Morgunblaðið - 14.04.2022, Blaðsíða 32

BAKSVIÐ
Þóroddur Bjarnason
tobj@mbl.is
Ný deilibílaþjónusta, Hopp, fer vel af
stað að sögn framkvæmdastjórans
Sæunnar Óskar Unnsteinsdóttur.
Bílarnir komu á göturnar 18. mars
sl. Um er að ræða fyrsta fasa verk-
efnisins þar sem gögnum um notkun
er safnað til að meta frekari upp-
byggingu. Notendur leigja bílana í
gegnum Hopp-appið, en fyrirtækið
rekur einnig vin-
sæla rafskútu-
leigu á höfuð-
borgarsvæðinu.
Sæunn Ósk
Unnsteinsdóttir,
framkvæmda-
stjóri Hopps, seg-
ir í samtali við
Morgunblaðið að
verkefnið hafi
gengið mjög vel.
„Við erum rosa-
lega ánægð með viðtökurnar. Helsta
áskorunin er umgengnin. Ég er dá-
lítið hissa á hvernig sumir notendur
hafa gengið um. Þar er þó um mikinn
minnihluta að ræða,“ segir Sæunn
og bætir við að fyrirtækið sjái sig
knúið til að taka upp sektarkerfi
vegna þessa. „Við erum að búa til
verðskrá fyrir sektir. Fólk getur átt
von á sekt ef setja þarf bíl í þrif eftir
notkun.“
Vantar fleiri bíla
Önnur áskorun í rekstrinum er
fjöldi bíla. Vegna þess hve góðar við-
tökur hafa verið er strax orðin þörf á
fleiri bílum en þeim tíu sem nú eru í
boði. „Við erum að greina gögn fyrir
næsta fasa. Við hlökkum líka til þess
að geta farið að nota stafræn öku-
skírteini. Stafrænt Ísland vinnur nú
að því að klára það ferli, sem mun
auðvelda okkur lífið.“
Vandamálið segir Sæunn vera að
margir eru ekki með gömlu plast-
ökuskírteinin á sér þegar bíll er
leigður.
Markmið Hopps er að sögn Sæ-
unnar að bjóða umhverfisvæn sam-
göngutæki til að fólk fái meira val
um samgöngumáta. „Við viljum
hvetja til þess að í staðinn fyrir að
kaupa bíl númer tvö á heimilið breyti
fólk lífsstíl sínum og leigi bíl í
skammtímaleigu.“
Sæunn segir að Hopp bíði nú í of-
væni eftir því að gögn um notkun
bílanna verði nægjanlega marktæk
til að hægt sé að merkja breytingar á
lífsmynstri.
Spurð um stærð bílanna segir Sæ-
unn að fyrstu bílarnir tíu séu stórir
og öruggir, af Kia Niro- og Hyundai
Kona-gerð. „Við stefnum á að bjóða
margar mismunandi stærðir af bíl-
um í framtíðinni.“
Öryggið mikilvægt
Eins og sagt hefur verið frá í frétt-
um er skýrsla verkefnahóps um
smáfarartæki nú í samráðsgátt
stjórnvalda. Meðal niðurstaðna
hópsins er að refsivert verði að
stjórna smáfarartæki ef magn
áfengis er meira en 0,5 prómill í blóði
ökumanna. Margir hafa leigt sér raf-
skútu frá Hopp til að komast heim
eftir skemmtanir. Sæunn segir að
rekstur Hopps standi ekki og falli
með slíku banni. „Næturhagkerfið
er risastórt. Fólk á leið heim úr
vinnu notar gjarnan Hopp til að
komast leiðar sinnar.“
Hún segir að Hopp sé ekki mikið
fyrir boð og bönn en ef þörf er á laga-
setningu til að fækka slysum þá
styðji fyrirtækið það. „Við viljum
auka öryggi notenda. Ein niðurstaða
hópsins er einmitt að leyfa rafskútur
á götum með 30 km hámarkshraða,
sem ég tel skynsamlegt til að færa
skúturnar af göngustígunum,“ segir
Sæunn en varar við að of miklar
hömlur verði settar á notkun hjól-
anna. Samgöngumátinn sé í stöðugri
þróun og reglur megi því ekki verða
of íþyngjandi.
Deilibílaþjónusta fer vel af stað
Samgöngur Deilibílar Hopps eru tíu í Reykjavík. Verkefnið er unnið í samstarfi við Höld – Bílaleigu Akureyrar.
Deilibílar
» Rafbílarnir eru staðsettir í
borgarlandinu.
» Leggja má í öll lögleg bíla-
stæði, einnig gjaldskyld.
» Það kostar 300 kr. að starta
bílum og mínútugjaldið er 45
kr.
» Aðeins er hægt að leggja
deilibílunum innan Reykjavíkur.
» Stefnan er að fjölga bílunum
jafnt og þétt.
- Stefnt að fleiri Hopp-deilibílum af ólíkum stærðum og gerðum - Umgengnin er helsta áskorunin
- Verðskrá fyrir sektir í smíðum - Bann við akstri á rafskútu undir áhrifum hefði ekki úrslitaáhrif
32 FRÉTTIR
Viðskipti | Atvinnulíf
MORGUNBLAÐIÐ FIMMTUDAGUR 14. APRÍL 2022
Vagnhöfði 7, 110 Reykjavík | Sími: 517 5000 | stalogstansar.is
stalogstansar.is
VARAHLUTIR Í
KERRUR
2012
2021
14. apríl 2022
Gengi Kaup Sala Mið
Dollari 128.53
Sterlingspund 167.28
Kanadadalur 101.72
Dönsk króna 18.769
Norsk króna 14.634
Sænsk króna 13.511
Svissn. franki 137.79
Japanskt jen 1.0243
SDR 175.95
Evra 139.6
Meðalgengi/Viðskiptavog þröng 176.1038
Veitingamennirnir Ágúst Freyr
Hallsson, annar eigenda Maikái, og
Haukur Már Hauksson, yfirkokkur
og einn stofnenda Yuzu-veitinga-
staðanna, eru að opna nýjan veit-
ingastað saman á Hafnartorgi við
Lækjargötu. Staðurinn mun sér-
hæfa sig í svokölluðum poke-skálum
eins og vinsælt er víða erlendis.
„Þetta er til hérlendis sem auka-
réttur á matseðli á nokkrum stöðum
en þetta verður fyrsti staðurinn þar
sem poke er aðalrétturinn,“ segir
Ágúst í samtali við mbl.is. Staðurinn
verður staðsettur í mathöll sem til
stendur að opna á Hafnartorgi.
„Einhver myndi kippa í mig fyrir
að kalla þetta mathöll, en þetta verð-
ur rými þar sem verða bæði versl-
anir og matsölustaðir. Þarna verður
göngugata og þetta er síðasti áfang-
inn í hinni fullbúnu mynd Hafnar-
torgs þar sem allt kemur heim og
saman. Við bjóðum upp á bjór og vín
og þarna á að vera góð stemning,“
segir Ágúst jafnframt.
„Poke-skálar eru nokkurs konar
sushi-réttur. Opið sushi í skál. Við
verðum með mikið af fisk þarna og
aðrar sjávarafurðir. Ferskur lax og
túnfiskur er stór hluti af góðu poke,“
segir Ágúst og segir staðinn muni
verða með sjávarþema í bland við
asískan arkitektúr.
Ágúst sjálfur á og rekur veitinga-
staðinn Maikái ásamt kærustu sinni,
Elísabetu Mettu Ásgeirsdóttur, sem
er einnig staðsettur á Hafnartorgi.
Einnig eru þau með Maikái-staði í
Smáralind og matarvagn.
Haukur, sem er yfirkokkur, lærði
hjá Hrefnu Sætran og er því vel að
sér þegar kemur að asískum mat og
sjávarréttum. Opnaði hann einnig
staðinn Yuzu á hverfisgötu ásamt
fleirum, sem hefur einnig opnað stað
í mathöllinni Borg29 í Borgartúni.
viktorpetur@mbl.is
Opna poke-stað
á Hafnartorgi
- Sjávarþema í bland við asískan arkitektúr
Í skýrslunni kemur fram að
mögulega verði heildarfjöldi
ferða á leiguhjólum 2,5-3
milljónir árið 2022, en þar af
verði ferðir á hjólum Hopps,
sem er stærsta fyrirtækið
sem leigir út rafhlaupahjól á
Íslandi, 1,9 milljónir. Ef þetta
gengur eftir verða sam-
kvæmt skýrslunni farnar 7,5
til 12 milljónir ferða á höf-
uðborgarsvæðinu á raf-
hlaupahjólum árið 2022, en
talið er að 25 til 30 þúsund
rafhlaupahjól séu til í einka-
eigu. „Til samanburðar má
geta þess að farþegafjöldi
Strætó er um 12 milljónir,“
segir í skýrslu verkefnahóps
um smáfarartæki.
Jafn mikið
og strætó
12 MILLJÓNIR FERÐA Á
RAFHLAUPAHJÓLUM 2022
Sæunn Ósk
Unnsteinsdóttir