Ský - 01.04.2010, Side 53

EKKERT GOS SLÆR GOSINU VIÐ Á
FIMMVÖRÐUHÁLSI, ÞÓTT LÍTIÐ HAFI VERIÐ.
MAGNAÐ OG MYNDRÆNT GOS.
GOSA SÖGUR
Fimm ára stóð ég á Kambabrún og sá svartan mökkinn koma úr hafinu. Það var fyrsta gosið sem ég sá,
Surtsey að verða til árið 1963. Minnisstætt. Enn minnisstæðari janúarmorgunn þegar ég var fimmtán
ára, þegar Heimaeyjargosið byrjaði. Kennsla féll niður. Sá aldrei það gos, en það var ekki fyrr en Hekla
gaus fyrir tuttugu árum sem ég sá fyrst alvörueldgos, síðan þau tvö í Gjálp og Grímsvötnum, og smágos í
Heklu. En ekkert gos slær gosinu við á Fimmvörðuhálsi, þótt lítið hafi verið. Magnað og myndrænt gos.
Fullkomið túristagos, enda telur lögreglan að á fyrstu þremur vikum gossins hafi um 25 þúsund manns lagt land
undir fót til að sjá þetta náttúruundur. Og síðan hófst stórgosið í Eyjafjallajökli. Njótið.
TEXTI OG MYNDIR: PÁLL STEFÁNSSON