Borgfirðingabók - 01.12.2011, Page 245

245Borgfirðingabók 2011
Hrossarækt
Hrossarækt á Vesturlandi hefur gengið í gegnum þróun á undan-
förnum áratugum. Áhugi og umfang ræktunarstarfs í hrossum er
umtalsvert. Aðkoma Búnaðarsamtaka Vesturlands snýr fyrst og
fremst að kynbótasýningum og skýrsluhaldi. Árið 2010 voru alls 662
skýrsluhaldarar í hrossarækt í Mýra- og Borgarfjarðarsýslu. Bún-
aðarsamtök Vesturlands hafa séð um DNA sýnatöku í hrossum og
hefur slík sýnataka verið að aukast jafnt og þétt. Í gæðastýringu í
hrossarækt eru 2 aðilar.
Önnur landbúnaðarframleiðsla
Þegar horft er til annarar landbúnaðarframleiðslu í Mýra- og Borgar-
fjarðarsýslu er af ýmsu að taka og er eftirfarandi upptalning ekki
tæmandi en gefur vísbendingar um þróunina. Geitfjárrækt hefur verið
stunduð í Borgarfjarðarhéraði og voru geitur á skýrslum á nokkrum
bæjum á áttunda tug 20. aldar. Í dag er rekið stærsta geitabú lands-
ins að Háafelli í Hvítársíðu og eru geitur á alls 7 bæjum í héraðinu.
Heildarfjöldi þeirra samkvæmt forðagæsluskýrslum 2010 var 199
geitur. Í gegnum tíðina hefur hænsnarækt verið nokkur á svæðinu. Í
kringum 1979 voru hænsnfuglar á svæðinu 22.549. Í dag teljast þeir
vera 347 samkvæmt forðagæsluskýrslum. Endur og gæsir hafa verið
til á bæjum í gegnum tíðina en aldrei í miklum mæli og voru sam-
kvæmt forðagæsluskýrslum 1995 58 endur og 59 gæsir á 8 bæjum í
héraðinu. Í dag eru þetta 56 endur og 7 gæsir á 8 bæjum. Svínarækt
hefur lengi verið stunduð í Borgarfjarðarhéraði. Árið 1980 voru 7
svínabú í héraðinu með samtals 88 fullorðin svín, á bilinu 3-23 svín
á búi. Samkvæmt forðagæsluskýrslum árið 2010 voru svínabúin 3
og fullorðin svín 568 talsins. Loðdýrarækt hefur hins vegar ekki náð
að viðhaldast í héraðinu. Haustið 1984 voru fyrstu refabúin stofnuð í
héraðinu. Árið 1987 voru þau orðin ellefu talsins en urðu ekki fleiri
samtímis. Þá voru refirnir alls 1.155 og 1.558 minkar. Í dag er ekk-
ert loðdýrabú í héraðinu. Garðyrkja hefur verið hluti af landbúnaði í
Borgarfjarðarhéraði um langt skeið. Fjöldi garðyrkjubýla árið 1995
þar sem ylrækt og/eða útirækun grænmetis er aðalbúgrein voru 17
talsins. Í dag eru þetta 6 býli samkvæmt upplýsingum frá landsráðu-
nauti BÍ í garðrækt. Þá má nefna að nýjar búgreinar eru að bætast
við. Eitt býli á svæðinu hefur fengið vottun vottunarstofunnar Túns
á jörð sinni til söfnunar á villtum íslenskum plöntum samkvæmt al-