Fréttablaðið - 05.10.2022, Blaðsíða 8

Það er ekki bara ill­
framkvæmanlegt að
loka álverum, heldur
er það líka óskynsam­
legt og óábyrgt við
núverandi aðstæður.
Umræða
um lofts­
lagsmál og
orkuskipti
er í raun
ekki póli­
tík. Þetta er
miklu
frekar
verkfræði.
Forstjóri Landsvirkjunar segir
að stórar atvinnugreinar þurfi
að spýta í lófana í orkuskipt-
um ef markmið stjórnvalda í
loftslagsmálum eiga að nást.
Hann segir aukna umhverfis-
væna orkuframleiðslu for-
sendu þess að Ísland geti náð
markmiðum um kolefnishlut-
leysi fyrir árið 2040.
Haustfundur Landsvirkjunar var
að öllu leyti helgaður breyttri
heimsmynd í orkumálum og orku-
skiptum.
Hörður Arnarson, forstjóri Lands-
virkjunar, segir það enga tilviljun.
Aðstæður í orkumálum hafi breyst
hratt að undanförnu og það hafi
áhrif hér eins og annars staðar.
„Landsvirkjun þarf að laga sig að
þessum breytingum eins og aðrir.
Stóraukin eftirspurn og orkukreppa
kallar á meiri sveigjanleika orku-
framleiðenda. Landsvirkjun er þar
engin undantekning,“ segir Hörður.
Hér áður fyrr hafi Landsvirkjun
aðallega unnið með stórfyrirtækj-
um en staðan er önnur í dag að mati
Harðar.
„Nú ríður á að við rýnum gaum-
gæfilega í stöðuna og sjáum til þess
að við séum tilbúin til að mæta
þeirri orkuþörf sem er að myndast
í samfélaginu.
Samsetning okkar viðskiptavina
er sömuleiðis að þróast og breytast.
En þá er líka mikilvægt, á meðan
við förum í gegnum þennan fasa,
að geta reitt okkur á stóra og trausta
núverandi viðskiptavini. Það gefur
okkur svigrúm til að ráðast í fram-
leiðslu á nýrri orku og búa í haginn
án þess að vera alltaf búin að full-
selja orkuna.“
Í því samhengi segir Hörður að
staða lands sem er ríkt af umhverf-
isvænum orkuauðlindum hafi ger-
breyst á skömmum tíma.
„Það er gríðarleg umframeftir-
spurn eftir grænni orku í heiminum.
Staða Íslands er því mjög öfundsverð.
Þetta er sú staða sem við viljum vera í
því það gerir okkur kleift að stýra því
betur hvernig við nýtum orkuna.“
Við þurfum öll að axla ábyrgð í orkumálum
Hörður Arnarson, forstjóri Landsvirkjunar, segir óhjákvæmilegt að virkja meira til að mæta kröfum samfélagsins í orkumálum.
FRÉTTABLAÐIÐ/ANTON BRINK
Hörður segir Landsvirkjun ekki
hafa farið varhluta af umræðu um
það hvort Ísland þurfi í raun að
framleiða meiri orku en gert er í dag.
Hvort áskoranir framtíðar snúist
ekki frekar um að fara betur með
þá orku sem fyrir er.
„Við eig um að ný ta ok kar
núverandi orku betur. Það er alveg
rétt. Breyta neyslumynstrinu og
umgangast orkuna af skynsemi.
En ef við ætlum að taka út allt
jarðefnaeldsneyti og hverfa frá því
að f lytja inn um milljón tonn af
slíkum orkugjöfum til landsins, þá
verðum við að framleiða meira. Það
er alveg á tæru.“
Hörður segir það í raun grunnfor-
sendu þess að hægt verði að styðja
við mikilvægan f jölbreytileika
í atvinnulífinu um allt land. Og
styðja við nýsköpun á sviði orku-
nýtingar.
„Það er í raun ótrúlegt að við
séum að velta því fyrir okkur í
alvöru að Ísland geti stigið nauð-
synleg skref inn í græna framtíð án
frekari orkunýtingar.“
Í því sambandi segir Hörður allt
að því furðulegt að fylgjast með
umræðu um lokun álvera.
„Það er hægt að leggjast í alls
konar greiningar á því en niður-
staðan er alltaf sú sama. Það er ekki
bara illframkvæmanlegt að loka
álverum, heldur er það líka óskyn-
samlegt og óábyrgt við núverandi
aðstæður.“
Slíkar hugmyndir séu, að mati
Harðar, dæmi um að umræðan um
orkuframleiðslu á Íslandi sé föst í
ákveðnum hjólförum.
„Ég verð þó að segja að mér finnst
ný ríkisstjórn vera að höggva á
nauðsynlega hnúta í þeim efnum.
Bara það að sameina ráðuneyti
loftslags, umhverfis og orku er mjög
mikilvægt framfaraskref.“
Enda segir Hörður að áskoranir
og umræða í orkumálum eigi ekki
eingöngu að fara fram á sviði stjórn-
málanna.
„Umræða um loftslagsmál og
orkuskipti er í raun ekki pólitík.
Þetta er miklu frekar verkfræði.
Við höfum sett okkur ákveðin
markmið í þessum efnum. Spurn-
ingin sem blasir við okkur núna er
hvernig við ætlum að ná þessum
markmiðum. Og hvað við þurfum
að gera til að standast tímaramma
þessara markmiða.“
Í því tilliti segir Hörður mikil-
vægt að við hreyfum okkur hraðar
en við höfum gert síðustu ár.
„Við þurfum að gera meira. Það
á ekki bara við um stjórnvöld eða
orkufyrirtækin. Atvinnulíf ið í
heild sinni þarf líka að spýta í lóf-
ana.
Þær iðngreinar sem eiga eftir að
klára stærstu verkefni orkuskipt-
anna eru ekki orkufyrirtæki. Þá er
ég að tala um ferðaþjónustu, sjávar-
útveg og alla f lutninga sem dæmi.
Þessar iðngreinar eru að fara sér allt
of hægt ef við eigum að ná kolefnis-
hlutleysi fyrir árið 2040. Þannig að
það er mitt mat að við stöndum
frammi fyrir stærri vandamálum á
eftirspurnarhliðinni í orkumálum
en á framboðshliðinni.
Hörður segir fyrirsjáanlegt að
stjórnvöld muni þurfa að þrýsta
meira á þessar atvinnugreinar en
gert hefur verið hingað til.
„Við söknum þess að ákveðnar
atvinnugreinar axli meiri ábyrgð
í nauðsynlegum orkuskiptum
og loftslagsmálum. Við erum svo
sannarlega tilbúin til að vinna með
atvinnulífinu en fyrirtækin þurfa
að marka sér skýrari stefnu og taka
stærri skref,“ segir Hörður. n
Guðmundur
Gunnarsson
ggunnars
@frettabladid.is
GÍRAR - FÆRIBÖND - RAFMÓTORAR - LEGUR
588 80 40
www.scanver.is
RAFMÓTORAR
8 Fréttir 5. október 2022 MIÐVIKUDAGURFRÉTTABLAÐIÐMARKAÐURINN 5. október 2022 MIÐVIKUDAGUR