
legan kostnað þar með talin málflutningslaun til sóknara og
svaramanns fyrir yfirdómi 10 kr. til hvors þeirra. Það athugist
að mál þetta hefur verið lengur undir dómi hjá undirdóm-
aranum en lög leyfa en að öðru leyti hefur rekstur þess í hér-
aði verið vítalaus.
Því dæmist rétt vera:
Ákærða Ingveldur Sigurðardóttir á að sæta fangelsi við vatn og
brauð í 5 daga. Svo ber henni að greiða allan af málinu í hér-
aði og fyrir yfirdómi löglega leiðandi kostnað. Þar með talin
málílutningslaun til sóknara og verjanda þar cand. juris Hann-
151