Fréttablaðið - 07.01.2023, Qupperneq 20

Hátún 6b, 105 Reykjavík / Sími 519 3223 / www.hudin.is
Laser andlitslyfting styrkir húðina með því að örva
nýmyndun kollagens og eykur teygjanleika með því
að bæta elastín. Við það lyftist húðin, andlitslínur
minnka og húðin verður fallegri.
Tryggðu þér tilboðið með því að bóka tíma á
www.hudin.is eða síma 519-3223
30% afsláttur
af laserlyftingu
Verið velkomin!
*gildir til 20. janúar.
*
sandragudrun@frettabladid.is
Steinar segist alltaf hafa verið for-
vitinn um ásýnd hluta, alveg frá
barnæsku.
„Ég hef alltaf verið dálítill sveim-
hugi. Þegar ég var krakki fannst
mér allt svo undravert og sniðugt,
sama hversu hversdagslegt það var
í rauninni. Svo þegar ég varð eldri,
unglingur og síðan fullorðinn, þá
hvarf þessi forvitni eða lá í dvala í
mörg ár,“ útskýrir Steinar.
Hann segir að forvitnin hafi
kviknað aftur þegar myndavél-
arnar á snjallsímunum urðu betri.
Hann keypti sér þá góða myndavél
og fór að mynda umhverfið í
kringum sig.
„En ég kunni í raun ekkert á vél-
ina, mig langaði að læra meira, þá
var bara ekkert annað í stöðunni
en að fara í nám. Ég byrjaði á því
að fara á kvöldnámskeið í Ljós-
myndaskólanum, það voru bara
einhver þrjú kvöld, en mér leist
svo vel á það að ég ákvað að skella
mér í fullt nám,“ segir hann um
aðdraganda þess að hann skellti
sér í tveggja og hálfs árs nám í ljós-
myndun.
Steinar segir námið algjörlega
hafa staðist væntingar sínar, en
hann fór í námið með opinn huga.
„Maður þarf að vera duglegur
að smakka á hlutunum ef maður
vill fá sem mest út úr þeim. Sum
fara í þetta nám með fastmótaðar
skoðanir á því hvað þau vilja gera
og hvaða tegund ljósmyndunar
þau vilja halda sig við. Ég reyndi
að losa mig við allt svoleiðis og
vera bara mjög opinn. En það er
auðvitað misjafnt hvað hentar
hverjum og einum,“ segir hann
og bætir við að hann sé enn að
uppgötva nýja hluti innan ljós-
myndunarinnar sem heilla.
„Ég er mikið núna í analog ljós-
myndun, eða sem sagt filmuljós-
myndun. Ég hef líka verið að vinna
svolítið í deadpan ljósmyndun.
Það er í rauninni svipbrigða-
laus ljósmyndun, tilfinningalega
fjarlæg eða hlutlaus nálgun á
viðfangsefni. Það er allt öðruvísi
en það sem ég hef verið að gera í
útskriftarverkefninu mínu.“
Hvaða bull er þetta?
Yfirskrift verka Steinars á útskrift-
arsýningunni er: Hvaða bull er
þetta? Hann segir myndirnar vera
tilraun til að varpa ljósi á kvenfyr-
irlitningu í íslenskri tungu. Hann
gerir það á gamansaman hátt til að
vekja athygli á fáránleika orðanna
sem myndirnar túlka.
„Hugmyndin að útskriftar-
verkefninu kviknaði þegar ég las
stutta grein á Vísindavefnum eftir
Guðrúnu Kvaran, fyrrverandi
prófessor við íslensku- og menn-
Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is, s. 550 5767
| Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652, Jón Ívar Vilhelmsson, jonivar@frettabladid.is,
s. 550 5654, Ruth Bergsdóttir, ruth@frettabladid.is, s. 694 4103.
Steinar veltir því fyrir sér í verkum sínum af hverju því, sem stenst ekki væntingar og kröfur, er gjarnan líkt við konur.
FRÉTTABLAÐIÐ/ANTON BRINK
Meyjarhland.
Orðið merkir
þunnt kaffi en á
myndinni sést
túlkun Steinars
á orðinu þar
sem karlmaður
þynnir kaffi í
gegnum nær-
buxur.
MYND/STEINAR
GÍSLASON
Nunnupiss. Steinar fann orðin
í ýmsum bókum en nunnupiss
merkir lélegt eða þunnt vín, eða
heimabrugg.
ingardeild HÍ. Þar var hún að fjalla
um hin ýmsu orð sem tengjast
kaffidrykkju. Það sem stakk mig
við lesturinn var hve mörg þessara
orða voru lituð af kvenfyrir-
litningu, eins og kerlingarsopi,
kerlingartár og kerlingarvatn.
Þar las ég líka þetta skrítna orð
meyjarhland, sem myndin á kynn-
ingarbæklingnum fyrir sýninguna
túlkar. Orðið merkir víst þunnt
kaffi. Ég fór að velta því fyrir mér
hvernig ég gæti snúið þessu orði á
haus. Úr varð mynd af manni að
þynna kaffi í gegnum nærbuxur,“
útskýrir Steinar.
„Þessi grein var kveikjan að
verkefninu, en svo fór ég að skoða
fleiri bækur. Ég skoðaði til dæmis
Óorð, bókina um vond íslensk
orð eftir Jón Gnarr, og fann þar til
dæmis orðið tengdamömmubox.
Ég skoðað líka orðabókina um
slangur, þar fann ég alls konar
skrýtin orð eins og nunnupiss. Ég
er að vinna með alls konar orð í
myndunum og reyna að snúa þeim
á haus. Fáránleiki myndanna á
svolítið að endurspegla fáránleika
orðanna.“
Kellingar og nunnur
Steinar fékk karlmenn til að túlka
orðin á hluta af myndunum. Hann
sagðist hafa notað karlmenn þar
sem oft er talað um að karlar hafi
verið virkari en konur á slangur-
orðasviðinu.
„Mér fannst þess vegna passa
betur að nota karla á myndunum,
að máta þá við þessi hlutverk sem
þeir hafa látið konum í té. Til-
gangur verksins er í raun að varpa
fram spurningunni: Af hverju þarf
alltaf að líkja því sem er þunnt
og veikt og stenst ekki kröfur við
konur. Tala um kellinga-þetta eða
kellinga-hitt, eða tala um vinnu-
konur eða nunnur? Ég er svolítið
að nota húmor í myndunum til að
benda á þetta,“ segir hann.
„Ef þetta er skref í rétta átt að
einhvers konar viðhorfsbreyt-
ingum þá er ég sáttur. Ég lít á mig
sem einhvers konar fulltrúa þeirra
sem heimta viðhorfsbreytingar.
Því þessi orð dúkka líka oft upp
í almennri umræðu. Það er til
dæmis mjög algengt á sviði íþrótta
að þjálfarar líki frammistöðu
sinna leikmanna við kellingar, ef
þeir standa sig ekki nógu vel. Eða
kellingar í saumaklúbbi eins og
var sagt fyrir ekki svo löngu síðan.
Það er svo ríkt í okkur að líkja
öllu sem stenst ekki vísindalega
skoðun, eða stenst ekki ströngustu
kröfur eða er lélegt, við konur.
Vinnukonuvatn er lélegt ilmvatn,
nunnupiss er lélegt vín, þunnt vín
eða heimabrugg, eitthvað sem er
ómerkilegt.“
Leyfir sér að vera forvitinn
Steinar segir að mestöll síðasta
önn hafi farið í undirbúning á
lokaverkefninu og sýningunni, en
hún stendur yfir á Ljósmyndasafni
Reykjavíkur og er opin í dag og á
morgun.
„Fyrsta árið í náminu fór í að
ná tökum á undirstöðuatriðum
tækninnar. Maður lærir að nota
stúdíóljós og f lass og stafræna og
filmuljósmyndun og allt sem teng-
ist því, bæði í myrkraherberginu
og á helstu myndvinnsluforritum.
Seinni hluta námsins er meiri
áhersla á sköpun og fræðina bak
við ljósmyndun, og svo vinnan við
lokaverkefnið og þessi sýning,“
segir hann.
Steinar stefnir á að halda
ótrauður áfram í ljósmynduninni
núna þegar náminu er lokið og er
með tvö verkefni í gangi eins og er.
„Ég er að taka eins konar dead-
pan myndir af fótboltamörkum
sem má finna vítt og breitt um
landið. Þetta eru mörk sem eru
orðin svolítið veðruð og ég lít
á þau sem eins konar tákn um
gamla tíma. Eftir að KSÍ setti upp
sparkvelli á öllum skólalóðum þá
eru krakkar svolítið hættir að nota
þessa velli, en þeir fá að standa,
eins og minnisvarðar,“ útskýrir
hann.
„Í hinu verkefninu er ég að fara
aftur í ræturnar. Það er eins konar
dagbók. Ég er að nota 35 mm filmu
og taka myndir af umhverfinu í
kringum mig. En það er ástæðan
fyrir að ég fór í námið til að byrja
með, að leyfa mér að vera for-
vitinn. Það er tilfinning sem
fullorðnum hættir til að gleyma.
En svo stefni ég auðvitað að því
að vinna við eitthvað tengt ljós-
myndun í framtíðinni, samhliða
því að halda áfram með þessi
verkefni.“ n
Ef þetta er skref í
rétta átt að ein-
hvers konar viðhorfs-
breytingu þá er ég sáttur.
Steinar Gíslason
2 kynningarblað A L LT 7. janúar 2023 LAUGARDAGUR