Læknaneminn - 01.04.2007, Page 70

Sjúkratilfelli 3
Gangur og áframhaldandi meðferð
Eftir tölvusneiðmyndina af höfði var farið á skurðstofu og
þegar þangað var komið voru bæði Ijósop samandregin.
Hún var búin að fá 500 ml af mannitóli í æð á þessum
tímapunkti. Henni var haldið sofandi. Heila- og
taugaskurðlæknir setti kera (e.drain) í heilahólfin
(e.ventriculus) og mældist innankúpuþrýstingurinn
verulega hækkaður eða 60 mmHg. Eftir að kerinn var
settur kom heilmikið af heila- og mænuvökva og
þrýstingurinn lækkaði töluvert við það. Hún var flutt á
gjörgæsluna og illa gekk að ráða við innankúpuþrýstinginn
fyrst í stað og var því settur inn keri (e.drain) í mænugöngin
á milii lendhryggjarliða sex dögum eftir innlögn. Eftir að
það var sett lækkaði þrýstingurinn meira og betur gekk að
ráða við hann. Kerinn var svo tekinn 21 degi eftir innlögn
og sett hjáveita á milli heilahólfa og kviðarhols (e.ventriculer
peritoneal shunt). Líkamshita var haldið í 36°C með
yfirborðskælingu fyrstu vikurnar. í mænuvökvanum sem
var tekinn strax við komu á Slysa- og bráðadeildina
ræktuðust svo Meningokokkar af grúppu B.
Hún var í öndunarvél á gjörgæslunni í mánuð og með
barkaraufa (e.tracheostomy) síðustu 2 vikurnar. Fór að
vakna aðeins upp á 3.viku. Eftir að hún vaknaði upp aftur
var hún með lömun í höndum og fótum. Tölvusneiðmynd
af höfði sýndi í fyrstu miklar lágþéttnibreytingar yfir nær
öllu hægra heilahveli (mynd 1) en segulómun sem gerð
var rétt fyrir útskrift af gjörgæslu yfir á barnadeild sýndi
áfram dreifðar lágþéttnibreytingar (e.ischemia) yfir öllu
hægra heilahveli (mynd 2) ásamt lágþéttnibreytingum í
ofanverðri hálsmænu alveg upp við mænugat (e.foramen
magnum) (mynd 3). Það var því Ijóst að hún hafði bæði
hlotið heila- og mænuskaða í kjölfar heilahimnubólgunnar.
Mynd 1: Tölvusneiðmynd af heila nokkrum dögum
eftir innlögn
Lágþéttnisvæði parietalt hægra megin, svo mörk milli
grás og hvíts hei/avefs eru nánast alveg útmáð.
Nú liggur hún á endurhæfingardeild í stífri endurhæfingu
og eru einkenni hennar í dag í kjölfar þessara skemmda
máttminnkun í hægri fótlegg, handleggurinn hægra megin
nýtist við daglegar athafnir en útlimir vinstri hliðar eru
bæði mjög spastískir og auk þess máttlausir. Hún kemst á
Mynd 2: Segulómun af heila við útskrift af gjörgæslu
Útbreitt lágþéttnisvæði í hægra heilahveli. Breytingarnar
sjást temporalt occipitalt og hátt parietalt og frontalt. Ekki
merki um lágþéttnisvæði vinstra megin. Status eftir dren
sem lagt var í hægra framhorn.
Mynd 3: Segulómun af hálshrygg við útskrift af
gjörgæslu
Efst í hálsmænu í hæð við C1 sjást tvær segulskærar
skemmdir í hálsmænu. Líklegast lágþéttnisvæði (infarct).
70 Læknaneminn 2007