Fréttablaðið - 05.10.2022, Blaðsíða 46

Þú heyrir tilfinning-
arnar, maður! Ég syng
úr mér hjartað.
Friðrik Ómar
AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is ALMENNAR AUGLÝSINGAR: SÍMI 550 5050: Auður Húnfjörð audur@
frettabladid.is, Sverrir Birgir Sverrisson sverrir@frettabladid.is , Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/SÉRBLÖÐ SÍMI 550 5078:
Arnar Magnússon arnarm@frettabladid.is, Jón Ívar Vilhelmsson jonivar@frettabladid.is, Kolbeinn Kolbeinsson kolbeinn@frettabladid.is, Ruth Bergsdóttir ruth@frettabladid.is
FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR/FASTEIGNIR SÍMI 550 5056: Hrannar Helgason hrannar@frettabladid.is TÍMAMÓTA- OG
ÞJÓNUSTUAUGLÝSINGAR: SÍMI 550 5055: Arna Rut Kristinsdóttir arnarut@frettabladid.is
Friðrik Ómar Hjörleifsson
fagnaði afmælisdeginum í gær
með útgáfu nýs lags. Lagið er
sjálfstætt framhald af vinsæl-
um Júróslagara söngvarans.
odduraevar@frettabladid.is
Einn ástælsasti söngvari þjóðar-
innar, Friðrik Ómar Hjörleifsson,
fagnaði 41. afmælisdeginum í gær
með því að gefa út nýtt lag. Lagið
heitir Ég elska þig mest á morgnana,
og söngvarinn segir að það sé sjálf-
stætt framhald af Júróslagaranum
hans Ég get ekki elskað.
„Hugmyndin er sú að á morgnana
er allt óskrifað blað og svo næs. Þá
á allt að vera eins og best er á kosið
áður en dagurinn byrjar. Svo getur
allt farið til fjandans og úrskeiðis
þegar dagurinn er byrjaður en svo
eru málin bara leyst að kvöldi og
nýr dagur byrjar alltaf eins,“ segir
söngvarinn um lagið.
Hann opnar sig upp á gátt í laginu,
rétt eins og hann gerði í fyrrnefnda
laginu. „Það þýðir ekkert annað,
maður þarf bara að leggja slátrið á
borðið,“ segir söngvarinn og skellir
upp úr.
Friðrik Ómar lenti í 2. sæti Söngva-
keppninnar árið 2019 með fyrr-
nefnda lagið og ræddi í aðdraganda
keppninnar á opinskáan hátt um
ótta sinn við það að geta ekki orðið
ástfanginn.
Nú eru breyttir og betri tímar.
„Þetta er komið hringinn og nú er
búið að vinna í þessum málum,“
segir Friðrik Ómar brosandi.
Þannig að þú getur elskað?
„Já. Þú heyrir það. Þú heyrir til-
finningarnar, maður! Ég syng úr
mér hjartað,“ segir Friðrik Ómar
hlæjandi, án þess þó að upplýsa um
hver hinn heppni sé.
Hann segist hafa fengið laglínuna
strax á heilann og frá og með þeim
tíma hafi verið ljóst að þetta yrði
nafn lagsins. Friðrik fékk Magnús
Þór Sigmundsson með sér í að koma
tilfinningum sínum í orð.
„Það var svo gaman. Ég sagði
honum aðeins frá mér og pæling-
unum þegar ég samdi lagið. Það
var alltaf sama línan í huganum
á mér og við unnum út frá því og
honum tókst að koma tilfinningum
mínum í orð. Þau voru þó nokkur,
sím tölin.“
Friðrik hélt upp á stórafmæli í
fyrra. „Ég hélt svo mikið upp á þetta
í fyrra, að ég ætla aðeins að slaka á
í ár. Maður kveið fyrir að verða þrí-
tugur, svo varð ég fertugur í fyrra og
það er eitthvað geggjað við þennan
aldur sem ég bjóst ekki við. Það er
eitthvert sambland af þroska og að
vera búinn að vinsa út bæði góða og
slæmu hlutina í lífinu. Já, þetta er
einhver geggjaður staður.“ n
Friðrik Ómar getur elskað
Friðrik hélt upp á stórafmælið sitt í fyrra með tónleikum í Hörpu. Ástfanginn er hann rólegri í ár. FRÉTTABLAÐIÐ/ERNIR
Ég elska þig mest á morgnana
Ég elska þig mest á morgnana
þegar vaknar dagur nýr.
Þá þakka ég fyrir þig og mig
er þitt andlit að mér snýr.
Hvað í höndum svo er
vaknar með deginum.
Við erum saman hér lífið og ég
Líkt og sólin er heit
brennur á huga mér
ást mín á lífinu, ást mín á þér.
Því ég elska þig mest á morgnana.
Ég elska þig heitt á morgnana
þegar opnast veröld ný.
Þá spegla ég bæði þig og mig
mínu andliti að þér sný.
Hvað í vændum svo er
vaknar með deginum.
Við erum saman hér lífið og ég.
Líkt og sólin er heit
brennur á huga mér
ást mín á lífinu og þér.
Því ég elska þig mest á morgnana.
Já þennan dag ég á með þér.
Já þennan dag vís ástin er.
Hvað í vændum svo er
vaknar með deginum.
Við erum saman hér lífið og ég.
Líkt og sólin er heit
brennur á huga mér
ást mín á lífinu og þér.
Því ég elska þig mest á morgnana.
Já þennan dag ég á með þér.
Já þennan dag vís ástin er.
Hvað í vændum svo er
vaknar með deginum.
Við erum saman hér lífið og ég.
LAG: FRIÐRIK ÓMAR
TExTI: MAGNúS ÞÓR SIGMUNDSSON
/FRIÐRIK ÓMARBÍÓBÆRINN
MIÐVIKUDAGA KL. 20.00
Gunnar Anton og Árni Gestur
fara yfir þær kvikmyndir sem eru
væntanlegar í bíóhús landsmanna
og dusta einnig rykið af gömlum
gullmolum og fræða áhorfendur um
leyndardóma kvikmyndaheimsins.
22 Lífið 5. október 2022 MIÐVIKUDAGURFréttablaðið