Póllinn - apr 2024, Qupperneq 41

Nei, Bandaríkin ákváðu að stöðva allan fjárhagsstuðning sem þeir veita UNRWA af því að Ísraelsher
sakaði 12 starfsmenn af 13,000 starfsmönnum stofnunarinnar um að hafa átt þátt í árás Hamas
þann 7.október 2023 (Soussi, 2024). Tveir þeirra voru látnir, en hinir tíu voru um leið reknir og
rannsókn hafin, en þrátt fyrir það hafa nú 17 ríki, ásamt Evrópusambandinu, ákveðið að rétt
viðbrögð við þessu sé að frysta fjárhagsstuðning stofnunnar sem veitir þá bráðnauðsynlegu
neyðaraðstoð sem Palestínumenn þurfa (Soussi, 2024). Vesturlönd telja tímabært að knésetja þá
ófullnægjandi neyðaraðstoð sem kemst inn þrátt fyrir ítrekun Alþjóðadómstólsins um að auka
neyðaraðstoð. Þá ákveða Vesturlönd að svipta þá 220,000,000 Palestínumenn sem standa frammi
fyrir hungursneyð (OCHA, 2024, 16. febrúar) aðstoð Sameinuðu Þjóðanna, á sama tíma og þau kjósa
að taka engar ráðstafanir til þess að sjá til þess að Ísrael framfylgi úrskurðinum og takmarki
dauðsföll.
Þetta væri nú fyndið ef það væri ekki grátlegt. Ef saklaus börn, konur og menn myndu ekki deyja
vegna þess. Viðbrögð Bandaríkjanna koma ekki á óvart, enda óforskammaðir í hræsni sinni þegar
kemur að alþjóðalögum og stríðsglæpum. En ég hafði meiri von um að Ísland myndi hunskast til
þess að fylgja ekki í sömu spor. En það voru mín mistök, þar sem íslenska ríkisstjórnin gat ekki einu
sinni stutt vopnahlé, hafði víst ekkert að segja um réttarmálið og getur ekki einu sinni kallað eftir
útgöngu Ísraels úr Evróvisjón, hefði maður ekki átt að eiga von á neinu öðru frá þeim.
Vesturlönd, þar á meðal ríkisstjórn Íslands, finnst það eðlilegt að frysta stuðning til heillar
stofnunar vegna sjálfstæðra gjörða nokkurra einstaklinga (sem er ásakað en ekki sannað) og refsa
þar með almenningi sem verður án bráðnauðsynlegar hjálpar sem gæti bjargað lífi þeirra. Alveg eins
og ráðamenn Ísraels finnst sjálfsagt að fremja stríðsglæpi og hópmorð á saklausum almenningi
vegna gjörða skæruliða, og valda þar með dauða margfalt fleiri en árásir Hamas hafa nokkurn
tímann gert. Hver er eiginlega rökstuðningurinn hér? Hamas var fordæmt fyrir voðaverk sín, vegna
þess að saklaust fólk lét líf sitt, líf sem engin hafði rétt til þess að taka! En ráðherrar og valdafólk
Vesturlanda geta ekki fengist til þess að gagnrýna voðaverk Ísraels, jafnvel það að
Alþjóðadómstóllinn hafi skipað Ísrael að fyrirbyggja þjóðarmorð í gjörðum sínum, fær mótspyrnu.
Þegar íslenskir stjórnmálamenn slá sér á brjóst vegna stöðu Íslands sem fyrirmynd jafnréttis,
réttlætis og mannréttinda, má minna þá á hvernig þeir gátu ekki staðið í fæturna og kallað eftir
vopnahlé, staðið bak við neyðaraðstoð til Palestínumanna eða beitt þrýstingi gegn Ísrael.
Um heiminn allan er fólk í hættu, verið er að myrða Masalit fólkið í Darfur í Súdan (Ahmed 2023),
Róhingja múslimar hafa verið útsettir fyrir þjóðarmorði síðan 2017 sem Vesturlönd geta víst til-
greint sem þjóðarmorð (European nations join Myanmar genocide case, 2023) og Palestínumenn
eru að svelta og deyja af völdum Ísraels með stuðningi Vesturlanda.
Heimurinn þarf að sýna að honum stendur ekki á sama, að enginn komist upp með að fremja slíka
glæpi fyrir framan nefið á öllum. En nei, heiminum er víst sama, þegar verið er að fremja þjóðar-
morð á Palestínu, ekki bara það heldur þá sveltum við þau líka.
Heimildaskrá
Ahmed, Kaamil & Salih, Zeinab Mohammed (2023, 21. nóvember). Sudan’s cycle of violence: ‘There is a genocide going on in West Darfur’. The Guardian.
European nations join Myanmar genocide case (2023, 17. nóvember). Aljazeera.
GAZA: 10,000 children killed in nearly 100 days of war. (2024, 11. Janúar) Save the children.
OCHA, United Nations Office for the Coordination of Humanitarian Affairs (2024, 7. febrúar). Hostilities in the Gaza Strip and Israel | Flash Update #120.
OCHA, United Nations Office for the Coordination of Humanitarian Affairs (2024, 16. febrúar). Hostilities in the Gaza Strip and Israel - reported impact | Day 132.
Soussi, Alasdair (2024, 17. febrúar). Which countries are still funding UNRWA amid Israel’s war on Gaza? Aljazeera.
Suður Afríka v. Ísrael, Alþjóðadómstóll Sameinuðu Þjóðanna (2024).
40