Póllinn - apr. 2024, Blaðsíða 54

Þjóðareign
Embætti landlæknis
varar við nýjum faraldri:
joðskortur kvenna á barnseignaraldri.
Embætti landlæknis ráðleggur
öllum konum á barnseignaraldri
að gefa alfarið upp áfengisneyslu,
ef ske kynni að þær yrðu óléttar.
Embætti landlæknis mælir með
að konur á barnseignaraldri
sneiði hjá sykri og
haldi sér á lágkolvetnafæði,
sykursýki sæmir ekki barnshafandi konum
Embætti landlæknis sagði mér
„Hvernig dirfist þú?
Allar konur milli fimmtán og fimmtíu
eru á barnseignaraldri.
Veistu ekki að líkami þinn
er þjóðareign?“
Embla Rún Hall
LJÓÐ FRÁ NEMENDUM
Klapp fyrir þér
Hermes, ég biðla til þín
Vísaðu strætó til mín
Ég hata þetta app
Sem kallað er Klapp
Ég hef reynt allt
Mér er svo kalt
Villa segir skjárinn
Fram ryðjast tárin
Gegnum þau lít í kring
Fólk sér þennan hrylling
Horfa í hina áttina
Þau þekkja sársaukann og eymdina
Játa mig sigraða
Annar sigur appsins blessaða
Fer aftur út í rigninguna
Og hef gönguna
Íris Björk
Dauðinn
Ég hugsaði um dauðann
Í fyrsta skipti í langan tíma
Hann kom til mín og hvíslaði í eyrað mitt
Hann lofaði mér öllu fögru
Hann bauð mér að koma með sér yfir ánna
Þar sem ég myndi finna fyrir eilífðar ró
Ég var ekki viss hvort hann hafi leitað til mín
Eða ég til hans
En ég hugsaði um dauðann
Og hann hugsaði um mig
Mó
53