Sjómannablaðið Víkingur - 01.01.2011, Page 27

Sjómannablaðið Víkingur – 27
335 tonn
Það má segja að eftir þetta hafi verið
mokafli, við drógum yfirleitt í svona 30
mínútur og fengum 5-6 poka í holi af
stórum fiski (þorski). Við gátum bara
híft tvo poka í einu inn fyrir út af frost-
inu. Hitt urðum við að geyma á síðunni
svo það frysi ekki. Frostið var 15-20 stig.
Mannskapurinn stóð sig með afbrigðum
vel. Þeir stóðu frívaktir svo að við vær-
um fljótari að koma fiskinum niður. En
þegar vantaði aðeins á tvo toppstensa tók
undan. Kippti ég þá til hins skipsins sem
ég sá suðaustur á grunninu. Sá ég þegar
ég nálgaðist hann að þetta var stór rúss-
neskur verksmiðjutogari. Ég hafði eitt
hol hjá honum en trollið kom upp hálf-
fullt af svo smáum fiski að við gátum
ekkert hirt.
Þegar við vorum að lóna norður úr
ísnum út af Fyllasbanka voru sumir
orðnir langeygðir en það lagaðist þegar
fór að fiskast. Nú var haldið heim. Það
gekk vel eftir að við komum suður úr
ísnum út af Fyllasbanka. Við vorum 16
daga og 8 tíma í túrnum og vorum með
335 tonn af þorski.