Skessuhorn - 09.11.2022, Blaðsíða 13

MIÐVIKUDAGUR 9. NÓVEMBER 2022 13
Um næstu helgi mun Guðlaugur Jón
Bjarnason myndlistarmaður opna
sýningu á verkum sínum í Safnahúsi
Borgarfjarðar í Borgarnesi. Hann
er fæddur á Selfossi árið 1949 og er
ævistarf hans sjómennska og málara-
list. Fyrir nokkrum árum varð Guð-
laugur fyrir því óláni að detta á heim-
ili sínu og liggja bjargarlaus í tals-
verðan tíma, gat ekki látið vita af sér.
„Ég datt illa. Var þá einn heima og
gat ekki gert vart við mig. Ég hafði
áður fengið blóðtappa en í kjölfar
þessa slyss lamaðist ég á vinstri hlið.
Kollurinn er þó í lagi sem og hægri
hendin.“ Eftir slysið tók við endur-
þjálfun og þurfti Guðlaugur í kjöl-
farið að fá inni á hjúkrunarheim-
ili. Ekki var laust pláss á hjúkrunar-
eða dvalarheimili á höfuðborgar-
svæðinu og var Guðlaugi fyrst boðið
pláss í Brákarhlíð, en var einnig um
nokkurra mánaða skeið á dvalarheim-
ilinu í Stykkishólmi. Hann kom svo
að nýju í Brákarhlíð og fékk þá leyfi
til þess að stunda myndlist inni á her-
bergi sínu. Það hentaði honum ekki
að stunda málaralistina í iðjunni í
Brákarhlíð, sem er lokuð um helgar.
Blaðamaður Skessuhorns leit í heim-
sókn til Guðlaugs í herbergi hans í
Hvammi í Brákarhlíð. Þar undirbýr
hann nú sýninguna.
Fór ungur til sjós
Guðlaugur Jón, sem einatt notar
listamannsnafn sitt Gulli, fæddist
árið 1949 og ólst upp á Selfossi
þar sem þá bjuggu rétt yfir þús-
und manns. Lífið snerist um kaup-
félagið og Mjólkurbúið en þessi
fyrir tæki voru burðarásar í atvinnu-
lífinu á þeim tíma. Hann kveðst
strax sem barn hafa fengið áhuga
fyrir að teikna. „Ég tók þátt í öllum
teiknisamkeppnum í skóla og vann,
þannig að það má segja að áhuginn
fyrir list hafi alltaf verið til staðar.
Svo þegar ég var 17 ára fór ég fyrst á
sjó til að vinna fyrir mér. Pabbi hafði
þekkt útgerðarmann í Reykjavík og
ég fékk pláss á Sædísi RE-63. Síðar
átti ég eftir að fá pláss á tog- og neta-
bátnum Hafnarborg RE þar sem ég
var í tvo áratugi. Um borð var ég
hins vegar alltaf að mála þegar ekki
var unnið uppi á dekki,“ segir Gulli.
Haldið til náms
„Ég ákveð svo að söðla um, fór í
nám í myndlist, fyrst í Myndlista- og
handíðaskóla Íslands en síðar átti ég
eftir að ljúka námi við myndhöggv-
aradeild MHÍ árið 1988 og sótti svo
steinhöggvaranámskeið á Gotlandi
sama ár.“ Hann var þátttakandi
í sumarakademíunni í Salzburg í
Austurríki 1989 og um haustið hélt
hann til Edinborgar. Þar lauk hann
Diploma of fine Art í Sculpture
Scool of Edinburgh árið 1990. Síðar
sama ár settist hann í Kunstakademie
Dusseldorf og útskrifaðist þaðan
sem Meisterschuler hjá Magdalena
Jetelova árið 1994. Árið 1995 sett-
ist Gulli svo að í Mönchengladbach
í nágrenni Berlínar og síðar í Berlín
og bjó þar. Þar bjó hann til ársins
2012 er hann snéri á ný til Íslands
og hefur átt lögheimili í Reykjavík
síðan, en eftir veikindin hefur hann
verið íbúi á Brákarhlíð.
Guðlaugur hefur í áranna rás
ástundað málaralist, höggmyndalist,
ljósmyndun og innsetningar ýmis-
konar. Hann hefur haldið fjölda sýn-
inga á ferli sínum, bæði hér heima
og erlendis og tekið þátt í samsýn-
ingum, ýmsum verkefnum og list-
rænum uppákomum í Skotlandi,
Póllandi, Svíþjóð og Þýskalandi.
„Ég var orðinn 35 ára þegar ég fór
erlendis í nám. Hins vegar hafði ég
alltaf verið að mála um borð í skip-
unum, mest vatnslitamyndir. Ég hef
alltaf haft mest gaman af því að mála
á staðnum, ekki eftir ljósmyndum.
Síðustu árin hef ég svo einbeitt mér
að olíumálverkum á striga.“
Fjarri sínu fólki
Gulli kveðst engan veginn sáttur
við það hlutskipti sitt að fá ekki
að ráða í hvaða sveitarfélagi hann
býr, þegar heilsan leyfir ekki að
búið sé heima. „Þó vil ég taka það
skýrt fram að það er afskaplega
gott að vera hér í Brákarhlíð. Ég er
ánægður með þá umönnun sem ég
fæ og hér er gott starfsfólk. Hins
vegar langar mig að geta farið oftar
til Reykjavíkur þar sem fjórar af
fimm dætrum mínum búa. Fimmta
dóttirin býr í Þýskalandi en hana
átti ég með þýskri móður hennar.
Ég er hins vegar ósáttur með
hversu ferðaþjónusta fatlaðra er
bágborin. Ég er í raun lokaður hér
inni og fæ lítið að fara þar sem ég
má ekki ferðast út fyrir Borgar nes,
sökum kostnaðar við það. Kerfið
hvað þetta snertir er bara alls ekki í
lagi í ljósi þess að ég og fjölmargir
aðrir fáum ekki að ráða í hvaða
sveitarfélagi við búum. Það skortir
því greinilega að byggt sé meira af
þjónustu- og íbúðarúrræðum fyrir
eldra fólk,“ segir Gulli með festu.
Básúnuleikur
við opnunina
Gulli kveðst þó þakklátur fyrir að fá
að sinna listsköpun sinni á því her-
bergi sem hann dvelur í. „Hægri
höndin er í lagi og höfuðið einnig
og því get ég málað. Þetta heldur
mér í gangi,“ segir hann. Mynd-
irnar á sýningu Gulla um næstu
helgi eru allar málaðar á árunum
2020-22 og verður um sölusýningu
að ræða. Formleg sýningaropnun
verður sunnudaginn 13. nóvem-
ber frá klukkan 14-16. Klukkan 15
mun dóttir Gulla, Ingibjörg Guð-
laugsdóttir, spila á básúnu, en hún
starfar sem tónlistarkennari ásamt
því að spila í Sinfóníuhljómsveit
Íslands og Stórsveit Reykjavíkur.
Gulli hvetur Borgfirðnga og aðra
lesendur til að koma við opnun
sýningarinnar, en sýningin verður
áfram opin á opnunartíma Safna-
húss Borgarfjarðar.
mm
Guðlaugur opnar
myndlistarsýningu um næstu helgi
Guðlaugur Jón Bjarnason, Gulli, með pensilinn á lofti og trönurnar inni í herberginu sínu í Brákarhlíð.
S
K
E
S
S
U
H
O
R
N
2
02
2
Stuðningsfjöl­
skyldur fyrir
börn óskast

Félagsþjónusta Hvalfjarðarsveitar leitar eftir
fjölskyldum/einstaklingum sem eru tilbúnar að
gerast stuðningsfjölskyldur fyrir börn. Hlutverk
stuðningsfjölskyldna felst í því að taka barn/börn
inn á heimilið í stuttan tíma, að jafnaði eina-tvær
helgar í mánuði skv. samningi þar um. Um er að
ræða börn með fötlun og/eða börn sem þurfa
stuðning.
Við leitum að fjölskyldum/einstaklingum sem eru
færir um að skapa öruggar aðstæður með hlýju
og nærgætni en skýrum mörkum.
Um er að ræða verktakavinnu. Frekari
upplýsingar og reglur Hvalfjarðarsveitar um
stuðningfjölskyldur má finna hér:
https://www.hvalfjardarsveit.is/static/files/Reglur/
studningsfjolskyldur
Nánari upplýsingar veitir
Elín Thelma Róbertsdóttir, félagsmálastjóra
í síma 433-8500 eða á netfanginu
felagsmalastjori@hvalfjardarsveit.is
S
K
E
S
S
U
H
O
R
N
2
02
2
Liðveitendur og
persónulegir ráðgjafar
óskast fyrir börn

Félagsþjónusta Hvalfjarðarsveitar auglýsir eftir
einstaklingum til starfa sem liðveitendur og
persónulegir ráðgjafar fyrir börn og unglinga.
Við leitum að einstaklingum sem náð hafa 18 ára
aldri, óháð kyni.
Um er að ræða hlutastörf, yfirleitt seinnipart dags
og/eða um helgar og er því tilvalið sem aukastarf
með námi eða öðru starfi. Laun eru samkvæmt
kjarasamningi Sambands íslenskra sveitarfélaga
og viðkomandi stéttarfélags.
Félagsleg liðveisla er veitt fötluðum börnum
og hefur það markmið að veita persónulegan
stuðning og aðstoð sem miðar að því að rjúfa
félagslega einangrun til dæmis til þess að njóta
menningarlífs, félagslífs og tómstunda ásamt því
að auka félagsfærni viðkomandi. Persónulegur
ráðgjafi hefur svipað hlutverk og liðveitandi og er
úrræði skv. barnaverndarlögum.
Umsókn um starf má finna á heimasíðu
Hvalfjarðarsveitar:
https://www.hvalfjardarsveit.is/is/stjornsysla/
eydublod/umsokn-um-atvinnu
Nánari upplýsingar veitir Elín Thelma
Róbertsdóttir, félagsmálastjóra
í síma 433-8500 eða á netfanginu
felagsmalastjori@hvalfjardarsveit.is