Úrval - 01.10.1944, Page 6

4
ÚRVAL
gleðin yfir því, sem gerist með
þjóðinni.
Eg get ekki óskað þjóð vorri
neins betra en þess, að við
þennan fána tengist ár eftir ár
og öld eftir öld æ fleiri fagrar
minningar, að hann verði ávísun
á vaxandi sjóð virðingar og vel-
vildar hjá öðrum þjóðum, og
heima fyrir það tákn, sem
„tengir í oss að einu verki anda,
kraft og hjartalag."
Torráðin gáta.
Ben Ames Williams, amerískur rithöfundur, birti einu sinni
smásögu í Saturday Evening Post, en hún hafði meðal annars
efnis inni að halda þessa gátu:
Fimm menn og api urðu skipbrota á óbyggðri eyju. Fyrsta
daginn notuðu þeir til að tína allar kókóshneturnar á eynni og
hrúga þeim saman. Síðan lögðust þeir til svefns. Um nóttina
vaknaði einn mannanna — köllum hann A — og skipti hnetunum
í fimm jafna parta. Þá gekk ein af, og hana gaf hann apanum.
Síðan setti hann fjóra partana saman í eina hrúgu, en faldi sinn
part. Nokkru síðar vaknaði B og gerði hið sama. Aftur varð ein
hnot afgangs, og hana fékk apinn, og svona gekk það koll af
kolli, að C, D og E gerðu hið sama.
Um morguninn var hrúgan af eðlilegum ástæðum minni en
um kvöldið, en það lét sig enginn neinu skipta, því að allir vissu
sig seka. Þá skiptu þeir hrúgunni, sem eftir var, í fimm parta,
en að þessu sinni varð engin hnot eftir handa apanum, því að nú
deildist hrúgan í rétta fimm hluta.
Hversu margar hnetur voru uppnmalega í hrúgunnl?
Þegar þér eruð búinn að reyna að leysa þessa reikningsþraut,
en áður en þér flettið upp svarinu á bls. 128, er rétt að skýra
frá því, að margir ágætir stærðfræðingar hafa gefizt upp við
dæmið, svo að það er engin skömm að því fyrir yður ao gera
hið sama. En fæstir hafa leyst þrautina á minna en klukkutíma,
þó að alkunnur leynilögreglusöguhöfundur hafi gert það á 35
mínútum. En hann var lengur að útskýra hvernig hann hefði
komizt að niðurstöðunni. — Saturday Review.