Skessuhorn - 09.11.2022, Blaðsíða 16

MIÐVIKUDAGUR 9. NÓVEMBER 202216
Heiðrún Lára Tómasdóttir er
28 ára kökuskreytir á Akranesi
þar sem hún er fædd og upp-
alin. Hún er yngst fimm systk-
ina en foreldrar hennar eru þau
Martha Sigurðardóttir og Tómas
Sigurðsson. Heiðrún segist frá
unga aldri hafa haft gaman af því
að föndra og skreyta, hún er list-
ræn en ásamt því að vera með þrjár
diplómur í kökuskreytingum er
hún förðunarfræðingur frá Mood
make up school. Hún segir það
þó ekki eiga vel við sig að sitja á
skólabekk. „Það hentar mér vel að
vinna og mér finnst lang skemmti-
legast að vinna á fótunum því ég
þarf að vera aktív allan daginn.
Ég er ekki skólakona.“ Heiðrún
vinnur nú í Kallabakaríi á Akra-
nesi þar sem hún bakar og skreytir
sínar eigin kökur, Heiddukökur,
auk þess að aðstoða við matseld
og afgreiðslu. Blaðamaður heim-
sótti Heiðrúnu Láru í vinnuna á
dögunum og ræddi við hana um
allt sem tengist kökum og kremi.
Heiddukökur
Í grunnskóla var Heiðrún byrjuð
að skreyta kökur fyrir afmæli hjá
vinkonum og fyrir önnur tilefni
en árið 2019 ákvað hún að demba
sér út í kökuskreytingar af alvöru
með hjálp YouTube. „Ég fór á fullt
í þetta þegar ég var að gera baby
shower köku fyrir vinkonu mína af
því mig langaði að gera kökuna svo
fína fyrir hana. Í því ferli fann ég
hvað mig langaði geðveikt að læra
þetta og vera góð í þessu svo ég
fór að prófa mig áfram með því að
skoða myndbönd á netinu,“ segir
Heiðrún.
„Heiddukökur urðu svo til
þegar ég byrjaði að pósta á sam-
félagsmiðla myndum af kökum
eftir mig. Þá fór fólk að spyrja
mig hvort það gæti keypt af mér
kökur, hvort ég hefði áhuga á að
selja þær og það peppaði mig rosa-
lega,“ segir Heiðrún sem stofn-
aði fljótlega Instagram-reikn-
inginn Heiddukökur. Þar deilir
hún myndböndum og myndum af
kökunum sínum og fólk getur haft
samband við hana þar ef það hefur
áhuga á að kaupa af henni. -En
hvað eru Heiddukökur? „Það eru
kökur sem eru skreyttar á nútíma-
legan hátt og eru svona fínar til-
efniskökur,“ segir Heiðrún sem
bæði bakar kökurnar og skreytir
þær. „Mér finnst skemmtilegra að
skreyta kökurnar en mér finnst líka
skipta miklu máli að þær séu góðar
á bragðið, ekki bara fallegar.“
Með diplómur í
kökuskreytingum
Heiðrún Lára fór á námskeið í
kökuskreytingum til Hatfield í
Englandi haustið 2021 þar sem hún
lærði m.a. að búa til skreytingar
úr sykurmassa og vinna með það
sem kallast Royal Icing en það
er ákveðin tegund af glassúr. „Ég
valdi þarna námskeið sem heill-
aði mig. Mig langaði aðallega að
læra að gera blóm og á þessu nám-
skeiði lærðum við einmitt að gera
alls konar blóm,“ segir Heiðrún en
út úr námskeiðinu fékk hún þrjár
diplómur í sitthverju skreytinga-
faginu. „Þetta var mjög skemmti-
legt og konan sem kennir nám-
skeiðin er ótrúlega flink í öllu sem
að þessu kemur og heldur úti alls
konar námskeiðum.“
„Þessi vinna hentar
mér 100%“
Heiðrún Lára hóf störf í Kalla-
bakaríi í ágúst 2021 en hún var
ráðin þangað inn til þess að skreyta
kökur auk þess að aðstoða kokk-
inn þar við matseld og annað til-
fallandi. „Ég er mjög ánægð með
að hafa ákveðið að koma hingað,“
segir Heiðrún Lára en áður en
hún byrjaði að vinna í bakaríinu
hafði hún nýlega verið ráðin inn í
afgreiðslustarf hjá Sætum syndum.
„Það var í raun eina kökubúðin sem
mig langaði að vinna í en á þessum
tíma var bara laust afgreiðslustarf
svo ég fékk lítið að gera það sem
mig langaði til; að skreyta kökur,“
segir Heiðrún.
Þegar henni bauðst svo starf í
Kallabakaríi sló hún til, bæði vegna
þess að þá gat hún unnið á Akranesi
og fékk frelsi til að gera sín eigin
verk efni og það hafi hljómað vel.
„Ég er miklu ánægðari hér heldur
en ég hef verið á mörgum vinnu-
stöðum og þessi vinna hentar mér
100%. Kökuskreytingarnar voru
helsta ástæðan fyrir því að ég var
ráðin og mig langaði að koma
hingað til þess að koma þessu á
Skagann, svo fólk gæti pantað
skreyttar kökur hérna á Akra-
nesi. Og líka til að peppa upp
kökurnar hér í bakaríinu og gera
eitthvað skemmtilegt hérna, eftir-
réttatengt,“ segir Heiðrún. Góð-
kunnir viðskiptavinir bakarísins
hafa vafalaust tekið eftir miklum
breytingum á framboði á kökum
og nú gefst þeim kostur á að panta
kökur í bakaríinu sem Heiðrún
bakar og skreytir.
„Fólk kemur hingað í bakaríið
og vill panta kökur hjá mér og hér
er bara sér bók þar sem eru myndir
af mínum kökum til að sýna hvað
er í boði,“ segir Heiðrún. Fólk
getur líka pantað kökur í gegnum
Instagram-reikning Heiðrúnar
„Heiddukökur“, eða í gegnum sam-
félagsmiðlareikninga Kallabakarís.
Annað starfsfólk í bakaríinu sér
um hefðbundnu kökurnar eins og
skúffukökur, marsípankökur og
aðrar sem í boði eru í afgreiðslu
bakarísins. Heiðrún vonast hins
vegar til að geta bráðum aðstoðað
bakarana meira með skreytingar á
þeim kökum. „Ég er búin að vera
svolítið föst í eldhúsinu undanfarið
en er að losna þar núna þannig ég
vonast til að geta tekið meiri þátt í
að sjá um hinar kökurnar líka.“
Æfingin skapar
meistarann
En er ekki tímafrekt að skreyta
svona kökur? „Jú, það tekur alveg
tíma en það lærist,“ segir Heiðrún.
Hún hafi verið mun lengur að
skreyta eina köku þegar hún byrjaði
heldur en núna þegar hún er búin
að gera þetta margoft. „Þetta er
svona æfingin skapar meistarann,
þú þarft að æfa þig rosalega mikið
og læra alls konar smáatriði til að
ná tökum á þessu. Þegar maður er
búinn að gera þetta nógu oft veit
maður t.d. hvernig áferðin þarf að
vera á kreminu hverju sinni, eins og
ef þú ætlar að gera dripp og önnur
details og þú getur ekki gert slétta
köku með þykku kremi, það verður
að vera alveg silkimjúkt. Og þetta
tekur allt minni tíma í dag en áður.
En svo vill maður vanda sig og
gera fallegar kökur þannig að hver
kaka er nákvæmnisvinna.“ Aðspurð
segir Heiðrún að sér þyki líklega
„Það skiptir máli að kökurnar séu góðar
á bragðið, ekki bara fallegar“
Hægt er að panta Heiddukökur í Kallabakaríi en það eru kökur sem Heiðrún Lára Tómasdóttir bakar og skreytir í sínum stíl.
Ljósm. Unnur Jónsdóttir.
Heiðrún gerði kettina sína sem kökutoppa á afmæliskökuna sína. Nákvæmnisvinna. Hér er Heiðrún að vinna með sykurmassa.
Heiðrúnu finnst skemmtilegast að búa til fallegar kökur.