Skinfaxi - 01.01.2020, Blaðsíða 13

S K I N FA X I 13
unnið að því að laða fólk til að draga úr bílanotkun, svo sem með því
að hækka bílastæðagjöld og umbuna þeim sem nota almennings-
samgöngur,“ segir Kolbrún.
En hvernig finnst ykkur Íslendingar standa sig og hvar sjáið þið tækifæri
fyrir okkur til að gera betur?
„Við stöndum okkur ágætlega og nýtum þá valkosti sem eru í boði
núna,“ segir Kolbrún og bendir á að samstillt átak landsmanna um að
draga úr plastnotkun skili árangri. Matvörubúðir séu, svo að dæmi sé
tekið, að draga úr framboði á plastpokum og bjóði frekar upp á fjöl-
notapoka. En gera megi fleira eins og að gera viðskiptavinum kleift að
koma með ílát undir mat úr kjötborðum og krukkur til að fylla á sápu
eins og gert er í versluninni Vistveru í Reykjavík,“ segir hún.
Norrænu samtökin Nordisk Samorganisation for
Ungdomsarbejde – NSU – voru stofnuð árið 1946 og saman-
standa af tólf aðildarfélögum og fjórum samstarfsfélögum. Innan
NSU eru 700.000 félagsmenn. Á vettvangi samtakanna er unnið
mikið af verkefnum sem ætlað er að tengja Norðurlöndin betur
saman. Þar á meðal eru ungmennaskipti, ungmennavikur og
ýmiskonar ráðstefnur og viðburðir ætlaðir ungu fólki. UMFÍ hefur
átt aðild að samtökunum frá upphafi, hefur
tekið virkan þátt í starfi þeirra og átt fólk í
stjórn. Kolbrún Lára situr nú í stjórn NSU
ásamt Jörgen Nilsson, frístundaleiðbein-
anda í Ungmennabúðum UMFÍ á
Laugarvatni.
Hvað borðarðu?
Eitt af verkefnunum, sem ráðstefnugestir NSU fengu, var sjálf-
bærniáskorun í matarinnkaupum. Ráðstefnugestum var skipt
í hópa og og átti hver og einn að kaupa mat með eins lágt
kolefnispor og mögulegt var.
„Hópurinn minn keypti hráefni í hafra- og chia-graut. Við
notuðum finnska haframjólk, finnska hafra og vörur úr jurta-
ríkinu. Ég var svo viss um að við myndum vinna. En við féllum
á því að chia-fræin eru innflutt frá Mexíkó,“ segir Kolbrún. Sá
hópur vann sem bjó til máltíð eingöngu úr finnsku hráefni.
Hvað er hægt að gera?
Kolbrún mælir með að fólk skoði það sem er í boði sem veitir
fræðslu um minni plastnotkun og endurvinnslu. Sjálf er hún í
nokkrum hópum á Facebook. Tveir þeirra eru:
• Last fyrir plast.
• Áhugahópur um endurvinnslu og endurnýtingu.
Margir þekkja ekki kolefnissporin
Kolbrún segir það hafa komið sér á óvart að þótt Íslendingar séu eftir-
bátar sumra þjóða hvað varðar endurvinnslu og flokkun séu Evrópu-
þjóðir raunar afar mislangt komnar á þessu sviði og margar langt á
eftir okkur.
„Íslendingar eru til dæmis að gera ýmislegt sem Tyrkjum hefur ekki
einu sinni dottið í hug enn. Ég er bara í minni einangruðu kúlu hér á
Íslandi og mér datt ekki í hug að fólk á Norðurlöndum væri enn að
brenna kolum til orkuframleiðslu. Fólkið frá Tyrklandi sagði okkur að
þar væri flokkun á úrgangi nýjung. Þessi hugsun hefur bara ekki þekkst
þar fram til þessa,“ segir hún. „Ég held að allir reyni að gera sitt besta.
Ég tel að í stað þess að gagnrýna fólk sé farsælla að benda því á leiðir
til að gera betur. Fræðsla er góð,“ segir hún og bendir á að sem
dæmi hafi hún ákveðið að taka strætó í skólann oftar en áður og að
ganga til að fá hreyfinguna frekar en að nota bílinn.
„Þetta var skemmtileg vika sem gerði mig meðvitaðri og fékk mig
til að hugsa,“ segir Kolbrún Lára.