Borgfirðingabók - 01.12.2011, Page 91

91Borgfirðingabók 2011
Lúðrasveitin Þrestir í Borgarnesi
Í meira en þrjátíu ár voru hornaflokkar og lúðrasveitir einu hljóm-
sveitir hérlendis. Fyrsta lúðraflokkinn stofnaði Helgi Helgason tón-
skáld í Reykjavík 26. mars 1876. Sá flokkur var fyrsta hljómsveit
landsins og margir félaga hennar áttu eftir að hafa mikil áhrif á íslenskt
tónlistarlíf. Lúðrasveit Reykjavíkur sem stofnuð var 1922 reisti þegar
á fyrsta starfsári Hljómskálann í Reykjavík, fyrsta og lengi vel eina
hús í landinu ætlað til tónlistariðkunar, og áhugamenn innan hennar
raða áttu þátt í stofnun Tónlistarskóla Reykjavíkur 1930.
Telja má víst að fyrstu kynni Borgfirðinga af lúðrablæstri hafi verið
24. júní 1911 er lúðrafélagið Harpa, sem þá var nýlega stofnað, lék
á hátíðahöldum Mýramanna í tilefni aldarafmælis Jóns Sigurðssonar
forseta, en samtímis var vígð nýbyggð brú yfir Norðurá á Haugahyl.
Hafa þá sennilega verið sjö menn í hópnum, en stjórnandi hennar var
Hallgrímur Þorsteinsson, sem víða átti eftir að leggja lið við undir-
búning og þjálfun lúðraflokka. Í frásögnum blaða af hátíðinni kemur
fram að lúðrasveitin hafi leikið milli þess að ræður voru fluttar og
síðan spilað fyrir dansi mili kl. 5 og 12. Á bökkunum við ána komu
þá saman um 1500 manns.
Á árinu 1919 hófu nokkrir ungir menn í Borgarnesi að ræða að
gaman væri að koma á fót lúðrasveit í þorpinu. Meðal frumkvöðl-
anna voru Kristján Sigurðsson sýsluskrifari, Björn Stefánsson, Búi
Ásgeirsson, Jónas Einarsson, Stefán Ólafsson, Þorkell Teitsson og
Þórður Helgason. Leitað var til Hallgríms Þorsteinssonar, hann tók
SNORRI ÞORSTEINSSON
fyrrverandi kennari og fræðslustjóri í Borgarnesi