Borgfirðingabók - 01.12.2011, Qupperneq 201

201Borgfirðingabók 2011
Við Tvívörður eru vatnaskil Botnsheiðar og þar erum við komin
að skiltinu góða sem vísar austur eða vestur. Við höfum þegar fylgt
eystri leiðinni og hugum því að hinni sem merkt er Vatnshorn. Fyrst
er þó nauðsynlegt að fá sér súkkulaðibolla og sætabrauð eða eitt-
hvað heilsusamlegra. Mér hefur gefist vel að hafa heitt súkkulaði
sem aðalfæðu þessa leið yfir heiðina. Það er ljúffengt og seðjandi
og mat má alltaf borða síðar. Eftir drykkinn er ágætt að halla sér og
loka augunum í nokkra stund. Vita að nú er hæstu hæðinni náð. Við
erum í 492 m hæð og 7,1 km frá vörðunni ,,Guðjóni“. Hér rétt hjá er
,,Einvarður“, sem Halldóra B. Björnsson hlóð eitt sinn að gamni sínu,
en hún hefur nú lent í félagsskap nýrri varða. Ef við erum heppin
náum við kannski smá lúr á þessum stað. Hvílumst um stund. Það er
dásamlegt að renna hettu yfir höfuðið eða draga hatt yfir augun og
slaka á. Finna hvernig andi og efni verða eitt.
Þegar við opnum augun tökum við eftir umhverfinu. Ef bjart er
í lofti sjáum við allan Snæfellsnesfjallgarðinn. Baula er augljóst
kennileiti í norðvestri og síðan fylgjum við áfram sjóndeildarhringn-
um 360° um fjöll, jökla, fell og bungur. Nær okkur norður af sér
ekki nema í efstu brúnir á Skorradalshálsi og því er talsverður spotti
framundan niður í dalinn.
Vatnshornsleið - frá Tvívörðum að línuvegi Sultartangalínu 1
(Su1) fyrir menn og hesta.
Hæðirnar sem við göngum í vesturátt frá Tvívörðum nefnast
Skjálfandahæðir, og áður en langt um líður förum við yfir upptök
Bakkakotsgils þar sem Skjálfandafoss er á hægri hönd. Hann er
hins vegar ósýnilegur nema farið sé af leið, og eins og áður förum
við ekki framhjá fossi nema heilsa upp á Fossbúann. Leiðin um
Skjálfandahæðir er drjúg í vesturátt allt þar til gatan fer að sveigja til
norðurs um Selflóahrygg, sem síðan breytist í Ytri-Selflóa þar sem
komið er að slóða Su1 rétt eftir að farið er gegnum hlið á rafmagns-
girðingunni áðurnefndu. Selflóinn er dæmigerður flói með gulstör
sem ríkjandi gróður, en í mýrinni þar sem rakinn er neðar ríkir mýrar-
stör. En þetta er bara brotabrot. Hér má finna engjarós, mýrelftingu,
klófífu, vallarsveifgras, hrafnaklukku og fullt! Það getur verið gaman
að þekkja jurtirnar og horfa þannig í kringum sig. Hefurðu heyrt um
vetrarkvíðastör? Og hvers vegna þetta dramatíska nafn?
Þegar komið er að línuvegi Su1 þarf að taka ákvörðun. Fer ég