Morgunblaðið - 27.09.2022, Blaðsíða 4

4 FRÉTTIR
Innlent
MORGUNBLAÐIÐ ÞRIÐJUDAGUR 27. SEPTEMBER 2022
Höskuldur Daði Magnússon
hdm@mbl.is
Ísland er í fimmta sæti af 169 þjóð-
um í árlegri mælingu Social Pro-
gress Imperative á vísitölu fé-
lagslegra framfara sem birt var í
gær. Vísitalan mælir velmegun og
lífsgæði þjóða en við mælingu henn-
ar er horft til félagslegra og um-
hverfislegra þátta. Mælingin hefur
verið gerð síðan 2011 og hefur Ís-
land jafnan verið meðal efstu þjóða.
Í fyrra var Ísland í fjórða sæti.
Ísland þykir leiðandi á ýmsum
sviðum þegar vísitala félagslegra
framfara, SPI, er reiknuð út. Þar á
meðal eru þættir er lúta að aðgengi
að vatni, mat og hreinlæti. Hér eru
lífslíkur ungbarna mestar og gott
aðgengi að menntun. Þá þykir hér á
landi vera áberandi lítið um ofbeldi
gegn minnihlutahópum, hátt hlut-
fall farsímaáskrifta og greitt að-
gengi að upplýsingum og sam-
skiptum. Eins búa Íslendingar við
einna minnstu loftmengun allra og
sem fyrr skörum við fram úr í nýt-
ingu hreinna orkugjafa.
Afturför í 52 löndum í ár
Eins og síðustu ár eru það Norð-
menn sem tróna á toppi SPI-
listans. Á eftir þeim koma Danir, þá
Finnar og Svisslendingar eru í
fjórða sæti á undan Íslendingum.
Svíar og Hollendingar feta svo í fót-
spor okkar. Suður-Súdan situr á
botni listans.
Þegar horft er á heildarniður-
stöður mælingarinnar má sjá að
heilt yfir hefur vísitalan hækkað um
0,37% milli ára. Hins vegar máttu
52 þjóðir horfa upp á afturför og er
Ísland þar á meðal. Í fyrra mældist
vísitalan hér á landi 89,57% miðað
við uppfærða tölu SPI en í ár er
hún 89,54%.
Blikur á lofti fyrir næsta ár
Í samantekt Social Progress Im-
perative segir að þó niðurstöður
þessa árs sýni að þjóðir heims séu
heilt yfir á uppleið, þegar kemur að
velmegun og lífsgæðum, hafi hægt
á framförum. Fari sem horfi muni
vísitalan í fyrsta sinn lækka á
næsta ári. Auk þess eigi áhrif kór-
ónuveirufaraldursins enn eftir að
skila sér að fullu inn í þessar mæl-
ingar sem auki enn á óvissuna um
framhaldið.
Ísland í 5.
sæti á velferð-
arlista í ár
- Vísitala félagslegra framfara mæld
- Niður um eitt sæti á milli ára
90,44
Vísitala félagslegra framfara á Íslandi
Þróun vísitölu félagslegra framfara á Íslandi 2011-2022
92
90
88
86
84
82
80
'11 '12 '13 '14 '15 '16 '17 '18 '19 '20 '21 '22
Staða Íslands 2022 og sæti á lista
89,54 5. sæti á lista
169 þjóða
Vísitala félagslegra framfara
91,18 7. sæti á lista
169 þjóða
Grunnþarfir
90,44 3. sæti á lista
169 þjóða
Grunnstoðir velferðar
87,00 10. sæti á lista
169 þjóða
Tækifæri
Heimild: Árleg úttekt SPI, Social Progress Imperative
89,54
91,18
87,00
Heildarvísitala
Vísitala félagslegra framfara
(heildarvísitala)
Grunnþarfir Grunnstoðir
velferðar Tækifæri
Morgunblaðið/Kristinn Magnússon
Sólarstemning Ísland þykir standa framarlega í jafnréttismálum.
Hólmfríður María Ragnhildardóttir
hmr@mbl.is
Skólahald í Ármúla á vegum Haga-
skóla fer fram með öðruvísi hætti í
dag þar sem húsnæðið verður tvíset-
ið. Árgangarnir tveir sem sækja þar
kennslu þurfa að skiptast á að nota
rýmið þar sem ekki verður hægt að
hýsa þá báða samtímis þar sem
brunavörnum er ábótavant.
Vífill Harðarson, formaður for-
eldrafélags Hagaskóla, segir ekki
um framtíðarlausn að ræða. Samtal-
inu við skólann sé ekki lokið en mik-
ilvægt hafi verið að finna lausn svo
ekki hafi þurft að fella skólastarf
niður. Hann kvaðst þó ekki geta
sagt til um hversu lengi þetta fyrir-
komulag yrði í gildi.
Húsnæðið ekki yfirfarið
Húsnæði í Ármúla sem notað er
undir kennslu nemenda í 8. og 9.
bekk í Hagaskóla fór ekki í sam-
þykktarferli hjá byggingarfulltrúa
og var þess vegna ekki yfirfarið af
slökkviliðinu áður en kennsla hófst
þar. Húsráðendum hefur verið gef-
inn frestur til 12. október til þess að
bæta úr þeim vanköntum sem þegar
eru til staðar á brunavörnum.
Á sunnudaginn kom í ljós að
kennsla í Ármúla yrði felld niður á
mánudaginn. Í ályktun stjórnar for-
eldrafélags Hagaskóla var mikilli
óánægju lýst vegna þess.
„Í kjölfar þess að mygla uppgötv-
aðist í Hagaskóla á liðnum vetri hafa
nemendur mátt þola margvíslegar
raskanir á skólastarfi. Líkt og oft
gerist hafa þær raskanir bitnað
verst á þeim sem síst skyldi. Nú
bætist við að skólastarf mánudaginn
26. september hefur verið fellt nið-
ur,“ segir þar.
Skólastjórnendur í Hagaskóla
boðuðu til fundar með foreldrafélag-
inu, skólaráði, borgaryfirvöldum og
slökkviliðinu vegna málsins og fór
hann fram í gær.
Uppbyggilegur fundur
Að sögn Vífils var fundurinn mjög
uppbyggilegur. „Ég upplifði ekki
annað en að allir væru í sama liði og
væru með sama markmiðið. Það er
uppi staða sem er mjög óheppileg,
svo ekki sé annað sagt, en það er
verið að reyna að finna lausn á mál-
inu.“
Að sögn Vífils hefur slökkviliðið
ekki gert neinar verulegar athuga-
semdir við neðstu hæðina og heldur
ekki hluta af annarri hæðinni svo
skólahald getur haldið áfram þar.
„Svo þarf að sjá hvaða tíma það
tekur að koma húsnæðinu í meiri
nýtingu.“
Vífill kvaðst þó ekki vilja fara nán-
ar út í þá möguleika sem voru rædd-
ir á fundinum.
Ekki rætt um umferðaröryggi
Í ályktun stjórnar foreldrafélags-
ins kom einnig fram að áhyggjur
foreldra hefðu meðal annars beinst
að öryggi í tengslum við rútuferðir
og umferðaröryggi á svæðinu í Ár-
múla, sem ekki værið vel fallið til
skólastarfs.
Aðspurður segir Vífill umferðar-
öryggi ekki hafa verið rætt á fund-
inum. Það liggi þó fyrir að fram-
kvæmdir séu nauðsynlegar en þær
muni taka tíma.
Skólabekk-
urinn tvíset-
inn í Ármúla
- Ekki rými fyrir báða árganga
- Fundurinn í gær uppbyggilegur
Morgunblaðið/Eggert
Hagaskóli Vífill Harðarson, formaður foreldrafélagsins, segir fundinn hafa verið uppbyggilegan.
Morgunblaðið/Eggert
Fundað Skólastjórnendur boðuðu til fundar með foreldrafélaginu, skólaráði, borgaryfirvöldum og slökkviliðinu.