Morgunblaðið - 14.04.2022, Blaðsíða 28

28
MORGUNBLAÐIÐ FIMMTUDAGUR 14. APRÍL 2022
Við erum stolt fyrirtæki á
2022 SVEITARSTJÓRNARKOSNINGAR
Morgunblaðið/Sigurður Bogi
Stykkishólmur í Helgafellssveit
Stykkishólmur og Helgafellssveit sameinuðust nýverið, en þar er einn reisulegasti
bær á Snæfellsnesi og um leið samgöngugátt til Vestfjarða með ferjunni Baldri.
DAGMÁL
Andrés Magnússon
Stefán Einar Stefánsson
Jakob Björgvin Jakobsson var ráð-
inn bæjarstjóri Stykkishólms árið
2018 af meirihluta H-listans, hafði
verið bæjarstjóraefni listans fyrir
kosningarnar, án þess að hafa þó
verið í framboði sjálfur. Hann ólst
upp í Hólminum, en sinnti lög-
mennsku í höfuðborginni, þar til
hann sló til og gaf kost á sér til
starfans, þá 35 ára gamall.
Hann er aftur bæjarstjóraefni H-
listans, en á móti er sameinað fram-
boð tveggja lista, sem lutu í lægra
haldi síðast. Þrátt fyrir að hafa skil-
að inn framboði voru forvígismenn
listans ekki tilbúnir til þess að svara
spurningum Morgunblaðsins, mál-
efnaskrá órædd.
Það má því eiga von á snarpri
kosningabaráttu á Snæfellsnesi, en
hún mun að einhverju leyti einnig
markast af því að nýverið samein-
uðust Stykkishólmur og Helgafells-
sveit á ný, en Hólmurinn var aðskil-
inn frá sveitinni 1892. „Við erum að
koma heim,“ segir Jakob og brosir.
„Við erum Hólmarar, síðan Helgfell-
ingar, þá Snæfellingar og Vestlend-
ingar.“
20 tillögur um atvinnulíf
Jakob segir að verkefni komandi
kjörtímabils leiði mjög af þeirri
braut sem mörkuð hafi verið á und-
anförnum fjórum árum, en þar er
einkum horft til þarfa íbúa. „Við höf-
um lyft grettistaki í öldrunarmálum,
unnið að útivistarsvæðum og göngu-
stígum,“ nefnir hann.
Atvinna og athafnalíf skiptir
miklu máli í hverju byggðarlagi og í
bígerð er mikil efling atvinnulífs til
samræmis við skýrslu, sem er við
það að koma út, þar sem fram koma
20 tillögur þar að lútandi.
„Þetta er samansafn af fjölmörg-
um tillögum úr öllum áttum, alveg
frá innviðastyrkingu upp í auðlinda-
nýtingu Breiðafjarðar og allt þar á
milli, baðaðstöðu og lón tengt ferða-
þjónustu.“
Frekari sameiningar
Þrátt fyrir sameininguna er sveit-
arfélagið ekki ákaflega stórt og
fremur fámennt, rétt um 1.300
manns. Samstarfið hafi verið nokk-
uð fyrir og ekki stórfelldra breyt-
inga að vænta. Til framtíðar sé ekki
óeðlilegt að horfa til frekara sam-
starfs og sameininga.
„Það er erfitt fyrir mig að tala við
aðra, en á þessu kjörtímabili höfum
við átt samtöl bæði við Dalamenn og
Snæfellinga. Ég geri ráð fyrir að
þau haldi áfram.“
Þar skipti samgöngur sköpum.
„Skógarstrandarvegurinn er eig-
inlega hraðahindrun á samskipti
milli byggða, þannig að við erum
miklu frekar að fara út á Nes. Samt
á Skógarstrandarvegur að heita
stofnvegur en er bara malarvegur.
Hann segir það hraðahindrun á
bæði samgöngur og atvinnu-
uppbyggingu, sem sé þeim mun
bagalegra þar sem tækifærin blasi
hvarvetna við.
Efling atvinnulífs næst á dagskrá
- Jakob Björgvin Jakobsson bæjarstjóri í viðtali - Verkefnin blasa við en það gera tækifærin einnig
- Frekari sameiningar vel mögulegar vestra - Fjöldi tækifæra og tillagna til atvinnuuppbyggingar
Morgunblaðið/Brynjólfur Löve
Bæjarstjórinn Jakob Björgvin Jakobsson, bæjarstjóri í Stykkishólmi, er
bjartsýnn á framtíðina í bænum, en þar skortir hvorki verkefni né tækifæri.