Skinfaxi - 01.01.2018, Síða 43

SKINFAXI tímarit Ungmennafélags Íslands 43
HVAÐ
ER AÐ
FRÉTTA?
Erla Bjarnadóttir er formaður blakdeildar
Völsungs á Húsavík. Blakstarfið þar hefur um
árabil verið öflugt, sérstaklega öldungablak-
ið og síðar kvennablakið. Á árum áður kepptu
Völsungar reglulega í 1. deild kvenna á
Íslandsmótinu í blaki og varð kvennaliðið
Íslandsmeistarar árin 1978 og 1979 en síðan
ekki fyrr en árið 1984. Á síðustu árum hefur
þátttakan verið mjög góð á öldungamótum
Blaksambands Íslands.
„Við höfum lengi átt karla- og kvennalið í öldungakeppnum og
nú spila um 50 manns í öldungablaki,“ segir Erla formaður blak-
deildarinnar. Hún rifjar upp að á árum áður hafi liðin aðallega spil-
að á Dalvík, Akureyri og Siglufirði en síðan á stórmótum öldunga
og gengið vel.
Hún segir starf blakdeildarinnar hafa staðið nokkuð í stað og ein-
skorðast við öldungadeildina. Fyrir átta árum hófst krakkablak og
var erlendur blakþjálfari ráðinn til starfa fyrir tveimur árum. Upp úr
því var stofnaður meistaraflokkur og var það ferskur andblær fyrir
barnastarfið í blakdeildinni. Stofnun og efling meistaraflokks hafði
ruðningsáhrif því í kjölfarið varð mikil nýliðun í öldungablakinu.
Yfirþjálfari meistaraflokksliða Völsungs í blaki er Sladjana
Smiljanic, sem valin var blakmaður HSÞ árið 2017. Hún var lykil-
maðurinn í því að fá hingað serbnesku blakhetjuna Vladimir Grbic
sem hélt bæði námskeið og blakbúðir á Húsavík síðustu helgina
í mars undir yfirskriftinni Frá grunni til gulls. „Hún kom þessu á
koppinn og gerði blakbúðirnar að veruleika,“ segir Erla.

Blakhetja kemur í bæinn
Vladimir Grbic er landi og raunar sveitungi Smiljanic en þau koma
frá sama bænum í Serbíu og var hún mikilvægur tengiliður fyrir
komu hans hingað til lands. Grbic er Ólympíumeistari í blaki og
sendiherra Special Olympics í sameinuðu blakliði fatlaðra og ófatl-
aðra (e. unified volleyball). Hann er í frægðarhöll blaksins og eng-
inn smámaður á ferð því honum hefur verið lýst sem Pelé blak-
heimsins.
Grbic er málsvari þess að fatlaðir og ófatlaðir spili saman í blak-
liði og var í tengslum við heimsókn hans sett saman blaklið fatl-
aðra og ófatlaðra undir merkjum Völsungs. Liðið samanstendur af
þremur fötluðum einstaklingum og þremur ófötluðum.
Grbic átti góðan leik á Húsavík í mars. Hann byrjaði helgina með
fræðilegum fyrirlestri fyrir þjálfara, íþróttakennara og áhugasama
um flestar hliðar íþrótta. Eftir það hófust blakbúðir fyrir iðkendur
10–18 ára undir handleiðslu hans með verklegum æfingum sem
skipulagðar voru út frá fjölda barna og ungmenna í blakbúðunum.
Erla segir mætinguna hafa verið mjög góða. En fjarlægðin hafi
hugsanlega haft sitt að segja um fjölda þeirra sem þátt tóku í blak -
búðum Vladimirs Grbic. „Ef verkefnið hefði verið á höfuðborgar-
svæðinu hefðu líklega fleiri komið. Við erum
langt í burtu og sumum þykir lengra að
koma til okkar en okkur að fara til þeirra,“
segir hún.

Allt að gerast
„Blak er mjög vinsælt um þessar mundir. Það
hjálpar okkur að fá umfjöllun í fjölmiðlum,“
segir Erla og bætir við að SportTV sé að gera
góða hluti fyrir útbreiðslu blakíþróttarinnar.
Útsendingar stöðvarinnar nást bæði í Sjón-
varpi Símans og Vodafone. Góð umfjöllun
segir Erla að hafi skilað sér í því að öldunga-
mótin stækka með hverju árinu. „Í raun eru
þau orðin það stór að smærri bæjarfélögum
fækkar sem ráða við að halda öldungamót
í blaki því marga velli þarf fyrir undir mótin.
Slíkur er fjöldi keppenda og liða,“ segir Erla
Bjarnadóttir.
Blakið á fleygiferð
á Húsavík
Íþróttafélagið Völsungur – Húsavík
Pelé blakheimsins var með vinnubúðir þar í mars.
Erla Bjarnadóttir hefur spilað blak í
fimmtán ár. Hún hefur verið í stjórn
blakdeildar Völsungs í fimm ár, þar af
sem formaður í tæpt ár.
Erla Bjarnadóttir, formaður blakdeildar
Völsungs.
Deildin í
hnotskurn
• Iðkendur í krakkablaki: 40
• Iðkendur í öldungablaki: 50
• Þetta er í boði hjá Völsungi:
Blak, boccia, fimleikar,
handbolti, knattspyrna,
skíðaganga, sund og
taekwondo
Meistaraflokkur Völsungs í blaki kvenna. Frá blaknámskeiði sem blakdeild Völsungs hélt.