Víkurfréttir - 11.05.2022, Blaðsíða 30

Keflvíkingurinn Sveindís Jane Jónsdóttir varð Þýskalandsmeistari í knattspyrnu með liði sínu, Wolfs-
burg, um síðustu helgi þegar Sveindís og liðsfélagar hennar unnu stórsigur á útivelli (1:10) þegar þær
mættu Jena sem situr í neðsta sæti deildarinnar.
Enn er ein umferð eftir en Wolfs-
burg hafði eins stigs forskot á helstu
keppinauta sína, Bayern Munchen,
um meistaratitilinn fyrir leiki helg-
arinnar svo með sigri var titillinn
tryggður. Sveindís hefur staðið sig
vel með liðinu á sínu fyrsta ári í
þýsku deildinni. Hún var í byrjunar-
liði og það tók hana ekki langan tíma
að setja mark sitt á leikinn en á átt-
undu mínútu átti hún góðan sprett
upp hægri kantinn, lék inn í teig og
sendi knöttinn inn í markteig Jena,
beint fyrir fæturna á Ewa Pajor sem
þurfti aðeins að stýra boltanum rétta
leið í netið.
Sveindís var aftur á ferðinni
tveimur mínútum síðar (10’) og
skoraði þá sjálf af öryggi eftir að hafa
fengið sendingu inn fyrir vörnina.
Áfram héldu hörmungarnar að dynja
yfir Jena og leikmenn Wolfsburg
röðuðu inn mörkunum. Það var ekki
fyrr en á 79. mínútu, sjö mörkum
undir, að Jena náði að svara fyrir
sig með marki en Wolfsburg bætti
þremur mörkum við á síðustu tíu
mínútunum og tryggðu sér titilinn
með stórsigri, 1:10.
Sveindís Jane framlengir
samningi sínum við Wolfsburg
Árangur Sveindísar Jane á sínu
fyrsta tímabili í þýsku úrvalsdeild-
inni er stórkostlegur en hlutirnir
hafa gerst hratt hjá Sveindísi sem
lék sinn fyrsta leik með Wolfsburg í
janúar á þessu ári. Hún virðist enda-
laust geta bætt sig og tekið fram-
förum, Sveindís er orðin lykilmaður
í íslenska landsliðinu auk þess að
hafa stimplað sig inn í leikmannahóp
Wolfsburg sem er eitt besta félagslið
í heimi.
Frammistaðan hjá Sveindísi hefur
heldur betur borið árangur og er
hún nú búin að framlengja samningi
sínum við Wolfsburg til ársins 2025.
„Hjá Wolfsburg finnst mér ég
hafa fundið fullkomið umhverfi til
að þroskast áfram á komandi árum,“
segir Sveindís í viðtali við vefmiðil
Wolfsburg. „Vinnan með þjálfaranum
og þjálfarateyminu hefur verið mjög
skemmtileg og utan vallar er allt gert
til að láta mér líða vel hjá Wolfsburg.
Ég sé framtíð mína fyrir mér hjá
Wolfsburg, það eru mörg markmið
sem við stefnum að á næstu árum. Í
stuttu máli sagt, eftir að hafa orðið
deildarmeistari, þá myndi ég vilja
handleika þýska DFB bikarinn – og
á næsta tímabili munum við láta
til okkar taka á ný í Meistaradeild
Evrópu.“
Ralf Kellermann, íþróttastjóri
kvennaliðs Wolfsburg: „Ef maður
veltir því fyrir sér að Sveindís hefur
aldrei fyrr leikið í heimsklassa deild,
það eru ótrúlegar framfarir sem hún
hefur sýnt á undanförnum vikum og
mánuðum. Það er magnað hvernig
hún hefur sýnt sína hæfileika á
hæsta stigi í Meistarakeppninni –
og við skulum ekki gleyma að hún
er aðeins tvítug og hefur tækifæri
til að bæta sig enn frekar. Við erum
mjög ánægð að Sveindís skuli hafa
ákveðið að framlengja samningi
sínum við félagið um annað tímabil.“
Þýskalandsmeistari
SVEINDÍS JANE
Meistaralið Wolfsburg.
Mynd: Instagram-síða Sveindísar
Samningurinn undirritaður.
Mynd af vef Wolfsburg
Mikið vatn hefur runnið til
sjávar síðan Sveindís var
ung og efnileg knattspyrnu-
stelpa hjá Keflavík.
M
yn
d:
Fó
tb
ol
ti.
ne
t
M
yn
d:
Fó
tb
ol
ti.
ne
t
Það er ekki á hverjum degi sem forseti Íslands sendir svona kveðju.
Af Facebook-síðu forseta Íslands
Störf hjá Reykjanesbæ
Umsóknir í auglýst störf skulu berast rafrænt gegnum heimasíðu
Reykjanesbæjar. Þar eru jafnframt nánari upplýsingar um auglýst störf.
Hægt er að notast við QR kóða til að fara beint inn á vefinn
Fræðslusvið - Sálfræðingur
Garðyrkjudeild - Sumarstörf
Háaleitisskóli - Grunnskólakennanri á mið- og elsta stig
Háaleitisskóli - Kennari í Nýheima
Háaleitisskóli - Námsráðgjafi
Myllubakkaskóli – Skólaliði
Njarðvíkurskóli - Kennari
Njarðvíkurskóli / sérdeildin Ösp - Starfsmenn skóla
Stapaskóli - Aðstoðarskólastjóri á leikskólastigi
Starf við liðveislu
Starfsmaður á Hæfingarstöð - Sumarstarf
Starfsmaður á Hæfingarstöð - tímavinna
Velferðarsvið - Búsetuúrræði fyrir fatlaða
Velferðarsvið - Forstöðumaður í búsetuþjónustu
Velferðarsvið - Starfsfólk á heimili fatlaðra barna.
Velferðarsvið - Stuðningsfjölskyldur
Velferðarsvið - Sumarstarf á heimili fatlaðs fólks
sport