Landsfundur Sjálfstæðisflokksins - 01.12.1967, Page 58

löggjafar eða reglugerðar, sem sett var á
grundvelli laganna, þannig að iðnaðinum
verði af þessu verulegt hagræði.
Iðnþróunarráð stofnsett.
Komið hefir verið á fót Iðnþróunarráði,
sem iðnaðarmálaráðherra skipaði. Hélt það
sinn fyrsta fund í janúarmánuði sl. Því er
ætlað að verða iðnaðarmálaráðuneytinu til
styrktar um meðferð meiri háttar mála, er
snerta iðnþróun landsins. Gert er ráð fyrir,
að verkefni Iðnþróunarráðs verði að nokkru
framhald af verkefnum Stóriðjunefndar, en
þó víðtækara, þar sem fjallað yrði um iðn-
þróun landsins almennt fjármálalega, við-
skiptalega og tæknilega, og tekið við rann-
sóknarefni eða stuðlað að rannsóknum á
möguleikum til nýrra iðngreina, samhliða efl-
ingu þeirra, sem fyrir eru í þeim tilgangi að
vinna að framkvæmd mála, veita einstakling-
um, félögum og samtökum iðnaðarins brautar-
gengi. Iðnþróunarráð er þannig skipað, að
eftirtaldir aðilar skipa hver sinn fulltrúa í
ráðið,- en iðnaðarmálaráðherra gegnir for-
mennsku þess: Seðlabanki Islands, Fram-
kvæmdasjóður Islands, Efnahagsstofnunin,
Iðnaðarmálastofnun fslands, Iðnlánasjóður,
Félag íslenzkra iðnrekenda, Landsamband iðn-
aðarmanna, Iðnaðardeild S.f.S. og Iðja,
stærsta félag iðnverkafólks í landinu. Að
sjálfsögðu er of snemmt að spá um það,
hversu mikill liðsstyrkur verður að slíku ráði,
en ég vænti þess, að til góðs megi leiða, og
hefir Iðnþróunarráð þegar haft mörg og
mikilvæg verkefni til athugunar og önnur eru
framundan.
Tækniaðstoð og aukin menntun.
Sett voru ný og vandlega undirbúin iðn-
fræðslulög á Alþingi vorið 1966. Þetta eru
lög, sem marka að vissu leyti tímamót, breyta
í verulegum atriðum iðnfræðslunni og stuðla
að því, að upp komist meðal annars verk-
námsskólar. Vænti ég þess, að af þeim leiði
mikinn styrk fyrir íslenzkan iðnað. Tækni-
skóli íslands hefur nú starfað nokkur ár, og
ætti engum að blandast hugur um, hversu
þýðingarmikil starfsemi slíks skóla getur ver-
ið fyrir iðnþróunina í landinu. Rannsókna-
stofnanir iðnaðarins, bæði byggingariðnaðar-
ins og iðnaðarins almennt, hafa verið stór-
efldar, fjárhagsaðstaða þeirra bætt og að-
staða til rannsókna og úrvinnslu þeirra aukin.
Fyrir um það bil ári síðan skipaði ég
þriggja manna nefnd til þess að kanna, hver
muni raunveruleg þörf íslenzks iðnaðar fyrir
tækniaðstoð og aðra sérfræðilega aðstoð, með
sérstöku tilliti til ráðagerða um lækkun tolla
á innfluttum iðnaðarvörum og þeirra aðlög-
unarvandamála, sem upp kunna að rísa í því
sambandi, svo og á hvern hátt sú tækni- og
sérfræðiaðstoð verði bezt framkvæmd. Þessi
nefnd hefur nýlega skilað viðamiklu áliti.
Nefndarálit hennar mun þá væntanlega lagt
fyrir Iðnþróunarráð og tekið þar til meðferð-
ar. Ég geri mér vonir um, að af þessari at-
hugun á því, hvernig bezt megi veita iðnaðin-
um aukna tækniaðstoð, geti margt gott leitt,
og veit ég, að bæði iðnrekendur og iðnaðar-
menn hafa haft mikinn áhuga fyrir þessu
máli.
Stálskipasmíði og dráttarbrautir.
Innlend stálskipasmíði er veigamesta iðn-
greinin, sem hér hefir risið á undanförnum
árum. Tæplega verður talið, að hún hafi slitið
barnsskónum enn, svo ung er þessi starfsemi.
Þó er það svo, að um sl. áramót voru sex stál-
fiskiskip í smíðum hér á landi og er stærð
þeirra áætluð samtals 1950 brútto rúmlestir.
Hið stærsta þeirra verður um 520 brúttó rúm-
lestir, og er það stærsta stálskip, sem enn
hefir verið smíðað hér á landi. Jafnhliða stál-
skipasmíðinni hafa verið endurbyggðar og ný-
byggðar dráttarbrautir > ;ðs vegar á landinu
til þess að fullnægja viðgerðarþörf hins nýja
stóra fiskiskipaflota íslendinga. Hefur ríkis-
stjórnin í einu og öllu stuðlað að framgangi
þessara fyrirtækja, aflað þeim lánsfjár og
veitt margháttaða fyrirgreiðslu. Fyrir skipa-
smíðastöðvunum hefur vakað að bæta sam-
keppnisaðstöðu sína við erlenda aðila með því
að smíða fleiri skip af sömu stærð og gerð, og
hafa þau lagt málaleitun þess eðlis fyrir Iðn-
þróunarráð, en málið er af beggja hálfu í
frekari athugun.
í. M. S. 1. og rannsóknarstarfsemi.
Iðnaðarmálastofnun Islands hefur eflzt og
er nú að festa kaup á húsnæði fyrir stofnun-
ina, en við afgreiðslu síðustu fjárlaga var
veitt 8 millj. kr. lánsheimild til þess að að-
stoða Iðnaðarmálastofnunina við þessi húsa-
kaup.
56