Morgunblaðið - 27.09.2022, Blaðsíða 32

ELDRI BORGARAR:
Aðventurferðir til
Kaupmannahafnar 2022
Innifalið eru flug með Icelandair, skattar, gisting,
m/morgunverði á Hotel Skt. Petri 5*, rútuferðir,
kvöldverðir og annað samkvæmt dagskrá.
Fagþegar fá vildarpunkta fyrir ferðina, einnig er
hægt að greiða hluta ferðar með punktum
! ! ! ! !
1. ferð: 20.-23. nóvember
2. ferð: 27.-30. nóvember
3. ferð: 4.-7. desember – UPPSELT
Verð: 179.000 kr. á mann í tvíbýli.
Aukagjald v/gistingar í einbýli er 34.900 kr.
Niko ehf | Austurvegi 6 | 800 Selfoss | kt. 590110-1750
Nánari upplýsingar eru veittar hjá Ferðaskrifstofu
eldri borgara í símum 783-9300 og 783-9301,
einnig með tölvupósti í gegnum netfangið
hotel@hotelbokanir.is og á
www.ferdaskrifstofaeldriborgara.is
Gist er á hinu glæsilega Hotel Skt. Petri 5* sem er staðsett í miðborg
Kaupmannahafnar.
Skemmtileg og fjölbreytt dagskrá
Sunnudagur: Flogið með Icelandair snemma morguns og lent í
Kaupmannahöfn á hádegi. Gisting á hinu glæsilega Hotel Skt.
Petri í miðborg Kaupmannahafnar. Um kvöldið er snæddur ekta
danskur matur á veitingastaðnum Karla sem er í göngufæri frá
hótelinu.
Mánudagur: Skoðunarferð um gamla bæinn með Ástu Stefáns-
dóttur leiðsögumanni sem gengur um slóðir Fjölnismanna og
fræðir farþega um sögu Kaupmannahafnar.
Þriðjudagur: Heimsókn í Jónshús, þar sem staðarhaldarinn Halla
Benediktsdóttir tekur á móti hópnum og fræðir um sögu hússins.
Um kvöldið er snæddur „Julefrokost“ í Tivoli á veitingastaðnum
Grøften. Eftir kvöldverðinn er hægt að skoða sig um í Tivoli sem
hefur verið breytt í „Juleland“ á Aðventunni.
Miðvikudagur: Sigling um síkin og Christianshavn meðan
hljómsveit Michael Bøving og félaga leikur jazztónlist og vana-
lega ríkir mikil stemning í þessum ferðum. Brottför frá hóteli á
Kastrup flugvöll síðdegis og flug til Íslands um kvöldið.
Fararstjóri: Sigurður K. Kolbeinsson
Kammerhópurinn ReykjavíkBarokk stendur fyrir barna-
menningarhátíð í Árskógarskóla og félagsheimilinu
Árskógi í dag frá kl. 8.30 til 13.30. Er hún ætluð grunn-
skólabörnum í Dalvíkurbyggð og tileinkuð skáldkon-
unni Látra-Björgu sem var uppi á 18. öld. 100 börn úr
Árskógarskóla og Dalvíkurskóla taka virkan þátt í
hátíðinni. Dagskrá hátíðarinnar hefst með listasmiðj-
um og kl. 12.30 verður tónleikhússýningin Sjókonur og
snillingar sýnd en í henni er fléttað saman ævisögu
Bjargar og strengjakvartett eftir Maddalenu Lomb-
ardini Sirmen við íslenska þjóðlagatónlist, kveðskap,
nýjar texta- og tónsmíðar og raftónlist.
Hátíð tileinkuð Látra-Björgu
ÞRIÐJUDAGUR 27. SEPTEMBER 270. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Stjarnan vann öruggan 4:0-sigur á Þór/KA í lokaleik 17.
umferðar í Bestu deild kvenna í knattspyrnu í gær.
Með sigrinum fór Stjarnan upp í annað sæti deild-
arinnar, sem gefur sæti í undankeppni Meistaradeildar
Evrópu, og er það því í höndum Stjörnukvenna að
tryggja sætið í lokaumferðinni á laugardag. »26
Meistaradeildarsæti
er í höndum Stjörnunnar
ÍÞRÓTTIR MENNING
Steinþór Guðbjartsson
steinthor@mbl.is
Sjóböð njóta vaxandi vinsælda og
arkitektinn og heilsumarkþjálfinn
Margrét Leifsdóttir er óþreytandi
við að kynna kosti baðanna. Þær
Guðrún Tinna Thorlacius, sem er
líka heilsumarkþjálfi, byrjuðu með
námskeiðið „Glaðari þú“ í Nauthóls-
vík í nóvember 2020, þegar nánast
allt snerist um kórónuveirufarald-
urinn. „Við erum að frá september
fram í lok apríl, en í maí tekur við
ævintýranámskeið sem við höldum
víða, eins og til dæmis á Álftanesi, í
Hvalfirði og Kjalarnesi til að undir-
búa sjálfstæð sjóböð þátttakenda
um sumarið.“
Mikill áhugi
Námskeiðin urðu að veruleika fyr-
ir tilviljun. Margrét segir að Tinna
hafi stungið upp á því að þær héldu
saman námskeið um föstur. Hún
hafi slegið til og lagt áherslu á að
hafa sjóböð með. „Við byrjuðum með
fyrirlestra og verkefni og sjóbað í
gulri viðvörun í nóvember. Ætlunin
var að hafa sjóbað einu sinni í viku,
en eftir það fyrsta spurðu þátttak-
endur hvort þeir ættu virkilega að
bíða í heila viku eftir því að fara
næst í sjóinn. Þá ákváðum við að
vera með sjóbað þrisvar í viku.“
Dagskráin gekk ekki áfallalaust
fyrir sig í byrjun. Margrét segir að
veðrið hafi verið hryssingslegt og
aðstaða til að skipta um föt verið lok-
uð.
„Fötin okkar fuku út um allt en
það jók bara á skemmtunina. Í des-
ember ákváðum við að vera bara
með sjóbaðsnámskeið, því ekki er
mikill áhugi fyrir því að fasta í jóla-
mánuðinum. Við fengum um 15 þátt-
takendur en í janúar 2021 voru þeir
70 og síðan hefur eiginlega verið
uppselt.“
Upphitun og öndunaræfingar
Boðið er upp á skipulagða tíma í
Nauthólsvík fimm sinnum á þriðju-
dögum og fimmtudögum, tvo tíma í
hádeginu og þrjá tíma seinnipartinn,
auk fjögurra tíma á laugardags-
morgnum. Fólk getur keypt mán-
aðaráskrift eða til lengri tíma.
Næsta sjóbaðsnámskeið hefst 4.
október og er skráning hafin (glad-
ari.namskeid@gmail.com).
„Þátttakendur mæta þegar þeir
vilja og við erum með samtals um 80
manns á þessum námskeiðum,“ seg-
ir Margrét og leggur áherslu á að
hver tími hefjist á upphitun og önd-
unaræfingum. „Núna erum við um
fimm mínútur í sjónum og förum
niður í tvær til þrjár mínútur, þegar
sjórinn er sem kaldastur. Þegar við
komum upp úr erum við sjúklega
glöð, því líkaminn byrjar að spýta
gleðihormónunum um sig allan. Þá
dönsum við á ströndinni og leikum
okkur aðeins ef veður leyfir, sem er
reyndar oftast.“
Á sumrin er Margrét í fríi frá
námskeiðunum og fer þá reglulega í
sjóinn neðan við grásleppuskúrana
við Ægisíðu. „Hérna er hverfis-
aðstaðan okkar, stutt að fara og
þægilegt.“
Nýlega byrjaði hún jafnframt að
fara með vinum sínum þar í sjóinn
klukkan tíu mínútur yfir sjö á mánu-
dags- og miðvikudagsmorgnum.
„Það er svo stórkostlegt að byrja
daginn á þessu,“ segir Margrét, en
vekur athygli á að dæling skolps í
sjóinn að undanförnu hafi sett strik í
reikninginn. „Í síðustu viku var um-
ræða um að skolphreinsistöð í Faxa-
skjóli væri á yfirfalli vegna viðgerða.
Það er mjög miður þegar það gerist
og mikilvægt að samskipti milli
Veitna og þeirra sem stunda sjóböð
séu skýr og góð. Heilbrigðiseftirlitið
mælir reglulega sjógæði í Nauthóls-
vík og við höfum hingað til ekki þurft
að aflýsa tímum vegna mengunar,“
segir Margrét.
Hún brýnir fyrir fólki að setja
ekkert annað en líkamlegan úrgang
og salernispappír í klósettið. „Mjög
mikilvægt er að við áttum okkur á
því að það sem við setjum í klósettið
getur farið beint út í sjó.“
Hljómsveitin Á móti sól söng um
Auðbjörn, sem fór í ljós þrisvar í
viku og mætti reglulega í líkams-
rækt. Margrét fer markvisst í sjóinn
fimm daga í viku en hvað gerir hún á
föstudögum og sunnudögum?
„Þetta eru frjálsir dagar en ef
sjórinn kallar fer ég út í.“
Í sjóbað nær daglega
- Margrét og Guðrún Tinna með námskeið í Nauthólsvík
- Ekki þurft að aflýsa tímum vegna dælingar skolps í sjó
Morgunblaðið/Kristinn Magnússon
Í Nauthólsvík Tímarnir byrja á upphitun og öndunaræfingum.
Á ströndinni Guðrún Tinna Thorla-
cius og Margrét Leifsdóttir.