Morgunblaðið - 27.09.2022, Blaðsíða 13

FRÉTTIR 13Erlent
MORGUNBLAÐIÐ ÞRIÐJUDAGUR 27. SEPTEMBER 2022
Garðatorg 6 | sími 551 5021 | vefverslun | aprilskor.is
kuldaskór
ints fást
kur
oTen P
29.990 kr. 29.990 kr.
Að minnsta kosti 15 manns létust,
þar af ellefu börn, eftir að maður hóf
skothríð á skóla í rússnesku borg-
inni Izhevsk í gær. Maðurinn mun
hafa sótt skólann í æsku, en hann
mun hafa tekið eigið líf eftir árásina,
en hann myrti einnig tvo öryggis-
verði og tvo kennara í árásinni.
Rannsóknarlögreglumenn sögðu að
maðurinn hefði fundist í bol með
nasistamerkjum á, auk þess sem
hann var með skíðahettu á höfði.
Vladimír Pútín Rússlandsforseti
fordæmdi árásina í gær og kallaði
hana ómannúðlegt hryðjuverk.
Sagði Pútín að svo virtist sem mað-
urinn hefði tilheyrt „nýfasistahóp“.
Lögreglan gerði húsleit á heimili
árásarmannsins í gær og mun hún
einnig vera að kanna tengsl hans við
„nýfasisma“.
Rússar hafa orðið fyrir barðinu á
nokkrum skotárásum við skóla á síð-
ustu tveimur árum, en árið 2021
urðu skotárásir í borgunum Perm
og Kazan til þess að rússnesk byssu-
löggjöf var hert.
RÚSSLAND
Ellefu börn dáin eft-
ir skotárás á skóla
AFP/Maria Baklanova
Árás Lögreglumenn sjást hér kanna að-
stæður við árásarstaðinn í Izhevsk.
Stefán Gunnar Sveinsson
sgs@mbl.is
Allt stefnir í að Giorgia Meloni verði
fyrsti kvenkyns forsætisráðherra
Ítalíu eftir að flokkur hennar,
Bræðralag Ítalíu, hlaut um 26% at-
kvæða í þingkosningunum þar í landi
á sunnudaginn. Talningu atkvæða
var ekki lokið í gær, en flest benti til
að kosningabandalag hægri flokka
fengi meirihluta í báðum deildum
þingsins.
Forza Italia, flokkur Silvios Ber-
lusconis, fyrrverandi forsætisráð-
herra Ítalíu, og Bandalagið, flokkur
Matteos Salvinis, fyrrverandi innan-
ríkisráðherra, eru með Bræðralag-
inu í því bandalagi.
Ítalskir fjölmiðlar sögðu í gær að
kosningarnar mörkuðu tímamót í
ítalskri stjórnmálasögu, þar sem
þetta er í fyrsta sinn frá stríðslokum
sem bandalag hægriflokka nær
meirihluta á ítalska þinginu.
Meloni hét því í gær að hún myndi
verða forsætisráðherra fyrir „alla
Ítali“, og lagði áherslu á einingu.
„Við ætlum að stjórna með því mark-
miði að sameina fólk, að styrkja það
sem sameinar það frekar en sundr-
ar,“ sagði Meloni.
Geti stjórnað næstu fimm árin
Árangur Bræðralagsins þykir
merkilegur í ljósi þess að flokkurinn
fékk einungis um 2% atkvæða árið
2013 og um 4,4% árið 2018, þegar
síðast var kosið til þings. Meloni
ákvað hins vegar að ganga ekki til
liðs við þjóðstjórn Marios Draghis í
febrúar 2021 og varð Bræðralagið
því eini stjórnarandstöðuflokkurinn.
Bandalagið, sem leiddi bandalag
hægri flokkanna 2018, en klauf það
til þess að mynda stjórn með Fimm-
stjörnuhreyfingunni, missti hins
vegar nær helming fylgis síns, fór úr
um 17% fylgi niður í um 9%. Sagði
Salvini, leiðtogi flokksins, að fylgis-
hrunið mætti rekja beint til þátttöku
Bandalagsins í þjóðstjórninni.
Salvini tilkynnti hins vegar í gær
að flokkur hans myndi taka þátt í
hægri stjórn, og að hann vonaðist til
þess að hún gæti stjórnað út kjör-
tímabilið, sem er fimm ár á Ítalíu.
Blendin viðbrögð í Evrópu
Úrslitin vöktu mismikla ánægju
meðal leiðtoga í öðrum ríkjum Evr-
ópu. Talsmaður Olafs Scholz Þýska-
landskanslara sagði að Ítalía væri
mjög Evrópusinnað land með Evr-
ópusinnuðu fólki, og að trú Þjóðverja
væri sú að það hefði ekki breyst, en
hægriflokkarnir þrír hafa löngum
lýst efasemdum gagnvart Evrópu-
sambandinu. Bæði Salvini og Meloni
hafa hins vegar lýst því yfir að þau
telji að Ítalía eigi að vera áfram inn-
an Evrusvæðisins.
Mateusz Morawiecki, forsætisráð-
herra Póllands, óskaði hins vegar
Meloni innilega til hamingju, en
flokkar þeirra vinna saman á Evr-
ópuþinginu.
Emmanuel Macron Frakklands-
forseti sagði að hann virti lýðræð-
islegt val ítölsku þjóðarinnar. Hann
lagði áherslu á að Frakkar og Ítalir
yrðu að vinna áfram saman sem ná-
granna- og vinaþjóðir.
Elisabeth Borne, forsætisráð-
herra Frakka, lýsti hins vegar
áhyggjum sínum af því að hægri-
stjórn Melonis gæti reynt að vega að
réttindum kvenna til fóstureyðinga á
Ítalíu. Sagði Borne að Evrópusam-
bandið myndi fylgjast vel með að þau
réttindi yrðu áfram virt.
Meloni líklega forsætisráðherra
- Bandalag hægriflokka líklegast með meirihluta á ítalska þinginu - Bræðralag Ítalíu jók fylgið um
22 prósentustig - Vill reyna að sameina Ítali frekar en að sundra - Morawiecki sendir hamingjuóskir
AFP/Andreas Solaro
Kosningasigur Meloni fagnar hér stuðningsmönnum sínum á kosninganótt.
Úkraínskir hermenn sjást hér skjóta með sprengjuvörpu við víglínuna í
Donetsk-héraði í gær. Átökin héldu áfram í gær í skugga „atkvæða-
greiðslu“ sem leppstjórnir Rússa hafa lýst yfir í fjórum héruðum Úkraínu,
en tilgangur hennar er að veita innlimun héraðanna falskt lögmæti.
Bresk stjórnvöld tilkynntu í gær að þau hefðu sett 92 rússneska einstak-
linga og stofnanir á svartan lista vegna „atkvæðagreiðslunnar“. Sagði
James Cleverly, utanríkisráðherra Breta, að þeir myndu aldrei viðurkenna
niðurstöðu atkvæðagreiðslu sem knúin væri fram undir byssukjöftum.
Munu aldrei viðurkenna „atkvæðagreiðslurnar“
AFP/Anatolii Stepanov