Norræn jól : ársrit Norræna félagsins - 01.12.1952, Qupperneq 19

NORRÆNA FÉLAGIÐ er nú talið 30 ára gamalt. Mér er í minni, að ég
gekkst fyrir stofnun þess fyrir tilmæli þeirra Aug. Flygenrings og Sig-
hvatar bankastjóra Bjarnasonar eftir ósk Sveins Björnssonar, sendiherra vors í Kaup-
mannahöfn. Þeir August og Sighvatur voru nýkomnir þaðan, er þeir fluttu mér
ummæli hans. Félögin „Norden“ höfðu verið stofnuð, hvert í sínu landi, og þótti
Sveini sendiherra og fleirum æskilegt, að hér yrði einnig stofnað svipað félag.
Ég hafði dvalið lengri eða skemmri tíma með hverri þjóðinni, þar sem þau
félög höfðu verið stofnuð, hafði kynnst sögu þeirra, löndum, tungum og háttum
í fortíð og nútíð, og unni þeim öllum. Ég sá, að ærið verkefni var fyrir hendi fyrir
þessi félög, og líklegt, að þau gætu ýmsu góðu komið til leiðar, svo sem nú væri
málum skipað. Ég ræddi málið við ýmsa menn og boðaði til fundar um það.
Var því vel tekið, samþykkt félagsheiti og lög, og kjörin félagsstjórn. Síðan komst
á nokkurt samband við félögin „Norden“ í hinum löndunum.
Ég hef ætíð talið það vel farið, að Norræna félagið varð til, og að ærið verk-
efni og margþáttað var jafnan tíl fyrir það. Nútíðin og framtíðin bera í skauti
sínu hæfileika til að vinna vel að þeim og lausn margra mála á æskilegasta hátt.
Mér þykir ánægjulegt, að félagið hefir náð þeim aldri, sem það minnist nú, og
ég óska því innilega til heilla og hamingju í öllum störfum þess framvegis.

17