Læknaneminn - 01.04.2007, Side 57

Verknám á 4. námsári í lyf- oq handlækningum
í lyflæknisfræði og handlæknisfræði. Þeir5. árs nemarsem
höfðu starfað á FSA síðastliðinn vetur létu vel af reynslu
sinni, svo við stukkum á tækifærið þegar það bauðst.
Lyflækningadeild FSA skiptist í lyflækningadeild 1 (Ll)
með 23 rúmum og lyflækningadeild 2 (L2) með 9 rúmum.
Innlagnir á deildirnar eru samanlagt rúmlega 2000 á ári.
Aðaláhersla á lyflækningadeild I er lögð á bráðalækningar
og sérfræðiþjónustu í hjarta- og æðasjúkdómum,
lungnasjúkdómum, meltingarfærasjúkdómum, smitsjúk-
dómum og taugasjúkdómum. L2 er svokölluð 5 daga deild
þar sem sjúklingar leggjast inn af biðlista til fyrirfram
skipulagðra rannsókna og/eða meðferðar. Stór hluti
lyfjameðferðar krabbameinssjúklinga fer fram á L2.
L1 er skipt í 3 teymi; hjartateymi, lungna-og smitteymi
og meltingarteymi. Hverju þeirra er stýrt af tveimur
sérfræðingum. Hvert teymi samanstendur af sérfræðingi,
einum unglækni og einum læknanema.
Við deildina er sömuleiðis lífeðlisfræðideild þar sem
frarnkvæmd eru áreynslupróf, ómskoðanirá hjarta, HOLTER
úrlestur með fjargreiningu ásamt öðrum hjarta- og
osðarannsóknum, spírómetríur, heilarit og tauga-og
vöðvarit.
A FSA ersjálfstæð speglunardeild þarsem meltingarfæra-
°9 lungnalæknar lyflækningadeildar hafa aðstöðu til
speglana.
Þrátt fyrir að vera mun smærra sjúkrahús en LSH er
rnikið um að vera á FSA að jafnaði. Til marks um það er
fjöldinn allur af rannsóknum sem spítalinn framkvæmir.
Við vorum nærri því einu læknanemarnir á sjúkrahúsinu á
meðan á dvöl okkar stóð. Þetta hefur nokkra ótvíræða
kosti í för með sér. í hefðbundinni teymisvinnu gefst jafnan
meiri tími til kennslu og umræðna. Segja má að læknanemar
hafi þar sérfræðinga „útaffyrir
sig" og geti spurt þá spjörunum
úr. Ádeild L2á FSAersjúkrastofa
eyrnamerkt læknanemum sem
býr yfir flestum ef ekki öllum
tækjum til klínískrar skoðunar
auk tölvu. Það væri óskandi að
fá slíka aðstöðu á Landspítala
háskólasjúkrahúsi. Ekki þarf að
fjölyrða um gagnsemi slíks
framtaks.
Hefðbundinn dagur á
sjúkrahúsinu hefst klukkan
8:00 á sjúkrahúsinu með
morgunfundi lyflækna. Þar er
farið yfir innlagnir og sömuleiðis
inniliggjandi sjúklinga, eins
konar ,,forstofugangur". Að
honum loknum, kl. 8:45, tekur
svo við myndgreiningarfundur
þar sem farið er yfir
myndgreiningarrannsóknir
sjúklinga. Því næst er það
hefðbundinn stofugangur. Auk
þessa eru kennslufundir, klíníkur
o.fl. Læknanemar ganga einnig vaktir með unglæknum frá
kl. 16-24, a.m.k. einu sinni í viku. Dvöl okkar stóð yfir í
samtals tvær vinnuvikur og á þeim tíma hafði hvert okkar
tvær klíníkur undir leiðsögn sérfræðings eða eina á viku.
Ef maður heimsækir Akureyri á annað borð þá er það
blátt áfram skylda viðkomandi að gera nokkra ákveðna
hluti. Við fengum frábært skíðafæri svo helginni var eytt á
skíðum eða snjóbretti. Á Greifanum er að finna þá bestu
flatböku sem um getur; Pizza nautabanans. í stað pizzasósu
færðu bernaise sósu. Ofan á bætast þunnt sneitt nautafille,
franskar, ostur og örlítið af svörtum pipar. Pizzan ku heita
Búkollupizza á tungumáli innfæddra. Þessu er svo skolað
niður með köldu öli. í eftirrétt dugar ekkert minna en ís úr
Brynju. Við klikkuðum reyndar á að kaupa okkur kók í
bauk. Og ekki púnteraði dekk á bílnum heldur. Ef það á
hins vegar að fá sér pylsu með öllu, þá skal viðkomandi
vera við öllu búinn. Pylsa með öllu er ekki bara pylsa með
öllu. Á akureyskri pylsu með öllu er allt álegg og sósur
undir pylsunni og auk þess fer kokteilsósa ofan á pylsuna.
Furðulegt!
Það er nýlunda að læknanemar sem sækja námskeið í
klínískri lyflæknisfræði og/eða handlæknisfræði, geti sótt
hluta námskeiðsins á FSA og er þetta í annað sinn sem
boðið er upp þennan valkost. Eðlilega er þetta aðlaðandi
kostur fyrir heimamenn sem sækja nám sitt við læknadeild
í Reykjavík. En auk þess býður þetta upp á fjölbreytni í
námi allra læknanema, svo ég get hæglega mælt með því
fyrir þá sem sækjast eftir tilbreytingu og nýjum áskorunum
í námi, að nýta sér þetta tækifæri.
Læknaneminn 2007 5 7