Morgunblaðið - 19.09.2022, Blaðsíða 11

FRÉTTIR 11Innlent
MORGUNBLAÐIÐ MÁNUDAGUR 19. SEPTEMBER 2022
Njóttu þess að hvílast
í hreinum rúmfötum
Háaleitisbraut 58–60 • haaleiti@bjorg.is • Sími: 553 1380 GÆÐI – ÞEKKING – ÞJÓNUSTA
Við þvoum og pressum rúmfötin
- þú finnur muninn!
Logi Sigurðarson
logis@mbl.is
Smári Geirsson rithöfundur af-
henti fyrstu eintökin af Fáskrúðs-
fjarðarsögu í útgáfuhófi á fimmtu-
dag, sem haldið var í félagsheim-
ilinu Skrúði á Fáskrúðsfirði. Bókin
er gefin út í þremur bindum og er
um 1.800 síður. Um 850 myndir og
kort setja sinn svip á bókina en í
henni er saga Fáskrúðsfjarðar
rakin frá landnámi til ársins 2003.
„Þá verða þau tímamót að Búða-
hreppur sameinast Stöðvarhreppi
og sveitarfélagið Austurbyggð
verður til og það eru þau tímamót
sem stoppað er við,“ segir Smári í
samtali við Morgunblaðið.
Skrifin hófust árið 2015
Smári segir tilfinninguna af-
skaplega góða að klára svona
verk. Skrifin hófust árið 2015 og
að hans sögn fór drjúgur tími í
heimildasöfnun.
„Þetta var erfitt verkefni en
jafnframt mjög skemmtilegt. Erf-
iðleikar fólust fyrst og fremst í því
að það fór mikill tími í að finna
heimildir til þess að byggja á. Ég
fékk líka góða aðstoð, annars veg-
ar hvað varðar heimildaleitina og
hins vegar varðandi myndefni.
Þetta verkefni er stórt í sniðum,
þetta eru á milli 1700-1800 blað-
síður í þremur bindum. Í þessu
eru 850 myndir þannig það eru
ansi margir sem komu við sögu
og eiga þakkir skildar.“
-Hverjir eru hátindar Fá-
skrúðsfjarðarsögu? „Það er erfitt
að tína út. Það er auðvitað eitt
sem kemur upp í hugann hjá
mörgum og það er þáttur Frans-
manna á sínum tíma. Fáskrúðs-
fjörður var helsta miðstöð Frans-
manna á Austurlandi þegar þeir
sinntu fiskveiðum hér við land,“
segir Smári og bætir við að aðrir
erlendir menn, bæði Færeyingar
og Norðmenn, hafi einnig haft
mikil áhrif á líf fólks þarna.
„Menn lærðu af þeim fiskveiðar,
bæði síldveiðar og þorskveiðar.
Síðan var þarna þýsk hval-
veiðistöð um tíma þannig að það
er af mörgu að taka. Þessi er-
lendu áhrif eru að mörgu leyti
áhugaverð. En síðan er auðvitað
útgerðarsagan eins og hún leggur
sig og landbúnaðurinn. Iðn-
aðarsagan er stórmerkileg, sér-
staklega bátasmíðin, en einnig fé-
lagsmálin og skólasagan og svona
má lengi áfram telja.“
Saga Fáskrúðsfjarðar rakin frá landnámi
- Bókin ríflega 1.700 blaðsíður og er gefin út í þremur bindum - Heimildasöfnun tók drjúgan tíma
- Fáskrúðsfjörður var helsta miðstöð Fransmanna á Austfjörðum - Austurbyggð varð til 2003
Morgunblaðið/Albert Kemp
Höfundur Smári Geirsson heldur
hér á bindunum þremur.
Morgunblaðið/Þorgeir Baldursson
Sagan rakin Fáskrúðsfjörður var helsta miðstöð Fransmanna á Aust-
fjörðum en Norðmenn og Færeyingar höfðu einnig áhrif á bæjarfélagið.
Ari Páll Karlsson
ari@mbl.is
„Verið velkomin á útgáfuhóf þar
sem orðatiltækið þröngt mega sáttir
sitja hefur sjaldan átt betur við,“
sagði söng- og tónlistarkonan Guð-
rún Ýr Eyfjörð, betur þekkt sem
GDRN, við þá gesti sem lögðu leið
sína í Reykjavík Record Shop á
föstudaginn, en þar fögnuðu þau
Magnús Jóhann Ragnarsson, tón-
listarmaður og píanisti, útgáfu nýrr-
ar breiðskífu. Platan ber nafnið Tíu
íslensk sönglög og samanstendur af
tíu perlum íslenskrar dægurtón-
listar. Upptökurnar samstanda af
píanóundirspili og röddinni einni
saman, teknu upp samtímis, og er
því platan lágstemmdari en gengur
og gerist í poppheiminum. Var því
vel við hæfi að útgáfuhófið væri í
hinni rúmlitlu en notalegu plötubúð
Reykjavík Record Shop á Klappar-
stíg.
„Við vildum hafa tímaleysið bak
við eyrað,“ sagði Magnús Jóhann
við blaðamann sem mætti og fylgd-
ist með. „Já, það er mikið verið að
líta til fortíðar og fá þennan mjúka,
nostalgíska hljóm,“ bætti GDRN við
en lögin eru frá mismunandi tímum
20. og 21. aldar. „Í gamla daga voru
titlarnir á plötunum frekar inni-
haldslýsingar en titlar,“ sagði
Magnús. Því hafi þau farið þá leið
að nefna plötuna einfaldlega hinu
lýsandi nafni: Tíu íslensk sönglög.
Von er á útgáfutónleikum 11.
febrúar á næsta ári.
Tíu sönglög í tutt-
ugu fermetrum
Morgunblaðið/Ari Páll
Sungið GDRN og Magnús Jóhann stigu á stokk í tvígang í útgáfuhófinu, vopn-
uð aðeins hljóðnema og Wurlitzer. Tvíeykið hefur unnið saman í mörg ár.
- Tímalaus plata titluð því sem hún er
Morgunblaðið/Ari Páll
Horft Góð stemning var þegar tvíeykið steig á svið þrátt fyrir að plássið
væri í minna lagi. Platan var til sölu og áritunar í útgáfuhófinu.
Senn líður að því að síðasti steinninn
verði settur í hluta snjóflóðavarnar-
garðs á Patreksfirði, sem hefur út-
línur er svipa til V á hvolfi. Snjóflóða-
varnagarðarnir eru staðsettir í
hlíðum Brellna, ofan við íbúabyggð á
Patreksfirði. Gert er ráð fyrir að
verkinu ljúki á næsta ári.
Starfsmenn Suðurverks, sem er
verktakinn sem reisir varnarmann-
virkin, hafa unnið hörðum höndum
síðastliðna mánuði á Mýragarði vest-
anverðum. Austari hluti garðsins
mun verja íbúðarhús við göturnar
Mýrar og Hóla.
Verkið komið vel á veg
- Ljúka brátt við
hluta snjóflóðavarna-
garðs á Patreksfirði
Morgunblaðið/Guðlaugur J. Albertsson
Snjóflóðavarnir Varnargarðurinn á Patreksfirði er að taka á sig mynd.