Fréttablaðið - 13.08.2022, Blaðsíða 12

Fyrir tíu dögum hófst eldgos í
Meradölum og er stórfenglegt
þar um að litast. Fjöldi fólks
hefur lagt leið sína að gosinu
en mikilvægt er að fara var­
lega. Ágætlega viðrar til göngu
að gosinu um helgina.
birnadrofn@frettabladid.is
ELDGOS Miðvikudaginn 3. ágúst
hófst eldgos í Meradölum á Reykja­
nesi þegar kvika náði upp á yfir­
borðið. Dagana á undan höfðu verið
miklar jarðhræringar á svæðinu
sem fundust víða um land og var
stærsti skjálfti hrinunnar þann 31.
júlí og mældist hann 5,4 að stærð.
Almannavarnir biðluðu strax
til almennings um að fara ekki að
gosstöðvunum og að þau sem gerðu
sér ferð þangað færu sérstaklega
varlega. Fólk streymdi að svæðinu
þrátt fyrir tilmælin og strax að
kvöldi fyrsta dags gossins voru um
1.200 manns á svæðinu. Leiðin að
gosinu er löng og grýtt og fyrstu
dagana sem gosið stóð yfir þurfti
f jöldi fólks á aðstoð björgunar­
sveita og lögreglu að halda.
7. ágúst var gosstöðvunum lokað
vegna veðurs og þær ekki opnaðar
að nýju fyrr en 10. ágúst. Dagana
sem svæðið var lokað þurfti lögregla
að beina fjölda fólks frá svæðinu og
þegar það var opnað aftur var tekin
ákvörðun um að banna börnum
undir tólf ára að ganga að gosinu.
Stórfenglegt sjónarspil í Meradölum
VÍKURGATA 15
TIL SÖLU
GARÐABÆ
www.fastlind.is
NÁNARI UPPLÝSINGAR VEITIR
Stórglæsilegt einbýlishús
á einstakri útsýnislóð við Urriðavatn í Garðabæ
Heimir
Lögg. fasteignasali
849 0672
heimir@fastlind.is
Einbýlishús // Stærð 346,6 fm
6 herbergja // 3 baðherbergi
Aukin lofthæð, gólfsíðir gluggar, fataherbergi inn af
þremur svefnherbergjum, arinn og stór tvöfaldur bílskúr.
Jarðeðlisfræðingar og eldgosa­
fræðingar telja gosið nú öf lugra
en síðasta gos á Reykjanesi og
að það gæti staðið yfir í langan
tíma. Hraunið stefndi um tíma
í átt að Suðurstrandarvegi og
margar sviðsmyndir eru af því
hvernig framganga gossins og
hraunf læðisins þróast. Ein þeirra
svartari er sú að hraunið f læði yfir
Suðurstrandar veg á næstu tveimur
vikum. Hraunið rann í gær til norð­
urs en ekki í átt að Suðurstrandar­
vegi eins og dagana á undan.
Búast má við að margir leggi
leið sína í Meradali um helgina til
að berja gosið augum og í dag má
búast við fremur hægri suðlægri átt
og ágætis hitatölum. Mikill raki er
þó í loftinu og gæti myndast þoka
þegar líða tekur á daginn og um
kvöldið. Á morgun snýr vindáttin
í norður og samkvæmt veðurfræð­
ingi á Veðurstofu Íslands verður að
öllum líkindum bjart á svæðinu,
en þau sem ganga að gosinu munu
gera það með vindinn í fangið.
Með norðanáttinni kólnar og því
er mikilvægt að klæða sig vel. n
12 Fréttir 13. ágúst 2022 LAUGARDAGURFRÉTTABLAÐIÐ