Sjómannablaðið Víkingur - 01.04.2012, Síða 24

24 – Sjómannablaðið Víkingur
„Nei“, sagði ég, „við erum Íslendingar.“ „Já, og áttu heima
hérna?“ sagði hann og benti upp í fjallshlíðina. „Nei“, sagði ég.
„Borgin okkar heitir Reykjavík. Við eigum heima þar.“ „Ó“,
sagði hann. „Þetta er svo líkt hér og heima.“ Og mér fannst
kenna trega í rödd hans. Ég spurði hann hvar hann hefði lært
enskuna. „Af bókum“, sagði hann. Hann kom einu sinni eða
tvisvar yfir í bátinn okkar eftir þetta. Mér fannst hann
viðræðugóður og forvitinn um okkur
Íslendingana og eitthvað gat ég sagt hon-
um. Við vorum jafnaldra – tuttugu og
tveggja ára.
Og svo var komið að því að umstanginu
við kafbátana lyki. En áður en því lauk að
fullu var áhöfnunum boðið til einskonar
kveðjuhófs í Blenheim. Við fluttum þá
þangað og biðum þeirra til bakferðar. Það
voru fjórar ferðir. Þessi viðræðufélagi minn
var með í einni ferðinni og eitthvað gátum
við spjallað saman þá stuttu stund sem
ferðin tók. Ég man það eitt að ég spurði
hann hvernig væri að vera á kafbáti og
hann sagði að það væri betra að vera undir
yfirborðinu en ofan í stríði.
Það man ég að á meðan við biðum
þeirra við Blenheim var ég að spjalla við
hann Guðmund, sem oftar, og hann sagði
við mig á sinn vinalega og létta hátt hvort
ég talaði rússnesku líka – hefði séð að ég
og Rússinn vorum að tala saman. Og ég
svaraði að við hefðum verið að bulla á
ensku. Mörgum árum seinna þegar ég
sagði einum kunningja mínum þetta sem
ég hefi hér skrifað sagði hann bæði í gríni
og alvöru að líklega væri ég eini Íslend-
ingurinn sem hefði rætt við rússneska
kafbátsmenn við svona óvenjulegar
aðstæður. Og ég gat aðeins sagt –
Kannski.“
Árásir bannaðar á kafbáta
– í einn sólarhring
Kafbáturinn S-51 hélt förinni áfram frá
Hvalfirði 16. janúar 1943 og kom til hafnar á Kólaskaga 24.
sama mánaðar, fyrstur Kyrrahafskafbátanna. Hinir kafbátarnir
höfðu viðkomu í Rosyth í Skotlandi þar sem ferð þeirra tafðist
um hríð vegna endurbóta sem Bretar gerðu og vegna leiðangra
sem nokkrir kafbátanna voru sendir í norður í Barentshaf í leit
að þýskum herskipum áður en förinni var haldið áfram.
Kafbáturinn S-51 í höfn á Kólaskaga.
Kafbáturinn S-56 sem er til sýnis í Vladivostok er sömu gerðar og S-51 og sigldi með honum yfir hálfan
hnöttinn til Múrmansk veturinn 1942 – 1943 til þess að berjast við þýska flotann á Barentshafi.
Nokkrir sjóliðar í áhöfn flotkvíarinnar Admiralty
Floating Dock XVII sem sigldi með henni til
Ástralíu.
MEISTARAVERK Magnúsar Þórs
holabok.is/HOLAR@HOLABOK.IS
Hitler leit svo á að norðurslóðir væru
örlagasvæði seinni heimsstyrjaldarinnar.
Hann óttaðist innrás í Noreg
frá Íslandi ...
Sjá úr bókinni á:
http://issuu.com/magnusthor/
docs/navigi-issuu
Návígi á norðurslóðum
er sjálfstætt framhald metsölu-
bókarinnar Dauðinn í Dumbshafi.