Heilbrigðisskýrslur - 05.12.1988, Page 63

óvenjulegar inarkaðsaðstæður. Aðrar þjóðir, svo sem Norðmenn,
hafa þó áttað sig á þessu, en þar hefur ríkið um langt skeið
haft einkasölu á heildsölustigi.
4) Álagningarreglum má breyta, þannig að smásöluálagning
fari lækkandi með hækkuðu heildsöluverði. Danir munu t.d.
hafa sett slíkar reglur og þar eru smásöluálagningarþrepin 5.
Virðist fyrst og fremst hafa vakað fyrir Dönum að koma á
sanngjörnum reglum um álagningu því ekki verður séð að þetta
stuðli að verðsamkeppni á heildsölustigi.
Margt bendir til þess að útboð geti leitt til hámarks-
sparnaðar, einfaldað lyfjaval (aðeins 1 nafn fyrir hvert lyf
á markaðinum) og komið í veg fyrir að hagsmunatengsl, sem
fyrir hendi eru, leiði til óeðlilegrar samkeppnisaðstöðu.
(Hér er átt við eignaraðild apótekara og fleiri lyfjafræðinga
að fyrirtækjunum Pharmaco og Delta, en keppinautar þeirra
telja samkeppnisaðstöðu þeirra óeðlilega). Af þessum ástæðum
verður fjallað hér nánar um útboð og hvernig að því mætti
standa.
Eins og áður sagði býr Heilbrigðis- og tryggingamála-
ráðuneytið yfir itarlegum upplýsingum um sölu lyfja hérlendis
á síðustu árum. Til dæmis má nefna ritið "The Icelandic Drug
Market", þar sem bæði kemur fram magn og söluverðmæti hvers
lyfs. Má hugsa sér að ráðuneytið gæti t.d. í upphafi árs
auglýst eftir verðtilboðum í þau lyf sem hér hafa verið notuð
og jafnframt getið þess að lægsta verðtilboði í hvert lyf
verði tekið, að því tilskyldu að gæði teljist fullnægjandi.
Handhafi lægsta gilda tilboðs verði einn um sölu lyfsins
hérlendis i ákv. tima, t.d. 2 ár, frá og með byrjun næsta árs
Tilboðsfjárhæðir mættu vera í SDR eða ECU. Tímann fram á
sumar mætti nota til þess að bera saman tilboðin og meta
gæði. Seljendur sem sjá að eigin vörumerki muni falla út
geta þá notað síðari hluta ársins til þess að selja upp
birgðir. Til þess að nægilegt framboð verði tryggt má skylda
tilboðshafa til að eiga ákv. birgðir á lager 2 m.ánuðum áður
en þeirra sölutímabil hefst.
Ef að líkum lætur munu einhverjir lyfjafræðingar/lyf-
61