Morgunblaðið - 26.03.2022, Blaðsíða 41

ÍÞRÓTTIR 41
MORGUNBLAÐIÐ LAUGARDAGUR 26. MARS 2022
heldur stórt stökk á þeim tíma-
punkti. Hann er reynslunni ríkari í
dag og klár í slaginn í dönsku deild-
ina.
„SönderjyskE var fyrsti klúbb-
urinn minn erlendis. Ég fór beint frá
FH til SönderjyskE. Það gekk
ágætlega en maður fann það samt á
sama tíma að þegar maður fer beint
úr íslensku deildinni og yfir í þá
dönsku þá lendir maður á smá vegg.
Maður var líka mjög ungur. Nú er
ég töluvert eldri og reyndari. Ég
kann tungumálið vel og þetta verða
auðveld umskipti fyrir mig,“ sagði
Daníel.
Hann hefur leikið í samanlagt sex
ár í Svíþjóð og kann því sænskuna
vel. Daníel lék með Ricoh um
tveggja ára skeið áður en hann kom
heim í Val. Frá Val lá leiðin til Guif.
Hafnfirðingurinn þarf að dusta ryk-
ið af dönskunni. „Ég lærði dönsku
þegar ég var í SönderjyskE en það
eru komin sex ár síðan ég bjó í Dan-
mörku. Ég vona að danskan sé enn
þá þarna einhvers staðar,“ sagði
hann og hló.
Góður tími hjá Guif
Daníel er nokkuð ánægður með
árin tvö hjá Guif, þrátt fyrir að tím-
inn hans hjá félaginu hafi verið lit-
aður af kórónuveirunni. Liðið rétt
missti af sæti í úrslitakeppninni á
þessari leiktíð og féll úr leik í átta
liða úrslitum á síðustu leiktíð.
„Ég skrifaði undir hjá Guif rétt
áður en Covid fór af stað og fyrsta
tímabilið sérstaklega var litað af því.
Það voru engir áhorfendur eða neitt
og það var leiðinlegt. Miðað við liðið
sem við höfum verið með var það
gott að komast í úrslitakeppni á síð-
asta tímabili og í níunda sæti og
sleppa við fall í ár var ágætt. Ég er
sáttur við minn tíma þar.“
Lemvig er sem stendur í níunda
sæti dönsku úrvalsdeildarinnar með
20 stig eftir 25 leiki. Liðið er fjórum
stigum frá Ribe-Esbjerg sem er í
síðasta sætinu sem gefur þátttöku-
rétt í úrslitakeppninni. Lemvig fór
upp í efstu deild árið 2018 og hefur
verið á meðal þeirra bestu síðan.
„Fyrsta markmiðið hjá Lemvig er
alltaf að halda sér í deildinni en mið-
að við hversu nálægt liðið er úrslita-
keppninni í ár gætu markmiðin
breyst í að reyna að ná sæti í úr-
slitakeppninni,“ sagði Daníel Freyr
Andrésson.
Ég lenti á vegg í Danmörku
- Daníel er reynslunni ríkari þegar
hann snýr aftur í dönsku deildina
Morgunblaðið/Eggert
Markvörður Daníel Freyr Andrésson í leik með Valsmönnum áður en hann
fór til sænska liðsins Guif í Eskilstuna fyrir rúmlega tveimur árum.
DANMÖRK
Jóhann Ingi Hafþórsson
johanningi@mbl.is
„Ég hef spilað í Danmörku áður og
kunni vel við mig þar,“ sagði hand-
knattleiksmarkvörðurinn Daníel
Freyr Andrésson í samtali við Morg-
unblaðið. Daníel hefur gert tveggja
ára samning við Lemvig í Dan-
mörku, eftir tvö ár í herbúðum Guif í
Svíþjóð. Daníel, sem er 32 ára, skrif-
aði undir hjá Lemvig í byrjun des-
ember og því nokkuð síðan hann tók
ákvörðun um að færa sig til Jótlands
frá Eskilstuna.
„Ég skrifaði undir í byrjun des-
ember, svo þetta hefur verið klárt í
einhvern tíma. Ég vissi strax síðasta
sumar að ég vildi fara eitthvað ann-
að ef ég gæti. Svo kom Lemvig upp
og eftir það var þetta fljótt að ger-
ast. Danska deildin er sterkari og
þetta er flott næsta skref,“ sagði
Daníel.
Markvörðurinn er uppalinn hjá
FH og varð Íslandsmeistari með lið-
inu árið 2011. Eftir það lá leiðin til
SönderjyskE í Danmörku. Þá var
Daníel rétt skriðinn yfir tvítugt og
hann viðurkennir að það hafi verið
Sara Björk Gunnarsdóttir og Elín
Metta Jensen eru komnar aftur í ís-
lenska landsliðið í knattspyrnu en
Þorsteinn Halldórsson kynnti í gær
hóp fyrir leikina gegn Hvíta-
Rússlandi og Tékklandi í undan-
keppni HM 7. og 12. apríl. Sara var
í barneignafríi og lék ekkert á síð-
asta ári og Elín hefur misst af síð-
ustu átta landsleikjum vegna
meiðsla. Guðný Árnadóttir kemur
aftur inn eftir meiðsli en úr hópn-
um fara Karitas Tómasdóttir, Ída
Marín Hermannsdóttir og Ásta Eir
Árnadóttir. Hópinn í heild sinni má
sjá á vefnum Íslenski fótboltinn á
mbl.is/sport.
Sara og Elín
aftur í landsliðið
Morgunblaðið/Eggert
Mættar Sara Björk og Elín Metta
eru aftur í landsliðshópi Íslands.
María Finnbogadóttir, landsliðs-
kona í alpagreinum á skíðum, sleit
krossband í hné þegar hún keppti á
alþjóðlegu móti í Slóveníu á þriðju-
daginn. Hún hefur þegar gengist
undir uppskurð í Austurríki vegna
meiðslanna og sagði á Instagram að
hún vonaðist til þess að verða kom-
in aftur á skíðin eftir sex mánuði.
María, sem er 22 ára gömul, hefur
verið ein fremsta skíðakona lands-
ins undanfarin ár, keppti m.a. á HM
2019 og var valin skíðakona ársins
bæði 2019 og 2020.
Sleit krossband
í Slóveníu
Ljósmynd/SKÍ
Skíði María Finnbogadóttir verður
frá keppni fram á næsta vetur.
Deildarmeistarar Ármanns jöfnuðu
metin í einvígi sínu gegn Hamri-
Þór í undanúrslitum umspils 1.
deildar kvenna í körfuknattleik í
Hveragerði í gær. Leiknum lauk
með öruggum sigri Ármanns,
75:54, en Schekinah Bimpa fór mik-
in fyrir Ármann, skoraði 32 stig og
tók níu fráköst. Þriðji leikur lið-
anna fer fram í Kennaraháskól-
anum á mánudaginn og er staðan í
einvíginu jöfn, 1:1, en vinna þarf
þrjá leiki til þess að tryggja sér sæti
í úrslitum umspilsins.
_ Þá skoraði Gladiana Jimenez
22 stig og tók sex fráköst fyrir ÍR
þegar liðið hafði betur gegn KR í
öðrum leik liðanna á Meist-
aravöllum í Vesturbæ en leiknum
lauk með 84:76-sigri. ÍR-ingar leiða
nú 2:0 í einvíginu en Chelsea Jenn-
ings var stigahæst í liði KR með 22
stig og tíu fráköst. Þriðji leikur lið-
anna fer fram á mánudaginn í TM-
hellinum í Breiðholti og dugar ÍR
sigur til þess að tryggja sér sæti í
úrslitum umspilsins og möguleika á
sæti í efstu deild að ári.
Morgunblaðið/Eggert
Öflug Schekinah Bimpa átti stórleik fyrir Ármann gegn Hamri-Þór.
Ármann jafnaði metin
Grill 66-deild kvenna
Stjarnan U – ÍR.................................... 25:36
Víkingur – Selfoss ................................ 22:34
FH – Grótta .......................................... 29:23
Staðan:
ÍR 17 14 1 2 465:370 29
FH 19 13 3 3 508:424 29
Selfoss 16 13 2 1 478:389 28
Grótta 18 9 2 7 457:422 20
HK U 17 8 1 8 456:443 17
Víkingur 18 8 0 10 434:480 16
Valur U 17 6 2 9 433:488 14
Fram U 16 6 1 9 433:454 13
Stjarnan U 19 5 0 14 498:598 10
ÍBV U 15 4 1 10 370:370 9
Fjölnir/Fylkir 18 2 1 15 392:486 5
Þýskaland
B-deild:
Hamm – Coburg .................................. 30:29
- Tumi Steinn Rúnarsson skoraði eitt
mark fyrir Coburg.
Frakkland
B-deild:
Cherbourg – Nice ................................ 30:30
- Grétar Ari Guðjónsson varði 8 skot í
marki Nice.
E(;R&:=/D
Norska knatt-
spyrnufélagið
Sogndal verður
með hálfgert Ís-
lendingalið á
komandi tímabili
eftir að hafa
fengið kant-
manninn Jónatan
Inga Jónsson til
sín frá FH í gær.
Fyrr í vetur fór
bakvörðurinn Hörður Ingi Gunn-
arsson frá FH til Sogndal og félagið
keypti Valdimar Þór Ingimundar-
son af Strömsgodset fyrir skömmu.
Jónatan er nýorðinn 23 ára og hef-
ur skorað 13 mörk í 73 úrvalsdeild-
arleikjum fyrir FH á undanförnum
árum.
Sogndal hefur lengi flakkað milli
tveggja efstu deilda Noregs og end-
aði í 6. sæti B-deildar á síðasta ári
en tapaði í umspili um úrvals-
deildarsæti. Þá var Emil Pálsson í
láni hjá félaginu frá Sarpsborg.
Komnir með
þrjá íslenska
Jónatan Ingi
Jónsson
HANDKNATTLEIKUR
Úrvalsdeild kvenna, Olísdeildin:
Kórinn: HK – ÍBV .................................. L14
Framhús: Fram – KA/Þór ..................... L14
Garðabær: Stjarnan – Valur.................. L16
Ásvellir: Haukar – Afturelding ............. L16
Úrvalsdeild karla, Olísdeildin:
Hlíðarendi: Valur – Fram ...................... L18
KA-heimilið: KA – Afturelding.............. S16
Eyjar: ÍBV – Haukar.............................. S16
Kórinn: HK – Grótta............................... S16
Víkin: Víkingur – Selfoss........................ S18
Kaplakriki: FH – Stjarnan................ S19.30
1. deild kvenna, Grill 66-deildin:
Hlíðarendi: Valur U – ÍBV U ................ L20
Framhús: Fram U – HK U .................... S16
1. deild karla, Grill 66-deildin:
Varmá: Afturelding U – Hörður ........... L15
Höllin Ak.: Þór – Selfoss U.................... L16
Digranes: Kórdrengir – ÍR .................... S15
KÖRFUKNATTLEIKUR
Úrvalsdeild karla, Subway-deildin:
Seljaskóli: ÍR – Njarðvík................... S18.15
Höllin Ak.: Þór Ak. – KR................... S19.15
Hlíðarendi: Valur – Breiðablik ......... S20.15
Úrvalsdeild kvenna, Subway-deildin:
Grindavík: Grindavík – Fjölnir.............. L17
Smárinn: Breiðablik – Keflavík............. L18
Hlíðarendi: Valur – Haukar .............. S17.45
KNATTSPYRNA
Lengjubikar kvenna, undanúrslit:
Hlíðarendi: Valur – Stjarnan................. L13
SKÍÐI
Skíðamót Íslands heldur áfram í dag.
Keppt er í stórsvigi á Dalvík kl. 10 og 12.25
og í skíðagöngu með frjálsri aðferð í Ólafs-
firði kl. 12.
Á morgun er svig á Dalvík kl. 10 og 12.25 og
skíðaganga með hefðbundinni aðferð í
Ólafsfirði kl. 12.
FRJÁLSÍÞRÓTTIR
Íslandsmót Íþróttasambands fatlaðra inn-
anhúss fer fram í Kaplakrika í dag frá kl. 11
til 15.
HNEFALEIKAR
Norðurlandamótið heldur áfram í Akur-
skóla í Reykjanesbæ. Keppt er kl. 12 til 15
og kl. 17 til 21 í dag og frá kl. 11 á morgun.
UM HELGINA!
inum. Á þremur síðustu árum hefur
Haukur aðeins náð að spila 20 af 62
leikjum KA í úrvalsdeildinni.
_ Pólverjar óttast að stórstjarnan
þeirra Robert Lewandowski verði ekki
með í leiknum mikilvæga gegn Svíum
á þriðjudagskvöld en þá mætast þjóð-
irnar í Chorzów í úrslitaleik um sæti í
lokakeppni HM í Katar. Lewandowski
lék ekki með Pólverjum í 1:1 jafntefli
gegn Skotum í vináttulandsleik í Glas-
gow í fyrrakvöld. Fjölmiðlafulltrúi
pólska sambandsins skýrði frá því að
hann glímdi við meiðsli í hné en allt
yrði gert til að reyna að fá hann leik-
færan fyrir þriðjudagskvöldið.
_ Portúgalski knattspyrnumaðurinn
Bruno Fernandes er við það að gera
nýjan fimm ára
samning við Man-
chester United.
Mun hann fá veru-
lega launahækkun
hjá enska félaginu.
Fernandes, sem
kom til United frá
Sporting í heima-
landinu í janúar
árið 2020, hefur verið lykilmaður hjá
félaginu síðan. Sky greinir frá því að
hann muni þéna um 240.000 pund á
viku eða um 40 milljónir íslenskra
króna með nýja samningnum.Fern-
andes skrifaði á sínum tíma undir
fimm og hálfs árs samning við United.
Félagið hefur því ekki áhyggjur af
samningamálum miðjumannsins,
heldur vildi það verðlauna hann fyrir
góða frammistöðu. Hinn 27 ára gamli
Fernandes hefur leikið 78 leiki með
Manchester United í ensku úrvals-
deildinni og skorað í þeim 35 mörk.
_ Atvinnukylfingarnir Guðmundur
Ágúst Kristjánsson og Haraldur
Franklín Magnús komust ekki í gegn-
um niðurskurðinn á SDC Open-mótinu
í golfi sem fram fer í Suður-Afríku en
mótið er hluti af Áskorendamótaröð
Evrópu. Haraldur lék fyrstu tvo hring-
ina á samtals þremur höggum undir
pari á meðan Guðmundur lék á einu
höggi undir pari. Niðurskurðarlínan
miðaðist við fjögur högg undir pari og
þeir eru því úr leik í Suður-Afríku.
_ Tiger Woods, einn sigursælasti
kylfingur allra tíma, er skráður til leiks
á Masters, sem
fram fer á Aug-
usta-golfvellinum í
Georgíu í Banda-
ríkjunum dagana
7.-10. apríl. Tiger,
sem er 46 ára
gamall, hefur
fimm sinnum
fagnað sigri á
mótinu sem er eitt af risamótum tíma-
bilsins. Kylfingurinn hefur ekki keppt á
stærstu mótaröðunum síðan hann
lenti í alvarlegu bílslysi í febrúar árið
2021. Talsmaður Woods sagði í sam-
tali við Golfmonthly.com að leikmað-
urinn myndi taka ákvörðun í næstu
viku um það hvort hann yrði með á
mótinu en hann hefur frest fram til 1.
apríl til þess að afboða komu sína.