Skessuhorn - 09.11.2022, Blaðsíða 6

MIÐVIKUDAGUR 9. NÓVEMBER 20226
Nokkuð jafnt
kynjahlutfall
HVALFJ.SV: Fjölskyldu-
og frístundanefnd Hval-
fjarðarsveitar fundaði 3.
nóvember sl. en nefndin
hefur m.a. það hlutverk að
kanna árlega kynjahlut-
fall í nefndum, ráðum og
stjórnum á vegum Hval-
fjarðarsveitar. Í fundargerð
segir að við skipan í stjórnir,
ráð og nefndir á vegum
sveitarfélagsins skal hlutfall
kynjanna vera sem jafnast og
ekki undir 40% kynjahalli.
Í ár voru kynjahlutföllin 53
karlmenn og 50 konur, þ.e.
51% karlar og 49% konur
og gerði nefndin engar
athugasemdir til sveitar-
stjórnar við það. -gbþ
Aflatölur fyrir
Vesturland
29. október –
4. nóvember
Tölur (í kílóum)
frá Fiskistofu
Akranes: 4 bátar.
Heildarlöndun: 28.507 kg.
Mestur afli: Ebbi AK: 23.233
kg í þremur löndunum.
Arnarstapi: 3 bátar.
Heildarlöndun: 99.365 kg.
Mestur afli: Kristinn HU:
63.430 kg í sex löndunum.
Grundarfjörður: 5 bátar.
Heildarlöndun: 265.759 kg.
Mestur afli: Hringur SH:
61.930 kg í einum róðri.
Ólafsvík: 11 bátur.
Heildarlöndun: 151.017 kg.
Mestur afli: Tryggvi Eðvars
SH: 45.209 kg í þremur
róðrum.
Rif: 15 bátar.
Heildarlöndun: 459.043 kg.
Mestur afli: Örvar SH:
103.952 kg í einni löndun.
Stykkishólmur: 2 bátar.
Heildarlöndun: 13.994 kg.
Mestur afli: Bára SH:
9.424 kg í fjórum löndunum.
1. Örvar SH – RIF: 103.952
kg. 1. nóvember.
2. Tjaldur SH – RIF:
101.810 kg. 31. október.
3. Rifsnes SH – RIF: 87.121
kg. 30. október.
4. Hringur SH – GRU:
61.930 kg. 2. nóvember.
5. Runólfur SH – GRU:
60.308 kg. 31. október.
-sþ
Frumvarp um
sorgarleyfi
LANDIÐ: Þorbjörg Sig-
ríður Gunnlaugsdóttir þing-
maður Viðreisnar hefur
lagt fram á Alþingi frum-
varp um sorgarleyfi. Í því
felst að einstaklingar sem
misst hafa maka og eru for-
eldrar barna yngri en 18 ára
fái heimild til að taka allt að
sex mánaða leyfi frá störfum
og fái greiðslur frá Vinnu-
málastofnun á meðan. Í til-
kynningu frá Viðreisn kemur
fram að mikilvægt sé að eftir-
lifandi foreldri fái svigrúm
til sorgarúrvinnslu og svig-
rúm til að vera til staðar fyrir
barn eða börn sín eftir andlát
maka. Þær réttarbætur sem
lagðar eru til í frumvarpinu
séu ekki síst hugsaðar með
hagsmuni barna að leiðar-
ljósi sem misst hafa móður
eða föður. -mm
Umferð jókst
um 1,9% í
október
LANDIÐ: Umferðin í
nýliðnum október jókst um
1,9% miðað við sama mánuð
á síðasta ári. Umferðin jókst á
öllum landssvæðum en mest
um Austurland, um rúm 8%,
og minnst við höfuðborgar-
svæðið, tæpt 1%. Nú stefnir
í að 2022 verði umferðar-
mesta árið á Hringveginum
hingað til en fyrra met er frá
árinu 2019. -gbþ
Landeigendur Kirkjufells við
Grundarfjörð komu saman til
fundar á laugardaginn, ásamt
bæjarstjóra og skipulagsfulltrúa
Grundarfjarðarbæjar, fulltrúum
viðbragðsaðila og Ferðamálastofu.
Jarðirnar sem eiga land að fjall-
inu eru Kirkjufell, Háls og Búðir.
Sendu þeir í kjölfarið frá sér yfirlýs-
ingu. Til fundarins var boðað vegna
tíðra og alvarlegra slysa í fjallinu,
en þar hafa þrír látist á undan-
förnum fjórum árum. Rædd voru
viðbrögð við stigmögnuðum fjölda
ferðamanna sem leggur leið sína að
Kirkjufelli og fjölda alvarlegra slysa
sem hlotist hafa við uppgöngu á
fjallið. Rædd voru viðbrögð og ráð-
stafanir til að bæta öryggi allra sem
leggja leið sína að og á Kirkjufell.
Fundarmenn voru sammála um
að í algerum forgangi séu aðgerðir
til að tryggja sem best öryggi ferða-
fólks og viðbragðsaðila, bæði til
skemmri og lengri tíma. Í yfir-
lýsingu þeirra segir: „Tíð slys
og dauðsföll ferðafólks, sem lagt
hefur leið sína á Kirkjufell, kalla
á enn frekari öryggisráðstafanir.
Gróður í fjallinu er einnig við-
kvæmur og hefur látið mikið á sjá
vegna átroðnings, sem aftur dregur
enn frekar úr öryggi fólks á svæð-
inu. Mikil slysahætta skapast á fjall-
inu að hausti og vetri, þegar blautt
er og snjór og frost er í fjallinu.
Sömuleiðis að vori, þegar gróður-
hulan er enn laus á berginu. Þetta
þekkja heimamenn og ganga ekki
á Kirkjufell nema þegar þurrt er
og aðstæður góðar. Þó að varúðar-
skilti sem stendur við rætur Kirkju-
fells gefi skýrar leiðbeiningar um
hvernig fólk skuli vera útbúið ef
það hyggur á göngu á fjallið og við
hvaða aðstæður sé ekki ráðlegt að
leggja í göngu hefur ítrekað borið á
því að eftir þeim leiðbeiningum sé
ekki farið.“
Þá segir í yfirlýsingu landeigenda
að í samtölum, einkum við erlent
ferðafólk, hafi þeir orðið varir
við að fólk skynjar ekki hætturnar
og ákveður, þrátt fyrir viðvar-
anir, að ganga á fjallið illa búið og
við hættulegar aðstæður. „Sam-
kvæmt upplýsingum frá viðbragðs-
aðilum hafa flest slysin átt sér stað
að hausti og vetri þegar aðstæður
eru hvað erfiðastar og lítið má út
af bregða svo fólki skriki ekki fótur
og falli niður brattar hlíðarnar.
Aðstæður viðbragðsaðila sem kall-
aðir eru til björgunar í Kirkju-
felli eru ávallt erfiðar og hættu-
legar. Landeigendur vilja í lengstu
lög forðast að björgunarfólk þurfi
að leggja sjálft sig í lífshættu við
að fara í erfið og krefjandi útköll á
þeim tíma þegar aðstæður eru hvað
varhugaverðastar.
Með allt þetta í huga og til að
freista þess að forða frekari slysum
hafa landeigendur því ákveðið að
banna uppgöngu á Kirkjufell frá og
með deginum í dag og þar til varp-
tíma í fjallinu er lokið þann 15. júní
2023. Þessu til staðfestingar verða
fljótlega sett upp skilti við upp-
gönguleið á fjallið og á bílastæði við
Kirkjufellsfoss, auk þess sem upp-
lýsingum um þetta verður komið á
framfæri með viðeigandi hætti.“
Loks segir í yfirlýsingu land-
eigenda að samhliða þessari
ákvörðun verði tíminn til kom-
andi vors nýttur til að vinna enn
frekar að framtíðaröryggismálum
og aðgengi á svæðinu. Í þeim til-
gangi verður stofnaður samráðs-
hópur skipaður fulltrúum land-
eigenda, viðbragðsaðila, Grundar-
fjarðarbæjar og annarra opinberra
aðila sem koma að öryggismálum
ferðafólks og náttúruvernd. „Land-
eigendur biðla til allra sem koma
að ferðamálum og upplýsingagjöf
að áminna ferðafólk um að ganga
ekki á Kirkjufell yfir vetrartímann.
Er þetta gert með öryggi allra í
huga. Við biðjum alla að virða þessa
lokun og stofna hvorki sjálfum sér
né öðrum í hættu.“
mm
Uppganga á Kirkjufell bönnuð
fram yfir varptíma næsta vor
Landeigendur Búða, Háls og Kirkjufellslands skoðuðu á laugardaginn upp-
gönguna og skiltið við upphaf gönguleiðarinnar á Kirkjufell. Ljósm. tfk.