Morgunblaðið - 14.04.2022, Blaðsíða 8

8 FRÉTTIR
Innlent
MORGUNBLAÐIÐ FIMMTUDAGUR 14. APRÍL 2022
Pálmatré, hvítar strendur, kristaltær sjór, Karíba-
hafið eins langt og augað eygir, 4*stærðar lúxus
resort við ströndina - allt innifalið um 40 atriði.
Auk þess heill dagur í NY.
Ef þú vilt gera meira en slappa af á stöndinni, kíktu á hina heims-
frægu Maya piramida, snorklaðu eða kafaðu í sjónum með fiskum
af öllum regnbogans litum, farðu á stórfiskaveiðar, sinntu í lónum í
frumskóginum, farðu að sigla, skrepptu til eyjunnar Conzumel, kíktu
á einn af þekktasta þjóðgarð Mexico Xian Ka‘an
eða kíktu út á lífið, sem dæmi.
Síðumúli 29 - 108 Reykjavík | Sími 588 8900
info@transatlantic.is | www.transatlantic.is
Innifalið
• Flug, Icelandair og Jetblue
með sköttum og tösku
• Rúta í NY
• Rúta í Mexico
• 4* Hótel á Manhattan NY, 1 nótt
• 4* Hótel resort Wyva Wyndham
May, allt innifalið matur, drykkur,
mikil afþreying og fleira
• Einkaströnd með þjónustu
• Íslenskur farastjóri.
Verð á mann í 2ja manna
herbergi 346.100 kr.
Verð á mann í 3ja manna
herbergi 329.950 kr.
Verð á mann í 4ra manna
herbergi 322.000 kr.
MEXICO Playa Del Carmen
9.-20. október
Kristrún Frostadóttir, þingmaður
Samfylkingarinnar, er ein þeirra
sem gagnrýnt hefur sölu á hlut rík-
isins í Íslandsbanka og við hana má
vissulega gera athugasemdir. Ýmsum
þykir þó að Kristrún
sé ekki endilega best
til þess fallin að
gagnrýna einmitt
þetta.
- - -
Björn Bjarnason
skrifar: „Krist-
rún Frostadóttir
stefnir að for-
mennsku í Samfylk-
ingunni. Fyrir kosn-
ingar 25. september
2021 var hún þrá-
spurð um viðskipti
sín með bréf í Kviku-
banka þar sem hún
starfaði. Hún vildi engu svara fyrir
kosningar en að þeim loknum fékk
hún drottningarviðtal í Silfrinu.“
- - -
Björn heldur áfram og segir að í
Viðskiptablaðinu hafi viðskiptum
Kristrúnar verið lýst á þennan hátt:
„Hún fékk að kaupa áskrift að
kaupum á 10 milljónum hluta í bank-
anum á ákveðnu gengi á fyrirfram
ákveðnum dagsetningum gegn hóf-
legri greiðslu. Myndi þróun á gengi
bréfa bankans verða hagfelld – eins og
raunin varð – gætu þessi áskriftarrétt-
indi skapað gríðarlega mikinn hagnað
eins og kom á daginn: Þrjár milljónir
króna urðu að áttatíu.“
- - -
Nú býsnast Kristrún mjög yfir
skjótfengnum gróða þeirra sem
keyptu bréf í Íslandsbanka 22. mars
og segir á visir.is 12. apríl að stór hóp-
ur þeirra rúmlega 200 sem keyptu
bréfin hafi „komið inn aðeins fyrir
skjótfenginn gróða“ og sé ávöxtun
þeirra „ævintýraleg“. Fyrir Kristrúnu
sem breytti þremur milljónum í áttatíu
með hlutabréfaviðskiptum er þarna
mjög sterkt að orði kveðið um gróða
annarra af slíkum viðskiptum,“ skrif-
ar Björn.
Kristrún
Frostadóttir
Gagnrýnt
úr glerhúsi?
STAKSTEINAR
Björn Bjarnason
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Þó að ferðaþjónustan verði áfram
stór og mikilvæg atvinnugrein, sam-
hliða sjávarútvegi og álframleiðslu,
þá mun hún að öllum líkindum ekki
vera jafn mikilvæg fyrir hagkerfið
og hún var á árunum 2017-2018.
Þetta segir Erna Björg Sverris-
dóttir, aðalhagfræðingur Arion
banka, í nýjum þætti Dagmála sem
sýndur er á mbl.is í dag. Í þættinum
ræða hún og Gunnar Úlfarsson, hag-
fræðingur Viðskiptaráðs, um stöð-
una og horfur í hagkerfinu.
Einn þriðji af útflutningi þjóðar-
búsins eru greinar sem ekki falla
undir þrjár fyrrnefndar atvinnu-
greinar, til að mynda hugverka-
iðnaður og lyfjaframleiðsla. Flestar
þessara greina koma vel undan
Covid-faraldrinum og munu skapa
aukna hagsæld hér á landi til lengri
tíma. Aðspurð segja þau að fleiri
stoðir atvinnulífsins verði ekki til
þess að flækja stöðu hagkerfisins.
Þurfum fjölbreyttara atvinnulíf
- Telja að nýjar atvinnugreinar muni
skapa hagsæld hér á landi til lengri tíma
Morgunblaðið/Hallur Már
Gunnar Úlfarsson og Erna Björg
Sverrisdóttir eru gestir Dagmála.
Elías Snæland Jónsson,
rithöfundur og ritstjóri,
er látinn, 79 ára að
aldri. Hann lést á Land-
spítalanum 8. apríl síð-
astliðinn.
Elías fæddist á
Skarði í Bjarnarfirði á
Ströndum 8. janúar
1943. Foreldrar hans
voru Jón Mikael
Bjarnason og Hulda
Svava Elíasdóttir. Ung-
ur flutti Elías með for-
eldrum sínum suður í
Njarðvík og ólst þar
upp. Stundaði nám við
Samvinnuskólann á Bifröst og lauk
þaðan prófi árið 1962. Í framhaldi af
því fór hann til náms í blaðamennsku
í Noregi, sem markaði braut hans til
framtíðar. Elías var blaðamaður á
Tímanum 1964-1973 og ritstjóri
Nýrra þjóðmála 1974-1976. Hann var
blaðamaður og ritstjórnarfulltrúi á
Vísi 1975-1981 og í framhaldi af því
ritstjóri Tímans 1981-1984. Fór svo
til starfa á DV sem aðstoðarritstjóri
og var til 1997. Var síðan ritstjóri á
Degi til 2001.
Jafnhliða blaðamennsku skrifaði
Elías fjölda bóka af ýmsum toga.
Leikritið Fjörubrot fuglanna var
frumsýnt í Borgarleikhúsi ungs fólks
í Dresden (Theater
Junge Generation) í
þýskri þýðingu 1999.
Hann hlaut Íslensku
barnabókaverðlaunin
fyrir Brak og bresti
1993 og saga hans Ná-
vígi á hvalaslóð, sem
kom út árið 1998, var á
heiðurslista barna-
bókasamtakanna
IBBY. Skáldsagan
Draumar undir gadda-
vír kom út 1996.
Einnig skrifaði Elías
ýmislegt um söguleg
efni. Tók meðal annars
saman bókina Möðruvallahreyfingin,
en það var klofningsbrot úr Fram-
sóknarflokknum. Er sú bók einnig
lýsing á mörgu í samfélagi þess tíma.
Þá skrifaði Elías bókina Síðasta dag-
blaðið á vinstri vængnum sem fjallaði
um útgáfu Dags í ritstjóratíð hans.
Sem ungur maður var Elías virkur í
starfi Framsóknarflokksins og síðar
Samtaka frjálslyndra og vinstri
manna. Þá var hann formaður Blaða-
mannafélags Íslands 1972-1973.
Eftirlifandi eiginkona Elíasar er
Anna Kristín Brynjúlfsdóttir, rithöf-
undur og fyrrverandi latínu- og
stærðfræðikennari. Synir þeirra eru
þrír og barnabörnin fjögur.
Andlát
Elías Snæland Jónsson,
fyrrverandi ritstjóri