Morgunblaðið - 27.09.2022, Blaðsíða 10

10 FRÉTTIR
Innlent
MORGUNBLAÐIÐ ÞRIÐJUDAGUR 27. SEPTEMBER 2022
Sími 555 2992 / 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu ogMelabúð
Óblönduð
– meiri virkni Selaolía
Ég heyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustaðmínum sem ég hafði ekki getað áður.“
Sigurður Bogi Sævarsson
sbs@mbl.is
„Svo Ísland standi í framtíðinni bet-
ur af sér þau efnahagslegu áföll sem
alltaf má búast við, þarf sterkt at-
vinnulíf og fjölbreyttan útflutning,“
segir Jarþrúður Ásmundsdóttir,
fagstjóri hugvits, tækni og nýsköp-
unar hjá Íslandsstofu. „Möguleik-
arnir til verðmætasköpunar með
hefðbundinni auðlindanýtingu eru
takmarkaðir eins og oft hefur verið
reynt. Hugvitið og þekkingin til þess
að skapa eitthvað nýtt er hins vegar
lind sem aldrei tæmist – enda skilar
slík starfsemi Íslendingum æ meiri
tekjum. Möguleikarnir eru enda-
lausir.“
Hindrunum rutt úr vegi
Á dögunum var í Reykjavík haldin
ráðstefna á vegum fjármálaráðu-
neytisins sem bar yfirskriftina
Tengjum ríkið. Þar var fjallað um
ýmsar þær stafrænu þjónustu-
lausnir sem innleiddar hafa verið í
samskiptum almennings við ríki og
sveitarfélög. Raunar er miðað við að
í næstu framtíð geti almenningur
fengið úrlausn flestra sinna mála og
erinda yfir netið, enda bjóði tæknin
upp á slíkt.
„Innviðir þessa umhverfis hafa
verið styrktir að mun á síðustu ár-
um. Ferlar hafa verið einfaldaðir og
hindrunum rutt úr vegi. Verkefnið
Stafrænt Ísland styður vegferð at-
vinnulífsins þar sem hugvitsgreinar
eru í mikilli sókn,“ segir Jarþrúður.
Hjá Íslandsstofu heldur Jar-
þrúður utan um mál um 250 fyrir-
tækja á sviði hugvits og tækni, sem
skilgreind eru sem vaxtarfyrirtæki.
Starfsemi þeirra byggist á tækni,
hugviti og þróun og þau eru í sókn út
á erlenda markaði. Starfsemi í hug-
búnaðargerð hverskonar er þarna
áberandi, til dæmis tölvuleikjagerð
en einnig fjártækni, nýmæli í mat-
vælavinnslu, lyfjaframleiðslu, hönn-
un og sjávarútvegi, sjálfbærar
lausnir á sviði grænnar orku og
fleira slíkt. Þarna er í öllum tilvikum
starfsemi í þróun og áhugaverð
framvinda þar sem hugvit, þekking
og útsjónarsemi er eldsneyti og súr-
efni.
Ný útflutningsstefna
Fyrir tveimur árum kynnti Ís-
landsstofa nýja útflutningsstefnu
þar sem greinar sem byggjast á
öðru en hefðbundinni nýtingu nátt-
úrunnar voru settar ofar á blað.
Þetta var gert í krafti samráðs við
atvinnulífið, fjárfesta, háskóla og
fleiri. Jarþrúður minnir einnig á að
fyrirtækjum í þróunarstarfsemi
bjóðist í dag margvíslegur stuðn-
ingur hins opinbera, svo sem endur-
greiðslur frá ríkinu af tilteknu hlut-
falli þeirra fjármuna sem varið er til
þróunarstarfs. Sömuleiðis bjóðist at-
fylgi til dæmis frá Rannís, sem auð-
veldi frumkvöðlum leiðir að settu
marki.
Nýlega var á vegum Íslandsstofu
gerð könnun á rekstri og starfsum-
hverfi fyrirtækja í tækni og hugviti á
Íslandi. Um 240 fyrirtæki voru í úr-
takinu og um 100 svör bárust. Í þeim
fyrirtækjum starfa nú liðlega 2.100
manns og samanlögð velta þeirra í
ár er um 75 milljarðar króna. Áætl-
anir stjórnenda gera hins vegar ráð
fyrir jöfnum vexti og fjölgun starfa.
Samkvæmt því má reikna með að
starfsmenn í þessum geira atvinnu-
lífsins verði orðnir um 16 þúsund ár-
ið 2027 ef fjölgunin heldur áfram á
sama hraða og nú. Sérstaklega er
þörf fyrir fólk með sérfræði- og
tæknimenntun. Rúmlega 70% fyrir-
tækjanna reikna með vexti á næstu
mánuðum og í flestum tilvikum gekk
starfsemin í fyrra betur en áætlanir
höfðu gert ráð fyrir. Raunar gerði
liðlega þriðjungur þátttakenda ráð
fyrir því að tvöfalda veltu fyrirtækja
sinna á líðandi ári eða rúmlega það.
„Vöxtur fyrirtækjanna er talsvert
undir því komið að geta ráðið til sín
sérmenntað starfsfólk, en þau þurfa
líka að hluta að sækja sérfræðinga
til útlanda. Þess vegna var við mót-
un nýrrar útflutningsstefnu horft til
þess að kynna erlendis að hér á landi
séu öflugir háskólar í sterku nútíma-
legu samfélagi. Að hér starfi öflug
framsækin fyrirtæki sem bjóða
spennandi störf á samkeppnis-
hæfum launum. Víða erlendis virðist
lítil þekking á því, enda þótt flestir
líti á Ísland sem áhugaverðan
áfangastað ferðamanna. Félagslegt
umhverfi á Íslandi er líka sterkt.
Frumkvöðlar þurfa tæplega að
fórna öllu þótt verkefnin sem þeir
hefjast handa við gangi kannski ekki
upp í fyrstu lotu.“
Nýlega efndu Íslandsstofa, CCP
og sendiráðið í London ásamt
fulltrúum Icelandic Gaming Ind-
ustry, sem eru hagsmunasamtök
tölvuleikjaframleiðenda og deild
innan Samtaka iðnaðarins, til fjár-
festakynningar í Lundúnum. Jar-
þrúður kom að skipulagningu við-
burðarins sem hún segir hafa verið
mjög vel sóttan af erlendum sjóðum
en 12 íslenskir leikjaframleiðendur
komu frá Íslandi. Í Bretlandi eru
starfræktir margir sérhæfðir fjár-
festingarsjóðir og fundur með
fulltrúum þeirra var því mjög mikil-
vægur. Íslensku nýsköpunarfyrir-
tækin gætu því vænst góðs sam-
starfs við þessa sjóði og þá sem
sóttu viðburðinn.
Stuðningur til vaxtar
og viðgangs
Svipull er sjávarafli segir mál-
tækið og í heimsfaraldri lagðist
ferðaþjónustan á Íslandi nánast af
um skeið. Af þessu segir Jarþrúður
að draga megi mikinn lærdóm og
staðfesta mikilvægi þess að greinar
sem tengjast hugviti og tækni innan
atvinnulífsins séu studdar til vaxtar
og viðgangs.
„Covid hafði ekki nándar nærri
sömu áhrif á hugvitsgreinar og mörg
önnur svið atvinnulífsins. Þetta er
því atvinnuvegur sem við þurfum að
gefa meiri gaum, slíkir eru mögu-
leikarnir,“ segir Jarþrúður. Hún
getur þess að helstu viðskiptavinir
þessara íslensku fyrirtækja eru í
Bandaríkjunum, á Norðurlöndum, í
Bretlandi, Þýskalandi og Frakk-
landi. Það séu einmitt þau markaðs-
svæði sem Íslandsstofa skilgreinir
sem lykilmarkaði í sinni stefnu.
Standa af sér áföll auðlinda
„Hugvits- og tæknifyrirtækin eru
ekki að fjármagna sig í gegnum
bankakerfið. Slíkt vekur spurningar
um þátttöku bankanna í framþróun
fyrirtækjanna. Rannís gegnir mikil-
vægu hlutverki við að koma þeim á
legg og svo taka fjárfestingarsjóðir
við. Almennt út frá okkar rann-
sóknum á rekstrarumhverfi vaxtar-
fyrirtækja á sviði hugvits má álykta
að fyrirtæki á þessu sviði standi af
sér áföll sem snúa að auðlindum og
ferðamannastraumi,“ segir Jar-
þrúður og að síðustu:
„Með því að stuðla að hagfelldu
umhverfi þessara fyrirtækja, ryðja
úr vegi hindrunum við að fá hingað
til lands erlenda sérfræðinga og
fjármagn, þá mun hér líta dagsins
ljós öflug útflutningsgrein. Hún mun
styrkja stoðir hagkerfis og efla lífs-
gæði hér á landi til lengri tíma.
Vaxtarmöguleikar íslensks hag-
kerfis þarna eru miklir.“
Hugvitið er lind sem aldrei tæmist
- Þekkingargreinar vaxandi útflutningur - Áherslumál hjá Íslandsstofu - Tölvuleikir, fjártækni,
hönnun og grænar lausnir - Vaxandi velta hjá flestum fyrirtækjum - Þörf á erlendri fjárfestingu
Morgunblaðið/Sigurður Bogi
Framtíð Ný útflutningsgrein mun styrkja stoðir hagkerfis og efla lífsgæði hér á landi til lengri tíma. Vaxtar-
möguleikar íslensks hagkerfis þarna eru miklir,“ segir Jarþrúður Ásmundsdóttir, fagstjóri hjá Íslandsstofu.
Morgunblaðið/Eggert
Skjáir Sjávarútvegssýningin sem var í síðustu viku gaf
góða innsýn í atvinnugrein hugvits og tæknimála.
Morgunblaðið/Sigurður Bogi
Straumur Orkuskipti bílaflotans kalla á tæknilegar
lausnir og í þeim efnum hafa Íslendingar forystu.