Læknaneminn - 01.11.1969, Qupperneq 69
LÆKNANEMINN
59
niðurstöður slíkrar könnunar væru þegar fyrir hendi hjá alþjóðastofn-
unum.
Er nær dró þingslitum varð ljóst, að of mikið bar á milli hinna
stríðandi hópa á þessu þingi til að samkomulag næðist. Þó varð að
samkomulagi, að kannað yrði hjá aðildarfélögum IFMSA:
1. hvort alþjóðleg samtök læknanema væru æskileg
2. hvert starfssvið slíkra samtaka ætti að vera
3. hvað aðildarfélögin væru reiðubúin að leggja af mörkum.
Síðast á dagskrá þingsins var svo kjör stjómar. Ekkert framboð
barst um forseta. Var þá brugðið á það ráð að ákveða aukaþing í Sviss
í byrjun janúar 1970, í tengslum við þing stúdentaskiptastjóia. Kosinn
var því forseti fram að því þingi og náði kjöri Geoffrey Lloyd, rit-
stjóri INTERMEDICA. Er hann brezkur, og fulltrúi þeirra, er vilja,
að IFMSA starfi á svipuðum grundvelli og hingað til. Er því vafa-
samt, að honum takist að sameina þau öfl, sem svo mjög eru á önd-
verðum meiði. Okkur Islendingum var boðið sæti í aðalstjórninni, en
ekki þótti mér það fýsilegt. I fyrsta lagi fylgir fjárhagsleg kvöð, við-
komandi land verður að kosta starf síns stjórnarmanns svo sem ferðir
og fleira. I öðru lagi er sæti í stjórn ekki árennilegt eins og málum er
nú komið innan IFMSA.
NIÐURLAG.
Þótt aðeins hafi verið drepið á það helzta, en skrifin orðin löng,
er ekki hægt að skilja svo við, að ekki sé minnst á land og þjóð. Eins
fór fyrir mér og mörgum landa, sem farið hefur suður á bóginn, að
loftslagsbreyting og annað mataræði olli nokkrum erfiðleilium fyrstu
vikuna. Hitinn var 30-40°C meðan sól var á lofti, en þægilega svalt
á kvöldin, 17-20°C. Starfað var frá kl. 9 á morgnana til kl. 6 á kvöld-
in, en síðari hluta þingsins urðu kvöldfundir tíðari. Samt gafst okkur
tækifæri til að kynnast nokkuð landi og þjóð. Farið var í tvö 2ja
daga ferðalög og komið víða við. Sáum við þá brot af þeim geysi-
stóra sögulega fjársjóði, sem ísrael hefur að geyma. Þá fórum við ekki
varhluta af því ótrygga ástandi, sem ríkir í þessum heimshluta. Vopn-
aðir verðir gæta Háskólans, krefja um skilríki og leita í farangri.
Sama er að segja um merkar byggingar. Sprengja hafði sprungið í
kaffistofu Háskólans nokkrum mánuðum áður og valdið dauða þriggja
stúdenta. Er við ókum um herteknu svæðin, sérstaklega arabahverfi,
mátti víða sjá hermenn með alvæpni á götum úti. Israelskir lækna-
nemar hafa einnig þurft að leggja sitt af mörkum. Herskylda hefur
verið lengd úr 2 í 3 ár, en auk þess verða þeir að verja minnst 1 mán-
uði á ári í viðhaldsþjálfun. Við skoðuðum einnig Læknaskólann i
Jerúsalem. Það er 6 hæða bygging, vel búin tækjum, sambyggð kennslu-
sjúkrahúsinu, Hadassah Medical Center. Læknanemar eru 600, en inn-
tökuskilyrði mjög ströng, 1 af hverjum 10 kemst að. Valið er á grund-
velli prófs, sem er sambærilegt við stúdentspróf, inntökuprófs og loks
eru viðtöl við sérstaka nefnd, sem endanlega velur. Frá mörgu fleiru
er að segja, en hér verður látið staðar numið.