Fréttablaðið - 05.10.2022, Blaðsíða 30

Grunnverð: 17.990.000 kr.
Hestöfl: 476
Tog: 858 newtonmetrar
Hröðun 0-100 km: 4,2 sek.
Hámarkshraði: 210 km/klst.
Rafhlaða: 90 kWst
Eigin þyngd: 2.525 kg
Drægi: 533 km
L/B/H: 4946/1.906/1.492 mm
Hjólhaf: 3.120 mm
Farangursrými: 430 lítrar
Mercedes-Benz EQE AMG 43
Kostir
n Afl
n Hljóðlátur
n Fjöðrunarbúnaður
GAllAr
n Útsýni
n Framsæti
Reynsluakstur
Njáll
Gunnlaugsson
njall
@frettabladid.is
Flæðandi línur
EQE AMG gefa
fyrirheit um
góðan vind-
stuðul enda er
bíllinn einstak-
lega hljóðlátur
í akstri nema
þegar hljóð-
pakkinn er
virkur.
MYNDIR/TRYGGVI
ÞORMÓÐSSON
Bíllinn kemur á fallegum 21 tommu fjölarma felgum sem
setja mikinn svip á bílinn.
Setan í framsætum er helst til of stutt og sætin mættu
líka veita meiri hliðarstuðning.
Það er flott
yfirbragð á öllu í
mælaborði þótt
takkaflóðið sé
dálítið yfir-
gnæfandi.
AMG-útgáfa nýs EQE er
meðal fyrstu rafbíla sem
farið hefur í gegnum hendur
hönnuða AMG. Tvær útgáfur
koma af þessum bíl og eru
þær EQE 43 sem er 476
hestöfl og EQE 53 sem er
625 hestöfl. Við prófuðum
43-útgáfuna sem er alveg
nógu aflmikil því að togið er
858 newtonmetrar.
Það verður ekki af honum skafið
að EQE er fallegur bíll og hvað þá
í AMG-útfærslunni. Ekki versnar
það heldur innandyra þar sem
eru stórir skjáir, vel útilátin
díóðulýsing ásamt Nappa-leðri í
sætum og áferð á mælaborði sem
minnir á ryðfrítt stál. Nóg er af
rúmgóðum hólfum og það er gott
pláss í kringum ökumanninn. Það
eru helst framsætin sem valda
vonbrigðum í annars f lottri inn-
réttingu en þau eru með frekar
stutta setu fyrir svona stóran bíl
og veita satt best að segja ekki
góðan stuðning eins og ætla mætti
í AMG-útfærslu. Útsýni um aftur-
glugga er í algjörum lágmarki en
360 gráðu bakkmyndavél gerir
sitt til að bæta fyrir það. Það er
ofgnótt af möguleikum til aðgerða
eins og venjulega hjá Mercedes
og stundum er það einum of. Til
dæmis er tveir OK-takkar í stýri
sem getur verið ruglingslegt, sér-
staklega þegar aðgerðin sem verið
er að samþykkja er í skjánum
hægra megin en ýta þarf á takk-
ann vinstra megin til samþykktar.
Í aftursætum er gott pláss eins
og í farþegarými enda hjólhafið
hvorki meira né minna en 3.210
mm.
Bíllinn er engin léttavara enda
vegur hann meira en 2,5 tonn og
finnst það vel í akstri hans. Manni
Kraftmikill og hlaðinn búnaði
líður eins og hann sé óstöðvandi
eimreið þegar hann er kominn
á ferðina. Hann er samt ótrúlega
snöggur en þrátt fyrir þyngdina
er hann aðeins 4,2 sekúndur í
hundraðið. Rafhlaðan er 90,6
kWst. og er gefin upp fyrir 533 km
drægi sem er allgott í samanburði
við þá bíla sem honum er ætlað að
keppa við. Það er viðbúið að bíll
sem farið hefur í gegnum hendur
AMG sé skemmtilegur akstursbíll
og það er hann svo sannarlega
eins og fannst vel þegar tæki-
færi gafst til að reyna hann í smá
brautarakstri. Hann virkar mjög
stöðugur í beygjum, jafnvel á tals-
verðum hraða og þar segir fjór-
hjólastýringin sitt. Stýrið er þykkt
og gefur manni gott grip og til-
finningu en virkar kannski aðeins
of þungt á meiri hraða því þá vill
það rétta úr sér og beita þarf það
afli til að vinna á móti því.
Í stað þess að fara þá leið eins og
oft áður að hafa ódýrara grunn-
verð og gefa kaupendum tækifæri
á að hlaða bílinn sínum búnaði
kemur þessi bíll nú einfaldlega
í sinni bestu útfærslu enda er
verðið eftir því. Má þar nefna að
staðalbúnaður er Burmester 3D
surround-hljóðkerfi með 15 hátöl-
urum, fjórhjólastýring, sólþak,
360 gráðu bakkmyndavél ásamt
AMG Dynamic Plus pakka og 21
tommu álfelgum. Eins og kemur
fram í prófun á Audi e-tron GT
annars staðar í blaðinu eru sam-
keppnisaðilar AMG 43 hérlendis
Porsche Taycan, áðurnefndur
Audi e-tron GT ásamt Tesla
Model S. Þó að verðsamanburður
Mercedes-bílsins sé honum ekki
hagstæður þarf þó að taka tillit til
búnaðar hans, en hann er meira í
ætt við RS útgáfu e-tron GT með
fjórhjólastýringu sinni og fjöl-
stillanlegum sætum, svo ekki sé
talað um hljómkerfið. n
8 BÍ l A Bl A Ði Ð 5. október 2022 MIÐVIKUDAGUR