Morgunblaðið - 11.11.2021, Qupperneq 64

MORGUNBLAÐIÐ FIMMTUDAGUR 11. NÓVEMBER 2021
Modal náttfötin komin!
Frí heimsending um land allt
Bláu húsin v/Faxafen • Sími 553 7355 • Vefverslun: selena.is
Vefverslun
selena.is
Rósa Margrét Tryggvadóttir
rosa@mbl.is
„Við Jóna Kristín vinkona byrjuðum
með hlaðvarpið Móðurlíf fyrr á þessu
ári en við höfum verið bestu vinkonur í
20 ár og oft og mikið rætt uppeldis-
tengda hluti í gegnum tíðina og verið
með svipaðar hugsjónir í þeim málum.
Það var svo bara einn daginn sem
hugmyndin kviknaði hjá mér að gera
hlaðvarp úr þessum pælingum öllum og
ákváðum við að slá til og prófa þetta,“
segir Díana Karen Rúnarsdóttir, annar
af stjórnendum hlaðvarpsins Móðurlífs.
„Ég hef sjálf gaman af því að hlusta
á viðtöl og reynslusögur annarra og
fannst vanta í flóruna fleiri þætti þar
sem mæður og foreldrar gætu speglað
sig í viðmælendum sem eiga mismun-
andi reynslu að baki, sótt fróðleik í sér-
fræðinga og einnig hlustað á okkur
tvær babla um okkar eigin reynslu af
meðgöngu, fæðingu og foreldra-
hlutverkinu,“ segir hún.
Sjálf er Díana með fjölbreyttan
smekk á hlaðvörpum en hún hefur til
dæmis sérstakan áhuga á hlaðvörpum
sem tengjast uppeldi. Hún mælir hér
með sínum uppáhalds.
Betri helmingurinn með Ása „Snið-
ug og skemmtileg
hugmynd að hlað-
varpi sem mér
finnst koma ein-
staklega vel út.
Eitthvað nýtt og
ferskt sem ég
hafði ekki séð áð-
ur. Gaman að sjá nýjar hliðar á þjóð-
þekktu fólki og svo finnst mér þátta-
stjórnandinn svo einlægur og
frábær.“
Virðing í uppeldi
„Þetta hlaðvarp
finnst mér ótrú-
lega vandað,
metnaðarfullt og
vel unnið. Það
heyrist hvað
stjórnendur og viðmælendur eru vel
undirbúnir og fróðleikur kemst því
mjög vel til skila til hlustandans.
Hjálplegt fyrir alla foreldra sem vilja
tileinka sér virðingarríkt uppeldi.“
Þarf alltaf að vera grín „Það er hlað-
varp sem ég get
einhvern veginn
alltaf hlustað á;
sama í hvernig
skapi ég er eða
hvað ég er að gera
þá er ég alltaf í
stuði fyrir fífla-
ganginn í þeim og líður hálfpartinn
eins og ég hafi þekkt þau allt mitt líf.
Það þarf einhver að gefa þessu fólki
pláss í sjónvarpi!“
Unruffled „Janet Lansbury er einn
helsti talsmaður
uppeldisstefnunar
Respectful parent-
ing eða RIE. Þar
sem áhugasvið
mitt liggur m.a. í
barnauppeldi
finnst mér algjör snilld að geta rennt í
gegnum hafsjó af fróðleik Janet Lans-
bury en hún hefur gefið út hlaðvarps-
þætti reglulega síðan 2015 svo það er
af nógu að taka.“
Normið „Þvílíkir fagmenn í peppi
sem þessar stelp-
ur eru. Drífandi
þættir sem hjálpa
manni að skrúfa
hausinn rétt á,
vekja mann til um-
hugsunar og smita
út frá sér já-
kvæðni og gleði! Ég hlusta á Normið
þegar mér líður eins og ég þurfi að
„rífa mig í gang“. Þær fá einnig oft til
sín mjög áhugaverða viðmælendur og
er gaman að heyra þær „kroppa í heil-
ann“ á þeim.“
Fimm áhugaverð hlaðvörp frá Díönu í Móðurlífi
Gaman að hlusta
á heilakropp
Díana Karen og Jóna Kristín eru saman með
vinsæla uppeldishlaðvarpið Móðurlíf en þær
hafa verið vinkonur í 20 ár. K100 fékk Díönu til
að gefa álit á sínum fimm uppáhaldshlaðvörpum
og segja frá því hvers vegna hún hlustar á þau.
Ljósmynd/Heiðbrá Photography
Vinkonur Díana fékk
sjálf hugmyndina að hlað-
varpinu Móðurlífi sem
hún heldur úti með vin-
konu sinni Jónu Kristínu.