Skessuhorn - 09.11.2022, Blaðsíða 12

MIÐVIKUDAGUR 9. NÓVEMBER 202212
Dagana 2. og 3. nóvember var
haldið barna- og ungmennaþing
á Akranesi. Þingið er hluti af inn-
leiðingu verkefnisins Barnvænt
sveitarfélag sem Akraneskaupstaður
vinnur að í samstarfi við UNICEF
á Íslandi. Einnig er þingið hluti af
undirbúningi ungmennaráðs fyrir
bæjarstjórnarfund unga fólksins, en
yfirskrift þingsins var: „Barnvænt
Akranes“.
Barna- og ungmennaþingið fór
fram í frístundamiðstöðinni Þorp-
inu og voru þátttakendur fulltrúar
nemenda úr 5.-10. bekk Grunda-
skóla og Brekkubæjarskóla. Jafn-
framt tóku 16 nemendur úr fram-
haldsskólanum FVA þátt í þinginu
og voru ritarar. Ungmennaráð
Akraneskaupstaðar tók virkan þátt í
skipulagningu þingsins og voru þau
umræðustjórar á hverju borði. Alls
tóku 124 börn og ungmenni þátt í
þinginu.
Fram kemur á heimasíðu Akra-
neskaupstaðar að markmiðið með
þinginu hafi verið að skapa vett-
vang fyrir börn og ungmenni á
Akranesi til að koma saman og ræða
þau málefni sem brenna á þeim. Á
barna- og ungmennaþingi fengu
þau tækifæri til að tjá skoðanir
sínar og viðhorf til sveitarfélagsins
og þeirrar þjónustu sem það veitir.
Umræðuefni þingsins voru eftirfar-
andi: Skólamál; frítími og íþróttir
á Akranesi; forvarnir; umhverfi og
skipulag og að lokum draumabær-
inn Akranes, hvernig er hann?
Allir þátttakendur á þinginu
stóðu sig með mikilli prýði og
voru til fyrirmyndar í hegðun
og framkomu. Í röddum þeirra,
viðhorfum og reynslu felast mikil
verðmæti sem sveitarfélagið getur
nýtt til þess að verða betra, öflugra
og ekki síst barnvænna bæjarfélag,
segir í frétt á akranes.is vaks
Allt frá því í sumar hefur Steinunn
Árnadóttir í Borgarnesi fylgst
grannt með líðan og aðbúnaði
hrossa í hesthúsahverfi í Borg-
arnesi auk nautgripa og kinda á
bæ í Borgar firði, en allar þessar
skepnur tilheyra sömu umráða-
aðilum. Málinu hefur hún fylgt fast
eftir við embættismenn sem fram-
fylgja skulu lögum um dýravelferð
berist ábendingar um að eitthvað sé
ábótavant hjá dýrum. Hrossunum
í Borgarnesi var eins og kunnugt
er hleypt út síðsumars og hafa að
undanförnu verið á þröngum haga í
skjólleysi. Fargað var hluta hópsins
í haust, þeim hluta sem var í hvað
verstu ástandi. Þá búa nautgripir
við þröngan kost og má glöggt sjá
af ljósmyndum sem Steinunn tók
um helgina að þeir eru illa haldnir.
Sunnudaginn 6. nóvember sendi
Steinunn sex ljósmyndir af skepn-
unum sem sýna meðal annars
hross með hófsperru og grindhor-
aðan nautgrip. Tölvupósturinn er
opið bréf og m.a. stílaður á sveitar-
stjórnarfulltrúa í Borgarbyggð,
eftir litsaðila hjá Matvælastofnun,
fjölmiðlafólk, forsætisráðherra og
fleiri.
Bréf Steinunnar er ritað í
ákveðinni kaldhæðni, en þar segir
orðrétt:
„Undir vökulu, stöðugu og
öruggu eftirliti búfjáreftirlits aðila
eru nú hrossin 10 í ,,viðkvæmu
ástandi“ orðin tilbúin til slátrun-
ar. Þau leggja vel af, eru nokkur
komin með hófsperru, eða hófar
orðnir eins og skíði. Nú á bara eftir
að smala liði hjá eftirlitsmönnum
Matvælastofnunar og gera klárt í
næstu aðgerð. Ekki hefur tíminn
farið í að fylgjast með að hrossin
fengju það fóður eða skjól svo þau
næðu bata. Svo tíminn er í plús,“
skrifar Steinunn.
„Gallinn er bara sá að búið er að
fjarlægja hrossin úr haganum við
Lækjarkot. Það var gert í kvöld í
skjóli myrkurs. Endurtekið atriði
frá því í byrjun september þegar
tryppum var hleypt út af eigendum
í skjóli myrkurs úr hesthúsahverfi í
Borgarnesi.
En góðu fréttirnar eru þær að nú
er búið að sameina horuðu hrossin
við horuðu nautgripina í Nýja-Bæ.
Nautgripirnir í Nýja-Bæ voru voða
stilltir í kvöld og biðu við hliðið,
vatnslausir og svangir. Þeir þekkja
reyndar ekkert annað svo þetta var
ekkert nýtt.
Er einhver möguleiki á að ein-
hver fari að vinna við það að koma
þessu í eitthvað betra horf?
Ég býst reyndar ekki við að
fá svör frá starfsmönnum Mat-
vælastofnunar eða matvælaráð-
herra. Þeir fara ekki að byrja á því
núna! En kannski einhver annar
geti svarað þessari spurningu,“ spyr
Steinunn að endingu í bréfi sínu
og beinlínis hrópar á að fleiri komi
með henni í lið til stuðnings skepn-
unum. mm/ Ljósm. sá
Eitt af kjarnaverkefnum Mat-
vælastofnunar (MAST) er að gæta
að dýravelferð og er því verkefni
sinnt af heilindum og forgangi. Í
tilkynningu frá stofnuninni sem
send var í síðustu viku segir að á
undanförnu hafi mikið verið rætt
um velferð dýra á tilteknum bæ í
Borgarfirði og um meint aðgerða-
leysi MAST í því máli. „MAST er
ekki heimilt að tjá sig um tiltekin
mál en lög um vinnslu persónupp-
lýsinga og stjórnsýslulög takmarka
heimildir MAST til upplýsinga-
gjafar um einstök mál til einstak-
linga og fjölmiðla. Því er ekki hægt
að upplýsa aðila sem senda inn
ábendingar til MAST um framgang
mála hjá einstaklingum. Vegna
óvæginnar orðræðu í garð starfs-
fólks stofnunarinnar sér stofnunin
sig þó knúna að grípa til nokkurra
andsvara og reyna að skýra verk-
ferla sína frekar og fara almennt
yfir þær raðir aðgerða sem gripið
er til í málum er varða velferð dýra,
þótt ekki séu þær ávallt sýnilegar
almenningi,“ segir í tilkynningu.
Ferli og úrbætur
„Stjórnsýslulög kveða á um að
stjórnvald skuli beita vægasta úrræði
hverju sinni til að ná fram úrbótum,
og er stofnuninni skylt að fara eftir
skýrum verkferlum í slíkum málum.
Komi upp mál er varða velferð dýra
fá umsjáraðilar þeirra fyrst tæki-
færi til að bregðast við ábendingum
um nauðsynlegar úrbætur. Sé ekki
brugðist við þeim ábendingum sem
skyldi hefur MAST heimild til að
beita þvingunum til að knýja fólk
til úrbóta, má þar nefna dagsektir.
Þessu fylgja vitaskuld fjölmargar
eftirlitsheimsóknir á viðkomandi
bæi og mikil og ítarleg afskipti af
starfsemi viðeigandi aðila. MAST
getur einnig refsað fyrir brot með
því að sekta aðila, þ.e. lagt á stjórn-
valdssektir.
Vörslusvipting dýra
Vörslusvipting er alvarleg aðgerð
og er eingöngu gripið til hennar
að vel ígrunduðu máli og að
fyrrnefndar leiðir stofnunarinnar
séu fullreyndar. Eins og komið
hefur fram í því máli sem hefur
verið í fjölmiðlum að undanförnu
hefur búfé verið fært úr vörslu
umráðamanns. Ekki er um fyrstu
aðgerðir MAST að ræða í því máli.
Úttekt á störfum MAST
Ríkisendurskoðun hefur hafið
úttekt á störfum MAST er lúta að
eftirliti með velferð dýra. Stofn-
unin fagnar úttektinni og komi í
ljós að eitthvað megi betur fara
verður verklagi breytt. Fram að því
mun stofnunin áfram vinna eftir
skráðu og útgefnu verklagi við eft-
irlit, eftirfylgni, beitingu þvingana
og refsinga.“
mm
Bendir á að lítið sé að gert til
að koma skepnunum til hjálpar
Hross með hófsperru.
Skinhoraður nautgripur.
Barna- og
ungmennaþing
á Akranesi
Svipmynd frá þinginu í Þorpinu. Ljósm. akranes.is
Starfsfólki ekki heimilt að tjá sig um tiltekin mál