Morgunblaðið - 07.10.2022, Blaðsíða 32

WWW.SVEFNOGHEILSA.IS
HAUST
ÚTSALA
10-25% af öllu í verslun!
30-70% AFSLÁTTUR
AF ÖLLU Í OUTLET!
40% AFSLÁTTUR
AF OUTLET
SÆNGURVERUM
*Afsláttur á ekki við um vörur í
*umboðssölu
„Bach fyrir börnin“ nefnist dagskrá sem Friðrik Vign-
ir Stefánsson, organisti Seltjarnarneskirkju, flytur í
kirkjunni í dag kl. 10.30. Dagskráin, sem er sér-
staklega ætluð nemendum 6. bekkjar Mýrarhúsa-
skóla, er hluti af Kirkjulistahátíð Seltjarnarneskirkju
sem á 30 ára afmæli á þessu ári. Friðrik mun segja
frá Johanni Sebastian Bach, spila valin orgelverk eft-
ir hann, þar sem hann notar hinar ýmsu raddir orgels
Seltjarnarneskirkju, og útskýra fyrir nemendum bæði
verkin og hvernig orgelraddirnar eru valdar. Meðal
annars verður tímataka í einu verki Bachs. Þá spilar
Friðrik 663 nótur sem eru í 1. þætti Fantasíu í G-dúr
og reynir að spila þáttinn á sem skemmst-
um tíma. Í lokin spilar Friðrik tvö orgelverk
eftir tónskáldið P.D.Q. Bach, þar sem hann
mun fá nemendur til að koma upp og
leika á valin ásláttarhljóðfæri sem eru
notuð í þessum tveim verkum. Þó dag-
skráin sé miðuð við 6. bekkinga eru
gestir og gangandi hjartanlega vel-
komnir líka.
„Bach fyrir börnin“ og fleiri í Sel-
tjarnarneskirkju í dag kl. 10.30
FÖSTUDAGUR 7. OKTÓBER 280. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Sandra Erlingsdóttir, landsliðskona í handknattleik, fór
í sumar úr næstefstu deild í Danmörku og gekk til liðs
við eitt af bestu liðum Þýskalands, Metzingen. „Þetta
er töluvert erfiðara, en ég er mjög stolt af því að hafa
tekið þetta stökk,“ segir Sandra í viðtali við Morgun-
blaðið í dag. »26
Sandra tók stórt stökk á ferlinum
ÍÞRÓTTIR MENNING
Steinþór Guðbjartsson
steinthor@mbl.is
Mikið líf er í kringum Láru Rúnars,
tónlistarkonu með meiru. Hún sendi
frá sér plötuna 7, sjöundu breiðskífu
sína, þann 7.7. í sumar, átti fertugs-
afmæli á þriðjudag og heldur upp á
tímamótin með útgáfutónleikum í
Iðnó í kvöld og afmælisveislu í kjöl-
farið. „Fyrir skömmu kom í ljós að
7. október væri laus í Iðnó. Það
fannst mér táknrænt í ljósi sjöunnar
og ákvað að slá tvær flugur í einu
höggi, fagna tvöfalt.“
Lára er kennari í jógasetri sínu,
Móum stúdíói. „Ég kenni meðal
annars möntrusöng, fjöldasöng á
ýmsum tungumálum,“ segir hún.
Tónlistin sé alltumlykjandi og söng-
urinn daglegt sköpunarverk. „Ég
nota tónlistina mikið, bæði möntru-
söng, spunasöng og hljóðheilun, þar
sem söngskálar og fleira kemur í
stað hefðbundinna hljóðfæra. Þessi
háttur hjálpar fólkinu inn í
slökunarástand og ég fæ mikla út-
rás í tónlistinni. Þess vegna hef ég
haft minni þörf fyrir að standa á
sviði eins og ég hef gert undanfarin
20 ár.“
Tónlistin hefur fylgt Láru alla tíð.
Hún stundaði píanó- og söngnám við
Tónlistarskóla Kópavogs og braut-
skráðist í klassískum söng 2006.
Hún byrjaði snemma að semja og
syngja með föður sínum, Rúnari
Þórissyni í Grafík, og kom fram á
lokahófi Körfuknattleikssambands
Íslands skömmu eftir aldamótin.
Þar heyrði Guðmundur Kristinn
Jónsson, Kiddi í Hjálmum, í henni
og bauð henni að taka upp plötu.
„Þá fór boltinn að rúlla,“ segir hún
og rifjar upp góðar stundir í körfu-
boltanum, en hún var meðal annars
útnefnd „efnilegasti leikmaður
Breiðabliks“ skömmu áður og segist
eiga mjög góðar minningar úr körf-
unni.
Innrás
„Lög og textar koma til mín án
þess að ég fái nokkru um það ráðið,“
segir Lára. „Ég stjórna því á engan
hátt og ræð ekki við þessa innrás!“
Hún sé með hljóðfæri úti um allt
heima hjá sér og grípi í þau þegar
andinn komi yfir hana. „Ætli þetta
sé ekki einhver innri tjáningarþörf,“
segir hún um sköpunina. „Þegar
kallið kemur sest ég gjarnan við pí-
anóið og byrja að semja. Samt held
ég alltaf að ég sé hætt að taka upp
og gefa út tónlist, en þá fer þetta
náttúrulega ferli af stað.“
Fyrsta plata Láru varð að veru-
leika 2003. Síðan hafa plötur hennar
verið gefnar út 2006, 2009, 2012,
2015, 2019 og 2022. „Það tekur mig
að minnsta kosti ár að byrja á nýrri
plötu,“ útskýrir hún. Núna sé hún
að vinna að verkefni, þar sem hún
fléttar jógamöntrukennarann og
tónlistarkonuna saman í eitt.
„Draumurinn er að gera verk eða
plötu sem tengir þetta saman.“
Á plötunni 7 eru tíu frumsamin
lög og textar, sem Lára vann í sam-
starfi við Arnar Guðjónsson, tónlist-
armann og upptökustjóra. Hún hef-
ur í raun ekkert fylgt henni eftir,
nema hvað hún söng nokkur lög á
tónleikum með Jónasi Sigurðssyni á
Borgarfirði eystri, skömmu eftir út-
gáfuna. „Öll lögin á plötunni verða
spiluð í fyrsta sinn á tónleikunum í
Iðnó og ég hef á tilfinningunni að
það verði jafnframt í síðasta sinn,
sem ég flyt þau öll opinberlega,“
segir Lára en hægt er að kaupa
miða á heimasíðu hennar (shop.mo-
arstudio.is).
Ljósmynd/Kristín Pétursdóttir
Útgáfutónleikar Lára Rúnars tónlistarkona hefur í nógu að snúast og slær tvær flugur í einu höggi í Iðnó í kvöld.
Innri tjáningarþörf
- Útgáfutónleikar Láru Rúnars verða í Iðnó í kvöld