Norræn jól : ársrit Norræna félagsins - 01.12.1952, Side 21

Norrœn jól
En um viðhorf Norrænu félaganna til íslands og íslands til þeirra vil ég segja
það eitt, að meðal þeirra manna, sem norrænast hugsa á Norðurlöndum, eiga Is-
lendingar sína beztu hauka í horni, jafnvel fremur en meðal hinna, sem er sér-
staklega umhugað um að auka tengsl íslands við eitthvert eitt þessara landa. Þetta
hef eg aldrei betur skilið og reynt en hér í Danmörku síðasta árið. Norrænu félögin
hafa líka miklu meira tækifæri til þess en minni og einangraðri félög að gera átök,
sem um munar, til útbreiðslu þekkingar um ísland. Þess vegna get ég af heilum
huga óskað Norræna félaginu á Islandi, sem þegar hefur dafnað vonum framar,
góðs gengis á þrítugsafmæli þess og látið þá von í Ijós, að það fái framvegis stuðn-
ing fleiri og fleiri góðra manna.
Kaupmannahöfn, 23. október 1952.