Morgunblaðið - 26.03.2022, Blaðsíða 7

FRÉTTIR 7Innlent
MORGUNBLAÐIÐ LAUGARDAGUR 26. MARS 2022
Blöndulína 3
Umhverfismats-
skýrsla
Landsnet | Gylfaflöt 9 | 112 Reykjavík | Sími 563 9300 | landsnet@landsnet.is | www.landsnet.is
Við erum lykilinnviður þjóðarinnar og allt okkar starf snýst um að miðla orku sem drífur áfram lífsgæði og
sköpunarkraft samfélagsins til framtíðar. Við leggjum áherslu á virðingu, samvinnu og ábyrgð. Við erum
framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem
umhyggja, jafnrétti og öryggi eru í fyrirrúmi.
Fram undan eru opin hús þar sem lagðar verða
fram upplýsingar um mat á umhverfisáhrifum vegna
Blöndulínu 3, sem mun liggja milli Blöndustöðvar
og Akureyrar.
Línuleiðin er innan fimm sveitarfélaga, Akureyrar-
bæjar, Hörgársveitar, Akrahrepps, Sveitarfélagsins
Skagafjarðar og Húnavatnshrepps.
Markmið framkvæmdarinnar er að bæta orku-
nýtingu, auka flutningsgetu og tryggja stöðugleika
raforkukerfisins á Norður- og Austurlandi. Fram-
kvæmdin hefur einnig þýðingu fyrir flutningskerfi
landsins í heild þar sem um er að ræða mikilvægan
hlekk í styrkingu tengsla milli sterkari hluta kerfisins
á suðvesturhorninu og veikari hluta þess á
Austurlandi.
Umhverfismatsskýrslan er aðgengileg á vefsíðum
Skipulagsstofnunar, Landsnets og Mannvits frá
25. mars til 13. maí 2022. Að auki liggur umhverfis-
matsskýrslan frammi til kynningar frá 29. mars
á eftirtöldum stöðum:
Í ráðhúsi Akureyrarbæjar, á skrifstofum Hörgár-
sveitar, Akrahrepps, Sveitarfélagsins Skagafjarðar
og Húnavatnshrepps og hjá Skipulagsstofnun.
Öllum er velkomið að koma á framfæri umsögnum
um umhverfismatið og skal senda þær til Skipulags-
stofnunar, Borgartúni 7b, eða á skipulag@skipulag.is.
Opin hús vegna mats
á umhverfisáhrifum
Hafðu áhrif
– taktu þátt
í samtalinu
Opnir fundir
Akureyri, Hótel KEA
miðvikudaginn 30. mars 19.30 – 21.30
Varmahlíð Skagafirði,
Menningarhúsinu Miðgarði
fimmtudaginn 31. mars 16.30 – 19.30
Reykjavík, Veitingastaðnum Nauthól
þriðjudaginn 26. apríl 16.00 – 18.30
Verið velkomin
Félagar úr Kiwanisklúbbnum
Drangey í Skagafirði hafa síðustu
vikurnar komið færandi hendi í
grunnskóla á Norðurlandi vestra
og afhent nemendum í 1. bekk
endurskinsvesti að gjöf.
Verkefnið er sem fyrr unnið í
samstarfi við Vátryggingafélag Ís-
lands, VÍS, en Kiwanismenn hafa
fært nemendum vesti og reið-
hjólahjálma nokkur undanfarin
ár.
Með Kiwanismönnum í för hafa
verið lögreglumenn, sem minnt
hafa á öryggi þess að bera vestin í
umferðinni, og ekki bara á leið-
inni til og frá skóla, heldur einnig
við leik utan skólatíma.
Að sögn Emils Haukssonar, sem
haldið hefur utan um verkefnið
fyrir Kiwanisklúbbinn, hafa við-
tökur í skólunum verið mjög góð-
ar. Alls fara um 700 vesti í 1.
bekkina á Norðurlandi vestra.
Vegna Covid-19 hefur afhendingin
tekið lengri tíma en ætlað var.
Kiwanis með örygg-
isvesti í alla 1. bekki
Ljósmynd/Árskóli
Öryggisvesti Nemendur í 1. bekk Árskóla á Sauðárkróki, ásamt fulltrúa Kiwanismanna og lögreglunnar.
Röskva sigraði í
kosningum til
stúdentaráðs og
háskólaráðs með
miklum yfirburð-
um og fékk
kjörna 15 full-
trúa af 17 í stúd-
entaráði.
Vaka fékk tvo
fulltrúa kjörna í
stúdentaráð.
Þá vann Röskva kosningar til há-
skólaráðs og fékk tvo fulltrúa
kjörna af tveimur fulltrúum nem-
enda í háskólaráði. Á kjörskrá voru
allir þeir nemendur sem skráðir
eru í nám við Háskóla Íslands skóla-
árið 2021-2022. Fram kemur í til-
kynningu frá kjörstjórn SHÍ að
heildarkjörsókn hafi verið 21,70% í
kosningum til stúdentaráðs þar sem
alls voru 2.626 atkvæði greidd en
17,95% í kosningum til háskólaráðs
þar sem 2.572 voru greidd.
Röskva vann kosn-
ingarnar með mikl-
um yfirburðum
HÍ Röskva bar sigur
úr býtum í vikunni.
Tekjur RARIK námu rúmum 16,7
milljörðum króna árið 2021 og
hækka um 3% frá árinu áður.
Hagnaður félagsins nam rúmum
2,1 milljarði árið 2021 miðað við
hagnað upp á tæpa 1,8 milljarða ár-
ið áður. Þetta kemur fram í ársupp-
gjöri RARIK.
Rekstrarhagnaður fyrir fjár-
magnsliði og afskriftir (EBITDA)
nam rúmum 5,6 milljörðum sam-
anborið við tæpa 5,3 milljarða árið
2020. Eigið fé nam tæpum 54 millj-
örðum í lok árs og heildareignir fé-
lagsins í lok árs voru um 83,5 millj-
arðar.
RARIK hagnaðist
um 2,1 milljarð
Ljósmynd/RARIK
Raf Hagnaður RARIK hækkaði um 18%.
Hæstiréttur vís-
aði í gær máli
Aðalsteins Kjart-
anssonar, blaða-
manns Stund-
arinnar, gegn
embætti lög-
reglustjórans á
Norðurlandi
eystra, frá dómi.
Hæstiréttur taldi
Aðalstein ekki
hafa heimild til að kæra frávísunar-
úrskurð Landsréttar til Hæsta-
réttar.
Hann þarf því að gefa skýrslu hjá
lögreglunni á Norðurlandi eystra í
tengslum við rannsókn á broti gegn
friðhelgi einkalífsins í tengslum við
fréttaflutning blaðamannanna af
„skæruliðadeild Samherja“.
Máli Aðalsteins vís-
að frá Hæstarétti
Aðalsteinn
Kjartansson