Morgunblaðið - 03.09.2021, Page 2

2 FRÉTTIR
Innlent
MORGUNBLAÐIÐ FÖSTUDAGUR 3. SEPTEMBER 2021
Götuskór úr mjúku leðri
Reimaður að framan
Rennilás að innanverðu
Grófur stamur sóli SMÁRALIND
www.skornir.is
Netverslun
skornir.is
Verð 19.995
Stærðir 36-41
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Unnur Freyja Víðisdóttir
unnurfreyja@mbl.is
Vel væri hægt að stytta bið þessa
fólks eftir þjónustu hjá heyrnar-
fræðingum hér á landi með skipu-
lagsbreytingum og auknu samstarfi
milli ríkisins og einkaaðila, að sögn
Ellisifjar Katrínar Björnsdóttur,
heyrnarfræðings hjá Heyrn ehf.
Töluverð bið getur verið fyrir full-
orðna eftir tíma hjá heyrnarfræðing-
um hér á landi. Frá þessu greindi
Ingibjörg Hinriksdóttir, yfirlæknir
hjá Heyrnar- og talmeinastöð Ís-
lands, í samtali við Morgunblaðið 16.
ágúst sl. Biðin
skýrist að hluta af
skorti á sérfræð-
ingum í faginu
þar sem heyrnar-
fræði er ekki
kennd hér á landi
og að þeir erlendu
sérfræðingar sem
hafa starfað við
fagið hér fram að
þessu hafi farið
fyrr heim en ella í kórónuveiru-
faraldrinum, að sögn hennar.
Þá segir Ingibjörg einnig að há-
skólinn telji sig ekki geta hafið
kennslu í heyrnarfræði hér á landi
þrátt fyrir endurteknar viðræður um
mikilvægi þess.
Ellisif bendir á að fólk geti leitað
eftir endurhæfingu til einkastofa
sem bjóða upp á styttri bið eftir
heyrnarþjónustu.
„Heyrnar- og talmeinastöðin er
með tvíþætta þjónustu, eina fyrir al-
menning og aðra fyrir sérhæfðan
hóp sem þarf þjónustu strax og fær
80% endurgreiðslu á heyrnartækj-
um,“ segir hún.
„En svo er það almenningur sem
er í miklum meirihluta sem ekki fell-
ur undir sérhæfða hópinn og fer í
röðina og lengir þannig bið þeirra
sem þurfa á bráðri þjónustu að
halda. Hinn almenni borgari sem er
yfir 18 ára og er ekki í sérhæfða
hópnum fær hundrað þúsund krónur
endurgreiddar af pari af heyrnar-
tækjum á fjögurra ára fresti frá
Sjúkratryggingum Íslands þegar
hann kaupir heyrnartæki af viður-
kenndum löggiltum heyrnarfræð-
ingi.“
Rekstrarleyfishöfum á heyrnar-
þjónustu ber að vísa þeim sem grein-
ast með heyrnarskerðingu á betra
eyra yfir 70 dB til frekari endurhæf-
ingar hjá HTÍ og geta þeir einstak-
lingar ekki leitað til einkaaðila eftir
þeirri sérhæfðu þjónustu.
Til að stytta bið þessa stóra hóps
væri þó hægt að beina þeim sem ekki
þurfa á sérhæfðri þjónustu að halda
til einkaaðila og stytta þar með bið-
ina hjá HTÍ, að sögn Ellisifjar.
„Rétt væri að leiðrétta þennan
misskilning að það sé svona löng bið
eftir tíma hjá löggiltum heyrnar-
fræðingum og upplýsa frekar al-
menning um að hann hafi val um
leita til fleiri þjónustuaðila og komist
þá mun fyrr að á meðan sérhæfði
hópurinn leiti til sérfræðingateymis
HTÍ enda hafa þau ekki völ á öðru.“
Aukið samstarf gæti stytt biðina
- Upplýsa megi almenning um að hann hafi meira val um þjónustuaðila - Sérfræðinga skortir hér
Ellisif Katrín
Björnsdóttir
Félag kvenna í atvinnulífinu
(FKA) hóf starfsár sitt hátíðlega í
gær við Elliðaárstöð.
Birna Bragadóttir, for-
stöðukona Elliðaárstöðvar og for-
maður stjórnar Hönnunarsjóðs Ís-
lands, tók á móti hópnum og fór
hún meðal annars yfir þá upp-
byggingu sem á sér stað í daln-
um.
Þá hélt Sigríður Hrund Péturs-
dóttir, formaður FKA, einnig
stutt opnunarávarp.
Léttar veitingar voru í boði og
bauðst gestum tækifæri til að
skoða Rafstöðina á aldarafmæli
rafmagnsframleiðslu þar. Meðal
annarra dagskrárliða voru lopa-
peysukeppni og upplifunarganga
í Elliðaárhólmanum þar sem
hönnunarinnsetningar voru skoð-
aðar.
70 ár eru nú liðin frá því að
fyrstu trén voru gróðursett í
Elliðaárdalnum af starfsfólki
Orkuveitunnar. hmr@mbl.is Morgunblaðið/Eggert
Hófu starfs-
árið í Elliða-
árdalnum
Smit kom upp hjá einum skipverja
um borð í flutningaskipi Eimskips,
Dettifossi. Skipið kom til hafnar á
þriðjudag í Reykjavík eftir siglingu
frá Grænlandi. Viðbragðsáætlun
fyrirtækisins var virkjuð og öll áhöfn
sem um borð var fór í sóttkví í landi.
Skipið var þrifið og ný áhöfn tók við
og hélt skipið því áfram sinni áætlun
á miðvikudag.
„Það kemur upp grunur um smit,
maðurinn fer síðan í próf þegar kom-
ið er í höfn og reynist vera smitaður
þannig að áhöfnin sem var um borð
fór bara í sóttkví, skipt var um áhöfn
og skipið þrifið,“ segir Edda Rut
Björnsdóttir, upplýsingafulltrúi
Eimskips. Edda segir það auðvitað
hafa verið áfall að þetta komi upp en
að miðað við ástandið í dag sé þetta
viðbúið. „Þrátt fyrir að við gerum
miklar varúðarráðstafanir í kringum
þetta allt saman þá getur þetta kom-
ið upp. Við vorum með okkar við-
bragðsáætlun tilbúna og gengum
bara í það.“
Smit kom upp um
borð í Dettifossi
- Skipið þrifið og skipt um áhöfn
Morgunblaðið/Arnþór Birkisson
Dettifoss Viðbragðsáætlun Eimskips var virkjuð eftir að smitið kom upp.