Landsfundur Sjálfstæðisflokksins - 01.12.1967, Blaðsíða 71

bændastéttinni að framleiðslugeta hennar yrði
mjög lítil. -—■ Stjórnarandstæðingar voru ekki
bjartsýnismenn í byrjun þessa stjórnartíma-
bils fremur en þeir eru nú. Pramsóknarmenn
spáðu móðuharðindum af mannavöldum eins
og kunnugt er.
Islendingar eru í eðli sínu bjartsýnir og stór-
huga. Bændastéttin hefur þessa eiginleika ekki
síður en aðrir landsmenn og hefur því ekki
látið úrtölur svartsýnismanna hafa áhrif á
sig. Á síðustu sjö árum hafa orðið miklar
framfarir í landbúnaðinum. Fjárfesting hef-
ur orðið tvöfalt meiri á þessum árum heldur
en á jafnlöngum tíma áður. Sjálfstæðismenn
hafa alltaf viljað gera hlut landbúnaðarins
góðan eins og annarra atvinnuvega. Þess vegna
hefur verið unnið samkvæmt stefnu Sjálf-
stæðisflokksins undanfarin sjö ár að því að
auka framleiðsluhæfni landbúnaðarins og
möguleika hans til þess að skapa þeim, sem
þann atvinnuveg stunda viðunandi lífskjör
Samkeppnisaðstaða landbúnaðarins hefur batn-
að, kjör bænda hafa aldrei verið betri en nú
og eru um þessar mundir hliðstæð því, er
ýmsar aðrar stéttir hafa, sem kjör bænda lög-
um samkvæmt miðast við. 1 útvarpsumræðun-
um rétt fyrir þinglokin viðurkenndu Fram-
sóknarmenn, að hagur landbúnaðarins hefði
batnað, en tóku fram að það væri ekki land-
búnaðarráðherra að þakka, heldur stéttarsam-
tökum bænda. Um það skal ekki metast, hverj-
um ber að þakka, að hlutur bænda hefur ekki
verið fyrir borð borinn nú eins og áður, þegar
Fi’amsóknarmenn fóru með mál landbúnaðar-
ins. Víst er það að rangt væri að þakka mér
það einum, sem vel hefur tekizt í þeim efnum.
Það er vitanlega Sjálfstæðisflokknum og stefnu
hans að þakka að vel hefur tekizt að þessu
leyti. Með allri virðingu fyrir stéttarsamtök-
um bænda verður einnig að segja það, að þeim
hefði ekki tekizt nú fremur en á valdadögum
Framsóknar að fá leiðréttingu á málefnum
landbúnaðarins, ef stjórnvöldin hefðu snúizt
gegn því. Rétt væri að minnast á nokkur lög,
sem sett hafa verið í tíð núverandi stjórnar
og snerta landbúnaðinn.
Umbótalöggjöf á sviði landbúnaðar.
Nefna má lög um bændaskóla, sem gera ráð
fyrir aukinni menntun bænda, meðal annars
hefur verið stofnsett framhaldsdeild við
bændaskólann á Hvanneyri. Verklegt nám hef-
ur verið aukið við skólana. Aðsókn að bænda-
skólunum hefur aukizt mjög mikið í seinni
tíð og bendir það til þess, að ungir menn hafi
í vaxandi mæli áhuga á landbúnaðinum. Það
eru aðeins fá ár síðan talað var um að nóg
væri að hafa einn bændaskóla, aðsókn að skól-
unum var ekki meiri en það. Nú verður að
vísa umsækjendum frá vegna plássleysis, en úr
því verður bætt með byggingu nýs skólahúss að
Hvanneyri. Miklar byggingar og endurbætur
hafa verið gerðar á húsmæðraskólum sveitanna.
— Hafa endurbætur farið fram á öllum hús-
mæðraskólunum. í byggingu er nýtt skólahús
á Laugarvatni, enda er gamla skólahúsið ekki
nothæft lengur. í vetur voru samþykkt lög
um búreikningaskrifstofu landbúnaðarins. Bú-
reikningaskrifstofa hefur starfað í aldarfjórð-
ung, en vegna fjárskorts hefur árangur af
starfi hennar ekki orðið eins og æskilegt var.
Á seinni árum hefur fjármagniö aukizt og
með breyttu skipulagi og nýrri löggjöf er ætl-
azt til, að búreikningaskrifstofan geti orðið
bændum að liði og gefið nauðsynlegar upp-
lýsingar í sambandi við rekstrarafkomu bú-
anna. Auk þess eiga búreikningar, ef þeir eru
rétt og nákvæmlega færðir, að vera leiðbein-
andi við verðlagningu búvöru ár hvert. Breyt-
ing á framleiðsluráðslögunum var gerð í sam-
ráði við bændasamtökin og hluta neytendafull-
trúanna á sl. ári. Er öruggt að sú breyting er
til batnaðar.
En mikilvægasta breytingin, sem gjörð hef-
ur verið á þessum lögum var í árslok 1959
þegar bændum var tryggt að fá að fullu það
verð, sem ákveðið er af sex manna nefnd
hverju sinni.
Framsóknarmenn eru hættir að tala um litla
framleiðslu í landbúnaðinum eins og þeir gerðu
áður. Á síðasta ári var rætt um offramleiðslu,
smjörfjöll og vandræði, sem að þjóðinni steðj-
uðu vegna þess að alltof mikið væri framleitt
af landbúnaðarvörum. Fullyrt var að bænd-
ur fengju ekki nærri fullt verð fyrir vöruna,
þetta stafaði af því að rekin væri röng land-
búnaðarstefna. Það voru mörg spakmæli sögð
þá, þeir voru margir, sem töldu sig hafa sér-
lega gott vit á landbúnaðarmálum sumarið
1966.
Nú eru menn hættir að tala um smjörfjall
enda er það ekki lengur fyrir hendi. Nú tala
menn ekki lengur um að bændur vanti mikið
til þess að fá fullt verð fyrir vöruna, enda
69