Skessuhorn - 09.11.2022, Blaðsíða 30

MIÐVIKUDAGUR 9. NÓVEMBER 202230
Badmintonfélag Akraness var
stofnað árið 1976 og er félag
áhugamanna um badminton-
íþróttina. Tilgangur félagsins er
að vinna að eflingu badmintons
og stuðla að almennri íþrótta-
iðkun. Í stjórn félagsins ásamt
Brynju K. Pétursdóttur formanni
eru þau Irena Rut Jónsdóttir,
Arnór Tumi Finnsson, Daníel Þór
Heimisson, Egill G. Guðlaugsson,
Hilda Björg Þorgeirsdóttir og Ell-
ert Haraldsson. Helena Rúnars-
dóttir er yfirþjálfari og nýráðinn
framkvæmdastjóri félagsins og
aðrir þjálfarar eru þau Irena Rut
og Brynjar Már Ellertsson. Brynja
segir að það sé rosalega erfitt að
fá þjálfara, sú stétt er mjög lítil á
Íslandi og engin fjölgun orðið síð-
ustu ár. Þau auglýstu í sumar eftir
nýjum þjálfara og er von á þjálf-
ara frá Indlandi í byrjun desember.
Alltaf í
uppbyggingarfasa
Hvað eru margir iðkendur hjá
félaginu? „Við erum með um 70
iðkendur skráða í Sportabler og
erum með fullt af ungum krökkum
frá sjö ára og þeir elstu eru í
kringum 16-17 ára. Einn árgangur
hefur verið að æfa frítt, það er 2013
árgangurinn núna og það eru ell-
efu krakkar að æfa. Það hefur verið
ágætis áhugi síðustu ár, einhverjir
hættu í faraldrinum og koma lík-
legast ekki aftur en það er þannig
í öllum íþróttum. Við erum alltaf
í uppbyggingarfasa, að reyna að
byggja upp félagið og reyna að ná
árgöngunum áfram. Það er kúnstin
svo að félagið nái að vaxa og dafna.
Umgjörðin þarf að vera góð og nú
erum við að reyna að ná stöðugleika
í þjálfaramálum því það hjálpar til
að halda krökkum í íþróttinni.“
Brynja segir að félagið æfi alla
jafnan í íþróttahúsinu við Vestur-
götu en á sunnudögum eru fjöl-
skyldutímar á Jaðarsbökkum vegna
þess að það er lokað á Vesturgötu
þann dag. Þar mega allir mæta og
spila þó þeir séu ekki í félaginu, þar
mæta foreldrar oft með börnunum
og spila við þau og svo er kannski
farið í sund eftir æfingu.
Hvernig skiptið þið eftir aldri
og hver eru æfingagjöldin? „Við
erum með þrjá flokka, byrjenda-
hóp, annan flokk og síðan 1. flokk
og keppnishóp. Það er blanda af
krökkum sem eru að keppa, þau
geta verið á öllum aldri. Svo erum
við með eldri krakka sem geta
komið, æft og spilað en eru ekk-
ert endilega að keppa. Við reynum
að hafa æfingagjöldin lág svo flestir
hafi tök á því að æfa hjá okkur, við
erum mjög heppin en það hafa
verið mjög margir sjálfboðaliðar í
kringum okkur. Öllum er velkomið
að prófa án endurgjalds og sjá hvort
íþróttin henti þeim eða ekki.“
Engin krafa um keppni
Hvernig er lagt upp með þjálfun-
ina? „Það er alls konar. Maður hefur
alveg tekið eftir því, sérstaklega hjá
eldri krökkunum, að þau vilja bara
koma og spila. Badminton er fyrir
alla, það geta allir spilað badmin-
ton. Að sjálfsögðu vill maður að
krakkarnir hafi grunn, haldi rétt á
spaðanum, noti rétta fótavinnu og
svo framvegis. Það er engin krafa
um að krakkarnir þurfi að keppa
en ef þau keppa þá sjá þau hvar
þau standa gagnvart öðrum. Það er
öllum frjálst hvort þau keppa eða
keppa ekki og foreldrar fá að stýra
því þau skrá krakkana til leiks því
allt fer í gegnum foreldrana.“
Hver eru helstu verkefnin yfir
veturinn? „Við höldum nokkur
mót yfir veturinn. Eitt af þeim er
meistaramótið sem var alltaf kallað
Atlamótið þar sem bestu spilarar
landsins koma og spila í fullorðins-
flokkum en heitir nú Meistara-
mót ÍA. Í einliðaleik er keppt um
Atlabikarinn til minningar um Atla
Helgason og í tvíliðaleik er keppt
um Harðarbikarinn til minningar
um Hörð Ragnarsson sem var einn
af stofnendum félagsins á sínum
tíma. Í janúar er gríslingamót fyrir
ellefu ára og yngri sem er mjög
skemmtilegt mót og svo erum við
með unglingamót í mars sem hefur
verið mjög stórt og ætlum við að
einblína á þá yngri í þetta skiptið.
Svo endum við á Akranesmótinu í
vor sem er innanfélagsmót og erum
með uppskeruhátíð.“
Brynja segir að það séu iðk-
endur á öllum aldri í félaginu og á
mánudagskvöldum er trimmhópur
fyrir 16-99 ára sem er alltaf vin-
sælt. Félagið skráði lið í 2. deild
í deildarkeppni í vetur og segir
Brynja að það sé mjög dýrmætt
fyrir krakkana að fá eldri spilara inn
því það sé alveg sama á hvaða getu-
stigi, þau fagni hverjum sem kemur.
Það vanti oft samkeppni fyrir þau
þegar krakkarnir hafa náð ákveðnu
getustigi og þá hafa þau fengið að
æfa í samráði við félög í Reykjavík
að fara á æfingar þar.
Eitthvað að lokum? „Ég vil endi-
lega hvetja börn og unglinga til
að prófa sem flestar íþróttir og sjá
hvað hentar þeim. Einnig vil ég
hvetja þau sem vilja koma og prófa
að kíkja í trimmtímana á mánu-
dögum á Vesturgötu því badminton
er mjög góð hreyfing fyrir alla.“
vaks
Spurning
vikunnar
Hvað er uppáhalds
borðspilið?
Spurt á Gamla Kaupfélaginu
á Akranesi
Sara Rut Heimisdóttir
,,Secret Hitler.“
Petronella Kristjánsdóttir
,,Hættuspilið.“
Arnar Þór Sigurðsson
,,Lúdó.“
Katrín Dís Guðbjartsdóttir
„Secret Hitler.“
Rúnar Baldursson
,,Dungeons and Dragons.“
Í þessum lið leggjum við fyrir tíu
spurningar til íþróttamanna úr
alls konar íþróttum á öllum aldri
á Vesturlandi. Íþróttamaður vik-
unnar að þessu sinni er Alexandra
Björg frá Grundarfirði en hún
stundar blak.
Nafn: Alexandra Björg Andra-
dóttir
Fjölskylduhagir? Ég á eina
systur og mamma mín og pabbi
eru gift.
Hver eru þín helstu áhugamál?
Blak og að teikna.
Hvernig er venjulegur dagur
hjá þér um þessar mundir? Ég
fer í skólann og læri. Oft fer ég út
í blak og er með vinum mínum,
hangi líka pínu í símanum. Svo
fer ég í sturtu og fer að sofa.
Hverjir eru þínir helstu kostir
og gallar? Kostir: Ákveðin, skyn-
söm, ofvirk, skemmtileg og með
stórt hjarta. Gallar: Tapsár og
óþolinmóð.
Hversu oft æfir þú í viku?
Tvisvar en eiginlega fjórum
sinnum því að ég æfi líka með
eldri konunum.
Hver er þín fyrirmynd í
íþróttum? Mamma mín, Eva
Kristín.
Af hverju valdir þú blak? Þegar
ég byrjaði að æfa þá fékk ég svona
tilfinningu að mér myndi finnast
blak skemmtilegt.
Hver er fyndnastur af þeim
sem þú þekkir? Krista Rún
Þrastardóttir, frænka mín.
Hvað er skemmtilegast og
leiðinlegast við þína íþrótt?
Skemmtilegast að fá að fara á
mót og gista í skóla og kynnast
öðrum sem æfa blak. Leiðinleg-
ast er að tapa vegna þess að ég er
svo tapsár.
Mamma mín
er fyrirmyndin
Íþróttamaður vikunnar
„Badminton er fyrir alla“
Rætt við Brynju K. Pétursdóttur formann Badmintonfélags Akraness
Brynja og Irena ásamt krökkum sem fóru í keppnisferð til Færeyja síðastliðið vor. Ljósm. aðsend