Morgunblaðið - 04.08.2022, Page 18

18 FRÉTTIR
Innlent
MORGUNBLAÐIÐ FIMMTUDAGUR 4. ÁGÚST 2022
Evrópu á myrkum lista Evrópsku
fíkniefnarannsóknarmiðstöðv-
arinnar The European Monitoring
Centre for Drugs and Drug Addic-
tion, öðru nafni EMCDDA, yfir
dauðsföll af völdum ofskömmtunar
fíkniefna. Bretland á þar skuldlaust
toppsæti með Skotland í farar-
broddi þar sem tæplega 2.000
manns látast árlega af völdum of-
skömmtunar eins og Morgunblaðið
greindi nýlega frá.
„Ég veit það ekki, það hefur lík-
lega eitthvað með það að gera hve
auðvelt er að smygla efnum til Nor-
egs, þú getur keyrt inn í þetta land
á þúsund stöðum,“ svarar Larsen
en Morgunblaðið hefur áreið-
anlegar heimildir fyrir því frá
norskri lögreglu að albanskir inn-
flytjendur hafi verið upphafið að
heróínbylgjunni í Ósló – síðan eru
þó áratugir.
„Þegar ég var að nota heróín
kostuðu 0,2 grömm 400 krónur
[5.600 íslenskar krónur á gengi
dagsins í dag], það er svo sem ekki
mikið. Núna kostar hálft gramm
500 krónur [7.000 ISK], hundr-
aðkalli meira en þegar ég var í
þessu. Hass hækkar hins vegar
mun hraðar í verði svo það er
kannski skýringin á því hve mikið
heróín freistar sumra,“ telur Lar-
sen. „Ég þekki bara til í Ósló og
Tønsberg og get ekki tjáð mig um
önnur lönd en við Norðmenn erum
klárlega ekki verst settir í Evrópu
hvað fíkniefnaneyslu snertir. Fíklar
eru alls staðar, þú sérð það ekki
endilega utan á fólki hverjir eru að
nota,“ segir hann enn fremur.
Langar að opna
meðferðarstöð
Senn líður að lokum fróðlegs
spjalls um daglegt líf kantmanna
lífsins í Tønsberg, hvað fýsir Lar-
sen þá að gera það sem hann á eftir
ólifað? „Ég veit að ég mun eignast
fé um síðir, já hlæðu bara,“ segir
viðmælandinn við blaðamann sem
síst er þó hlátur í huga. „Mig lang-
ar til að opna meðferðarstöð fyrir
unglinga, fólk sem segir hreint út
að það eigi í vandræðum með
neyslu og komist þá beint inn, þurfi
ekki að fara í endalausa biðröð og
komast svo kannski inn þegar loks-
ins röðin kemur að því, það getur
hreinlega verið of seint. Eins lang-
ar mig til að flytja til hlýrra lands
með hundinn minn, það er ekki gott
að vera með MS hér í Noregi í
kuldanum sem er hér um vetur. Ég
veit ekkert hvernig það fer, ég skal
bara játa það,“ segir Joachim Lar-
sen í Tønsberg að lokum og hund-
urinn Donni bofsar honum til sam-
lætis.
Fíkn „Ég gat hætt á heróíni, ég fékk bara nóg af því, mér fannst eins og ég
væri búinn að borða mig saddan,“ segir Larsen, hagvanur í undirheimum.
Morgunblaðið/Atli Steinn Guðmundsson
Hassið í höfn „Þú mátt alveg birta mynd af mér í íslensku dagblaði,“ segir H... glaðbeitt, komin með hass fyrir dag-
inn sem að hennar sögn er eilíf barátta ljóss og skugga. Við höldum þó nafni hennar til hlés að þessu sinni.