Morgunblaðið - 26.03.2022, Blaðsíða 4

4
MORGUNBLAÐIÐ LAUGARDAGUR 26. MARS 2022
Blaðamannafélag Íslands
Aðalfundur BÍ 2022
Fimmtudaginn 28. apríl kl. 20.00 í Síðumúla 23
Aðalfundur Blaðamannafélags Íslands árið 2022 verður
haldinn fimmtudaginn 28. apríl nk. að Síðumúla 23,
3. hæð, 108 Reykjavík þar sem félagið er til húsa og
hefst fundurinn stundvíslega kl. 20.00.
BÍ-félagar eru hvattir til að mæta
*Framboð til formanns BÍ þarf að berast skrifstofu BÍ ekki
síðar en tveimur vikum fyrir boðaðan aðalfund.
Dagskrá:
Venjuleg aðalfundarstörf
Skýrslur frá starfsnefndum
Kosningar*
Lagabreytingar
Önnur mál
Stríð í Evrópu
Höskuldur Daði Magnússon
hdm@mbl.is
„Börn og fjölskyldur þeirra geta not-
ið samverunnar þarna. Það er búið að
fylla húsnæðið af nýjum leikföngum
og allir hafa fengið skólatösku og
páskaegg. Það er eins nærandi og það
getur orðið að horfa upp á þetta,“
segir Sveinn Rúnar Sigurðsson, for-
sprakki samtakanna Flóttafólk sem
hafa skipulagt móttöku fyrir flótta-
fólk frá Úkraínu.
Í vikunni var opnuð fjölskyldu-
miðstöð í Hátúni 2 þar sem börn frá
Úkraínu og fjölskyldur þeirra geta
notið samveru frá klukkan 10-15 á
virkum dögum. Fólkið er sótt á rút-
um að morgni og keyrt til baka á
dvalarstaði í lok dags. Boðið er upp á
morgunverð og hádegisverð á staðn-
um. Allt er þetta gert í sjálfboðavinnu
auk þess sem leikföng og húsgögn
hafa fengist gefins og rútur voru
fengnar að láni.
Að sögn Sveins Rúnars hefur
þessu framtaki verið vel tekið. Í gær
var þriðji dagurinn sem fjölskyldu-
miðstöðin var opin og þá voru þar á
bilinu 10-15 börn auk fjölskyldna
þeirra. „Ég myndi halda að við getum
tekið á móti um 30 börnum þarna. Ég
hugsa að þetta verði búið að sprengja
utan af sér húsnæðið innan viku,“
segir Sveinn Rúnar.
Hafa áhyggjur af ástvinum
Eins og komið hefur fram í Morg-
unblaðinu hafa sömu samtök sett á
fót miðstöð í Guðrúnartúni 8 þar sem
boðið hefur verið upp á kvöldmat og
ýmsum nauðsynjavörum fyrir flótta-
fólkið verið safnað saman. Þar var
byrjað smátt en nú er eldað fyrir 100
manns fjögur kvöld í viku. Öll börn
hafa fengið vetrargalla og ýmislegt
hefur verið skipulagt til að stytta fólk-
inu stundir. Efnt hefur verið til menn-
ingarviðburða, farið í Klifurhúsið og
sitthvað fleira.
Sveinn segir mikilvægt að fólkið
hafi eitthvað að gera, að það þurfi ekki
bara að hanga á hótelherbergjum.
„Vandinn er ekki síst sá að fólk hefur
áhyggjur af maka og ástvinum. Því
er mikilvægt að dreifa huganum.“
Annað sem nú er lögð áhersla á er
að fólkið frá Úkraínu geti sótt vinnu
hér á landi. „Það er komið í gang og
við sjáum hvað gerist. Okkur hafa
borist boð um nokkra tugi starfa hjá
fyrirtækjum sem við erum að vinna
okkur í gegn. Það verður skrifað und-
ir einhverja ráðningarsamninga í
næstu viku um hefðbundin verka-
mannastörf.“
Morgunblaðið/Kristinn Magnússon
Móttökur Samtökin Flóttafólk hafa útvegað börnum frá Úkraínu ný föt, skólatöskur og páskaegg auk þess að skipuleggja afþreyingu.
Fá skólatöskur og páskaegg
Samskipti Flóttafólkið ræðir við maka
og ástvini sína í Úkraínu í gegnum síma.
Afþreying Mikið af leikföngum og ýmiss konar afþreyingu fyrir börn er
í fjölskyldumiðstöðinni. Þar una þau sér vel klukkan 10-15 á daginn.
- Miðstöð fyrir fjölskyldur frá Úkraínu opnuð - Fyrsta flóttafólkið í vinnu
Alls komu 107 flóttamenn frá Úkra-
ínu til Íslands á síðustu sjö dögum og
sóttu um alþjóðlega vernd. Það gerir
um 15 manns á dag, en það eru tæp-
lega 80% þeirra sem sóttu um vernd
hér á landi á þessu tímabili.
Þetta er meðal þess sem lesa má úr
nýrri stöðuskýrslu landamærasviðs
ríkislögreglustjóra sem birt er vegna
stríðsátaka í Úkraínu og komu fólks
þaðan til Íslands.
Samtals hafa 726 komið til Íslands
og sótt um alþjóðlega vernd á Íslandi
frá áramótum. Þar af hafa 397 komið
frá Úkraínu frá 24. febrúar þegar inn-
rás Rússa hófst, en þetta er fjölmenn-
asti hópur þeirra sem hafa sótt um al-
þjóðlega vernd.
Næstflestir hafa komið frá Vene-
súela á þessu ári, eða 198 manns.
Undanfarna viku fjölgaði þeim sem
komu frá Venesúela um 17 talsins,
eða rúmlega tvo á dag.
Það sem af er ári hefur 141 flótta-
maður sem kemur frá öðru landi en
Úkraínu og Venesúela sótt um alþjóð-
lega vernd hér á landi. Síðustu vikuna
komu 13 manns frá öðrum löndum en
þessum tveimur, en þeir sem hafa sótt
um alþjóðlega vernd á þessu ári
tengjast nú 27 löndum, en fyrir viku
var fjöldinn 23. Nánar á mbl.is
397 af 726 frá Úkraínu
- 107 flóttamenn frá Úkraínu hafa sótt um vernd síðustu sjö
daga - Ný stöðuskýrsla landamærasviðs ríkislögreglustjóra
Umsóknir um alþjóðlega vernd á Íslandi
Skipt eftir þjóðerni 1. janúar til 24. mars 2022
Heimild: RLS og
Útlendingastofnun
Jemen Írak Sýrland Hondúras Palestína Venesúela Úkraína Annað
10 11 12 15
35
198
397
54
UMSÓKN
Hætta á að óprúttnir aðilar nýti sér
neyð fólks, og komi því í mansal,
eykst í takt við stríðari flótta-
mannastraum vegna stríðsins í Úkra-
ínu. Karl Steinar Valsson, yfirlög-
regluþjónn alþjóðasviðs
ríkislögreglustjóra, segir mikilvægt
að fólk hafi augun opin fyrir vísbend-
ingum um mansal hér á landi.
„Það skiptir mjög miklu máli að
það verði vitundarvakning um þetta.
Við lifum í rosalega góðu og vernd-
uðu umhverfi svo við eigum oft svolít-
ið erfitt með að setja okkur í spor
þeirra sem ekki eru í slíkum að-
stæðum,“ segir Karl Steinar í samtali
við Morgunblaðið.
Europol hefur sent út viðvaranir til
ríkja Evrópu vegna aukinnar hættu á
mansali enda sýnir reynslan að hún
eykst í takt við fjölgun flóttafólks.
Nýta sér bága stöðu flóttafólks
„Brotahóparnir sjá tækifærin í erf-
iðleikunum og stökkva á þau,“ segir
Karl Steinar.
Þar sem mörg ríki hafa ákveðið að
taka á móti fjölda úkraínskra flótta-
manna er til staðar hætta á skjala-
falsi, þ.e. því að brotahópar láti fólk fá
fölsuð úkraínsk skjöl til þess að koma
þeim inn í landið, að sögn Karls
Steinars. Hann nefnir einnig að
hætta sé á að óprúttnir aðilar heilli
fólk með gylliboðum.
„Meirihluti flóttamannanna núna
eru konur með börn vegna þess að
karlmennirnir eru flestir í stríði. Þá
er verið að bjóða þeim aðstoð við eitt-
hvað en þau átta sig kannski ekki á
því hvað felst í boðinu. Þannig að það
er verið að notfæra sér stöðuna sem
einstaklingar eru í.“
ragnhildur@mbl.is
Hætta á
auknu
mansali
- Sjá tækifæri í erf-
iðleikum flóttafólks
AFP
Styrjöld Flóttafólk í Irpín, í grennd
við höfuðborgina Kænugarð.