Árbók Reykjavíkurborgar - 01.08.1975, Blaðsíða 275

265
Þeir, sem hafa menn í þjónustu sinni, er taka kaup fyrir starf
sitt, eru og skyldir að skýra frá því, ókeypis og x umbeðnu formi, hvert
kaup þeir greiða hverjum manni, þar með talin stjórnarlaun, ágóðaþóknun,
gjafir o.þ.h. NÚ eru laun greidd fyrir milligöngu annars manns og vinnu-
veitandi því eigi fær um að láta framangreindar upplýsingar í té, og
hvílir þá skyldan á milligöngumanni. Fjármálaráðherra er heimilt að ákveða,
að hver móttakandi starfslauna og annarra greiðslna, sem fyrirmæli þessarar
málsgr. taka til, skuli sýna greiðanda eða milligöngumanni nafnskírteini
sitt, svo og að upplýsingar greiðanda til skattyfirvalda um nafn, fæðingar-
dag og nafnnúmer hlutaðeiganda skuli vera í samræmi við það, sem stendur
á nafnskírteini þeirra.
Hvenær sem skattstjóri telur þess þörf, getur hann krafizt þess, að
framteljendur leggi fram bókhaldsgögn sín, þar með talin verzlunarbréf og
samningar, til athugunar, er framtal er sannreynt eða endurskoðað.
Vegna rannsókna samkvsant lögum þessum hefur ríkisskattstjóri,
skattrannsóknarstjóri og þeir menn, sem þeir fela rannsóknarstörf, aðgang
að bókum og bókhaldsgögnum, þar með talin verzlunarbréf og samningar, fram-
lalsskyldra aðila, svo og allra stofnana, félaga og annarra aðila, sem ekki
eru framtalsskyldir, þar með taldir bankar, sparisjóðir og aðrar peninga-
stofnanir. Enn fremur aðgang að starfsstöðvum og birgðageymslum þessara
aðila og svo heimild til að taka skýrslur af hverjum þeim, sem ætla má geta
gefið upplýsingar, er máli skipta.
37. gr.
Þegar framtalsfrestur er liðinn, skal skattstjóri leggja tekjuskatt
og/eða eignarskatt á skattþegn samkvæmt framtali hans. Þó skal skattstjóri
leiðrétta augljósar reikningsskekkjur í framtali svo og einstaka liði,
ef þeir eru í ósamræmi við gildandi lög og fyrirmæli. Enn fremur skal
skattstjóri leiðrétta einstaka liði, ef telja má, að óyggjandi upplýsingar
séu fyrir hendi, en gera skal skattþegni strax viðvart um slíkar breytingar.
NÚ er framtalsskýrsla eða einstakir liðir hennar eða fylgigögn ófullnægjandi
óglögg eða tortryggileg, eða skattstjóri telur þurfa nánari skýringar á
einhverju atriði, og skal hann þá skora á framteljanda að láta í té innan
ákveðins tíma þau gögn öll, þar með talin bókhaldsgögn, sbr. 36. gr., er
skattstjóri telur sér þörf á að fá, svo og skriflegar skýringar, og er
framteljanda skylt að verða við áskorun skattstjóra. Fái skattstjóri full-
nægjandi gögn og skýringar innan tiltekins tíma, leggur hann skatt á sam-
kvæmt framtali og framkomnum gögnum og skýringum, sbr. þó 47. gr. Berist
eigi svar frá framteljanda innan tiltekins tíma, skýringar hans eru ófull-
nægjandi, eigi eru send þau gögn, sem óskað er, eða send gögn eru ófull-
nægjandi, skal skattstjóri áætla tekjur og eign skattþegns svo ríflega, að
eigi sé hætt við, að fjárhæðir séu áætlaðar lægri en þær eru í raun og veru,
og ákveða skatta hans í samræmi við þá áætlun, sbr. þó einnig 47. gr.
Ágætlun skal tilkynna skattþegni skriflega. Ef eigi er kunnugt um dvalar-
stað framteljanda eða umboðsmanns hans, má skattstjóri áætla tekjur hans
og eign án þess að gera honum viðvart.
Telji skattþegn eigi fram innan tilskilins framtalsfrests, sbr.
1. mgr. 35. gr., skal skattstjóri áætla tekjur hans og eign svo ríflega,
að ekki sé hætt við, að upphæðin sé sett lægri en hún á að vera í raun
réttri, sbr. þó 47. gr.
Hafi skattstjóri grun um, að veruleg skattsvik hafi verið framin,
skal hann senda ríkisskattstjóra skýrslu um málið. Þegar ríkisskattstjóra
hefur borizt slík skýrsla, skal hann , ef hann telur ástæðu til, hefja
rannsókn í málinu sjálfur eða fela hana skattstjóra.