Póllinn - apr. 2024, Síða 35

Við getum púslað því saman að árlegu námsferðirnar, til Bandaríkjanna annars vegar og Brussel
hins vegar, eru örlítið eldri en félagið sjálft. Það er erfitt að fá staðfest hvenær var fyrst farið í
þessar ferðir og hvort að þetta hafi verið nemendaferðir (þ.e. djammferðir ótengdar skólanum) eða
námsferðir (þ.e. kennari er með og nemendur mæta þunnir á virtar stofnanir). Einhverjar frásagnir
benda til að fyrstu ferðirnar voru á árunum ‘91 eða ‘92 og voru nemendaferðir til Manchester. Þó
virtist annað koma í ljós í ræðu Hönnu Birnu heiðursgests okkar á síðustu árshátíð. Þar sagði Hanna
Birna okkur sögu frá námsferð sinni (með kennara) til Sovétríkjanna og London. Besta ágiskun okkar
er að þessi ferð hafi verið á milli ‘89 og ‘91. Það færir okkur þó ekki nær um hvenær farið var í fyrstu
ferðina en staðfestir að námsferðirnar eru eldri en félagið sjálft þó að nú til dags sjáum við um
skipulagningu hennar.
Stærsta tólið okkar til að varðveita sögu félagsins hefur verið okkar allra besta Íslenska leiðin (nú
Póllinn). Blað stjórnmálafræðinema kom fyrst út árið 2001 undir nafninu Íslenska leiðin. Í fyrstu var
blaðið fullt af fræðilegum greinum skrifaðar af prófessorum og stjórnmálamönnum um alþjóðamál
og sérstöðu Íslands – þessi áhersla á íslenska sjónarhornið er líklegasta ástæðan fyrir þjóðernislega
nafninu. Með tímanum þróaðist blaðið og varð blanda af fræðandi og skemmtilegu efni gert til að
vekja áhuga stjórnmálafræðinema. Veturinn 2022- 2023 þótti tímabært að breyta nafninu og eftir
kosningar nemenda var nafnið Póllinn valið. Ég var ritstýra blaðsins þennan vetur og fannst
gríðarlega mikilvægt að saga Íslensku leiðarinnar og Politicu myndi ekki glatast með nafn-
breytingunni. Þess vegna var lagt í samstarf með Tímarit.is til þess að birta allar útgáfur Íslensku
leiðarinnar sem áður voru læstar á skjalasafni Þjóðarbókhlöðunnar. Með birtingu Íslensku
leiðarinnar á Tímarit.is er ómetanlegt púsl í sögunni okkar loksins orðið aðgengilegt öllum.
Stjórnmálafræðinemar geta skoðað hvað voru talin helstu málefnin árið 2007, hvað Bjarna Ben (þá
óbreyttur þingmaður) fannst um Öryggisráð Sameinuðu þjóðanna árið 2005 og einnig hvaða
vísindaferðir Politica fór í árið 2011. Það má jafnvel sjá glitta í nokkra af kennurunum okkar djamma
á sínum tímum sem nemendur. Ég hvet ykkur öll til að skoða þessar gömlu útgáfur af tímariti
stjórnmálafræðinema.
Þann 14. apríl næstkomandi munum við halda upp á 30 ára afmæli Politicu. Við vonumst til að yfir
kaffi og kökum munu núverandi stjórnmálafræðinemar mæta þeim gömlu og saman getum við fyllt
inn í götin sem hafa myndast í sögu félagsins.
Greinin í Stúdentablaðinu ‘95
34