Sjálfsbjörg - 01.07.1981, Side 35

% í hz
\
j , »

(JWjtrrPf-lhl/Jln^in^jptUfírt Mr.y qJ$táliAv\J,h Í?C<*1 a n
v |Mj
Herjólfsdalur, orðinn eins og nýr,
svo yndislega grænn sem fyrr á dögum.
Herjólfsdalur, öll þau ævintýr
sem áttum við í þínum sumarhögum
þau gleymast ei, en geymast hverjum þeim
sem gleðistundir þínar meta kunni.
í faðmi þér mér finnst ég kominn heim
og fagna því af innsta hjartans grunni.
Hér gleðjast allir, takast hönd í hönd
með hýrri brá, því það er gamall siður
að láta dægurþrasið lönd og strönd,
við leggjumst bara í grasið mjúka niður
og njótum þess að vaka og vera til,
í vinahópi gista klettasalinn,
á meðan sólin gyllir þessi þil
og þjóðhátíðarstemmning fyllir Dalinn.
Og blærinn hvíslar orði í eyra mér
sem álfar snerti tregans djúpu strengi;
við minnumst þeirra er fyrrum fóru hér
og fögnuðu með okkur næturlengi.
En þegar rökkvar leikinn æskan á
og ævintýrin nýjum perlum skarta;
því hér er ekkert til sem mær ei má
ef maður elskar hana af hreinu hjarta.
SJÁLFSRJÖRG 33