Morgunblaðið - 26.03.2022, Blaðsíða 22

BAKSVIÐ
Stefán E. Stefánsson
ses@mbl.is
Ákjósanlegt væri að flytja ferskan
eldislax beint á markaði erlendis í
gegnum flugvöllinn á Egilsstöðum.
Þetta segir Jens Garðar Helgason,
framkvæmdastjóri Laxa fiskeldis á
Austfjörðum.
Hann var gestur í hlaðvarpi Dag-
mála fyrir skemmstu þar sem farið
var yfir stöðu atvinnumála í Fjarða-
byggð.
„Við höfum verið að skoða það
með Austurbrú hvernig við getum
búið völlinn þannig úr garði að hann
geti tekið við fraktvélum. Til þess að
við getum flogið beint með laxinn
ferskan annaðhvort til Asíu eða beint
inn á austurströnd eða vesturströnd
Bandaríkjanna,“ segir Jens Garðar.
Hann viðurkennir að í fyrstu hafi
hann talið það einfalt úrlausnarefni
að koma fiski um borð í fraktvélar á
vellinum en að málið sé mun flóknara
en svo.
Aðeins tveir aðilar vottaðir
„Það eru aðeins tveir aðilar sem
eru vottaðir til þess að meðhöndla
flugfrakt á Íslandi og í öðru lagi þá
þarftu ákveðið vöruhús þar sem vör-
urnar fara í gegnum ákveðna skanna
sem þarf að kaupa,“ segir hann og
fjárfesting í slíkum búnaði hlaupi á
300 til 400 milljónum króna. Þá segir
hann að einnig væri ákjósanlegt ef
flugbrautin á Egilsstaðaflugvelli
yrði lengd um 400 metra en í dag er
hún 2.000 metrar að lengd. Til sam-
anburðar má nefna að flugbrautir á
Keflavík eru allt að ríflega 3.000
metrar á lengd.
Gætu byrjað að flytja strax
Spurður út í það hvenær það gæti
orðið arðbært fyrir fiskeldisfyrir-
tækin á Austurlandi, sem nú eru í
sameiningarferli, að hefja flutning á
ferskum afurðum í gegnum flugvöll-
inn fyrir austan segir Jens Garðar að
hráefnið sé nú þegar til staðar.
„Við erum nú þegar að fljúga fiski
í gegnum Keflavík. Við værum þá
ekki að aka með hann suður. Ef sam-
göngur styrkjast á svæðinu þá
myndi það opna enn frekar á það að
taka þetta í gegnum Egilsstaði,“ seg-
ir hann en bætir við. „Þetta er hins
vegar ákvörðun Isavia og stjórn-
valda og þingmanna kjördæmisins
sem þarf að leggja lóð á vogarskál-
arnar til þess að þetta klárist allt
saman.“
Morgunblaðið leitaði til Sigrúnar
Bjarkar Jakobsdóttur, fram-
kvæmdastjóra Isavia innanlands-
flugvalla, og grennslaðist fyrir um
hvaða uppbygging væri á teikniborð-
inu á flugvellinum á Egilsstöðum.
Eiganda eða þjónustunotanda
að fjármagna uppbygginguna
„Á Egilsstaðaflugvelli hefur verið
ráðist í þá framkvæmd að endurnýja
yfirlagsmalbik á núverandi flug-
braut og akbrautum. Hvað varðar
fraktflug þá hafa ekki átt sér stað
viðræður en það er ekkert í raun því
til fyrirstöðu að nýta Egilsstaðaflug-
völl sem fraktflugvöll nú þegar ef
hentug vél er fengin í verkið. Hvað
varðar mögulegar framkvæmdir á
vellinum vegna innviða eða aðstöðu
fyrir hugsanlegt fraktflug þá er það
eigandans, þ.e. íslenska ríkisins, eða
mögulega þjónustunotanda að svara
til um slíkt og þá fjármögnun þess.
Við hjá Isavia gerðum hins vegar ár-
ið 2020 ítarlega valkostagreiningu
fyrir völlinn og þar er m.a. farið yfir
kosti samsíða akbrautar á Egils-
staðaflugvelli til að auka afkastagetu
vallarins,“ segir Sigrún Björk í skrif-
legu svari til blaðsins.
Fjórir alþjóðaflugvellir
Á Íslandi eru fjórir skilgreindir al-
þjóðaflugvellir. Auk Keflavíkurflug-
vallar eru það Egilsstaðaflugvöllur,
Akureyrarflugvöllur og Reykjavík-
urflugvöllur. Eru þeir allir vottaðir
samkvæmt reglugerð 75/2016.
Vilja flytja laxinn ferskan beint í
gegnum flugvöllinn fyrir austan
Morgunblaðið/Árni Sæberg
Flugstöðin Egilsstaðaflugvöllur er ein 2.000 metra löng flugbraut en heppilegt væri að lengja hana um 400 m.
- Kallar á uppbyggingu á flugvellinum - Gæti aukið líkur á farþegaflutningum til og frá landinu
Jens Garðar
Helgason
Sigrún Björk
Jakobsdóttir
Egilsstaðaflugvöllur
» Er einn af fjórum millilanda-
flugvöllum á Íslandi og opinn
allan sólarhringinn.
» Stendur á Egilsstaðanesi á
bakka Lagarfljóts.
» Flugstöðin var upphaflega
reist á árunum 1963-1968.
» Endurbyggð og stækkuð á
árunum 1987-1999.
22 FRÉTTIR
Viðskipti | Athafnalíf
MORGUNBLAÐIÐ LAUGARDAGUR 26. MARS 2022
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
26. mars 2022
Gengi Kaup Sala Mið
Dollari 128.62
Sterlingspund 169.53
Kanadadalur 102.27
Dönsk króna 18.979
Norsk króna 14.875
Sænsk króna 13.635
Svissn. franki 138.09
Japanskt jen 1.056
SDR 177.21
Evra 141.2
Meðalgengi/Viðskiptavog þröng 179.3093
Auður, fjármálaþjónusta Kviku,
fagnaði nýlega þriggja ára starfs-
afmæli sínu. Hilmar Kristinsson,
verkefnastjóri yfir Auði hjá Kviku,
segir í samtali við Morgunblaðið að
viðskiptavinir Auðar séu í dag um 15
þúsund og að staða innlána sé um 30
milljarðar króna.
„Viðtökurnar hafa verið góðar og
vöxtur innlána hefur aukist jafnt og
þétt á þeim tíma sem liðinn er frá því
að við hófum að veita þessa
þjónustu,“ segir Hilmar Freyr.
Hann segir jafnframt að tilkoma
Auðar hafi haft talsvert áhrif á þau
kjör sem fólki býðst á innlánin sín
hjá öðrum bönkum, það er að þau
vaxtakjör hafa hartnær tvöfaldast
frá því að Auður mætti á sjónarsvið-
ið.
„Fjármálakerfið á Íslandi hefur í
gegnum tíðina verið þungt í vöfum
en grundvöllur Auðar og þeirra
kjara sem þjónustan býður við-
skiptavinum byggist á því að það er
lítil yfirbygging, segir Hilmar Freyr.
Spurður hvort vaxtalækkanir
Seðlabankans við upphaf Covid--
faraldursins hafi haft áhrif á stöðu
innlána segir hann það ekki vera.
„Sú óvissa sem skapaðist í kjölfar
faraldursins varð frekar til þess að
fólk færði sig yfir í áhættuminni fjár-
málaafurðir, eins og innlán hjá Auði.
Svo vaxtalækkanirnar urðu ekki til
þess að einstaklingar tækju sparnað-
inn sinn út, þvert á móti,“ segir hann.
Frá því að Auður hóf að bjóða inn-
lánsreikninga hefur þjónusta hennar
víkkað út og nú er boðið upp á fleiri
og fjölbreyttari innlánsreikninga,
þar á meðal bundna reikninga og
græna framtíðarreikninga.
„Við erum með ýmsa hluti á teikni-
borðinu,“ segir Hilmar Freyr að-
spurður hvort til standi að víkka
þjónustuna enn frekar út.
Fjármál Hilmar Kristinsson, verk-
efnastjóri yfir Auði hjá Kviku banka.
Um 30 milljarðar
í innlánum hjá Auði
- Stefna á aukið
vöruframboð á
næstu misserum